استفسار عن شركات شحن خارج مصر - شورو عليا؟

**mr_who515** · 30-04-2016 10:31 PM

السلام و الرحمة..

أنا أعز عم ليا عايش ومقيم بره مصر في دولة أوروبية. وهو بصراحه لما بينزل أجازة كل فترة ما بيبخلش على حد بهدايا قيمة وغيره.
حالياً وبفضل الله، ربنا رزقه ببنوتة فبفكر ابعتله هديه من هنا بالمناسبة ديه. هو هيشوفها كبيره ويقدرها على الاقل قدام زوجته الأجنبية وديه تعتبر أقل حاجه ممكن أعملها قصاد اللي هو بيقدمه.

ايه شركات الشحن المحترمة اللي ممكن ابعت معاها الهدية؟ والتكلفة بتتحسب ازاي؟ وهل بيكون في اي جمارك او رسوم؟ وتوصل في خلال قد ايه؟؟.

دمتم بود ..

**mr_who515** · 01-05-2016 07:07 AM

65 مشاهدة من غير ولا رد واحد!! ياريت تفيدوني في أقرب وقت..

**Eng.m1986** · 01-05-2016 07:29 AM

ممكن تفكر تشترى الهديه من موقع اوروبى زى امازون وتبعتهاله على طول مع كارت هديه
اعتقد هيكون اسهل

**mr_who515** · 01-05-2016 08:03 AM

أنا معنديش فيزا للشراء من الإنترنت.. ده غير إني ما بفضلش التعامل المالي على الويب أيا كان الموقع موثوق أو لا.
الفكرة أن الهدية لمرات عمي عشان كده فضلت حاجه تكون Authentic من مصر بالإضافة إني فعلا اشتريت الهدية مش ناقص بس غير طريقة ابعتها ليها.

و شكرا على ردك..

**7oda** · 01-05-2016 10:36 AM

Dhl

**Medhat Fathy** · 01-05-2016 11:55 AM

حضرتك ممكن ترسل الهدية عن طريق شركات الشحن المعروفه زي DHL او FEDEX اهم حاجة يكون معك العنوان السليم ورقم تليفون المرسل له والتكاليف كانت بتبدا بحوالي 400 جنيه وتعتمد علي الوزن لكن ممكن مع ارتفاع الدولار يكون اتغير. المفروض انه يصل في خلال 3 ايام عمل. وطبعا هيعطيك tracking number تقدر من خلاله تتابع الشحنه الي ان تصل لعم حضرتك.
علي فكرة كمان البريد المصري السريع الخدمه بتاعته ممتازة لانه بيكون اقل سعرا و هو متعاقد مع FEDEX اعتقد ففي النهايه شركة فيدكس هي اللي بتوصل الشحنه لكن بياخد فترة اطول من اسبوع الي 10 ايام وخاصية التتبع بتكون صعبة شوية لكن بيكون مضمون وصوله باذن الله.