مشكلة نفسيه - مش بحب الشتيمه

**Omar1001** · 01-05-2016 11:49 AM

السلام عليكم و رحمة الله و بركاته

انا عندي مشكلة ان من و انا صغير مختلطش كتير بالناس و من بعد ما خلصت جيش
حتي الان مش بحب اي هزار في شتيمه او اهانه حتي ولو كان بالهزار

انا اصلا مش بشتم اقصي حاجة يا مجنون انت تعبان كدة يعني

لكن في ناس ممكن بتهزر حتي ولو بعشم انا مش بحب الشتيمة انا شايف ان الانسان ارقي بكتير انه يتشتم و ولو بالهزار

انا مريض ؟ اعمل ايه يعني الناس ممكن لما بقلها مش بحب الهزار دة تفتكر اني رخم
او معرفش بيشوفها ازاي

عايز رايكم يعني اعمل ايه في المواقف دة و هل انا ببالغ و لا ايه ؟

**abd_el_7amid** · 01-05-2016 02:14 PM

لا. حضرتك مش مريض
عَنْ أَنَسِ بْنِ مَالِكٍ رَضِيَ اللَّهُ عَنْهُ قَالَ :( لَمْ يَكُنْ النَّبِيُّ صَلَّى اللَّهُ عَلَيْهِ وَسَلَّمَ سَبَّابًا ، وَلَا فَحَّاشًا ، وَلَا لَعَّانًا ، كَانَ يَقُولُ لِأَحَدِنَا عِنْدَ الْمَعْتِبَةِ - أي عند العتاب - : مَا لَهُ ! تَرِبَ جَبِينُهُ )رواه البخاري (6031)

**lena jo** · 01-05-2016 02:27 PM

هذا هو الطبيعي و هذه هي الفطرة السليمةو الشتائم دي حاجة جديدة انها تكون هزار . و لا يهمك ان حد يقول عليك غلس و لا يشوفها زي ما يشوف . لا تسمح لأحد يفرض عليك حاجة زي كده. كل واحد حر . و لنا في رسول الله (صلي الله عليه و سلم)اسوة حسنة وهو لم يشتم او يسب.

**egyboy** · 01-05-2016 02:41 PM

بقولك ايه متحطش فى بالك لو كل الناس حتى بقت اخلاقها سيئة
انت كده فى حالك وراقى باخلاقك
وصدقنى الناس اللى انت بتتكلم عليها دى بتحترمك جدا وبتحسدك من جواها
واسئل مجرب
انا عايز اقولك انى بينى وبين نفسى حتى مبعرفش ولا بحب اشتم
الانسان لازم يكون عنده خلق وحياء
صاحب المحترمين وخليك معاهم اكتر ولو ملقيتش خليك انت المحترم الوحيد اللى الناس هتجرى وراك علشان تصاحبك

انت عارف المشكلة فين ؟ فكرة انك مختلطش بالناس فحاسس انك فى بينك وبينهم فجوة ومسافة
عايز اقولك انت على فطرتك وعلى طبيعتك حاول تكون اجتماعى اكتر ده مطلوب لكن فى حدود دماغك انت مش دماغهم

**melouk1** · 01-05-2016 06:50 PM

ببساطة اللي المرء على دين خليله .
اللي اخلاقه مش زي اخلاقك متكلموش
انت مش مجبر ..
ولا مشكلة ولا حاجة

**tasaka** · 01-05-2016 10:31 PM

انت صح

ببساطه احسن اختيار اصدقائك .. حتكون مستريح

**brown-eyes** · 02-05-2016 04:40 PM

لا يغرنك فى طريق الباطل كثرة الهالكين اعلم أنكِ على حق ولو كنت وحدك

**خالد الشاذلى** · 03-05-2016 03:17 AM

ده مش مرض نفسى أنت محتاج تدرب نفسك على فن الاتصال والمرونه انصحك تسمع د ابراهيم الفقى لانى كنت زيك بالظبط واتغيرت 180 درجه بس ده اخد وقت

**dede_dodo88** · 03-05-2016 07:08 AM

انا زيك على فكرة و مش شايف ان المشكلة فيا انا, بعتبر الاخرين هما اللي مرضى..
الناس اللي تعرفني فاهمين ان في حدود لو عايزين يتعاملوا معايا حتى لو صحابي, و اللي لسة بيتعاملوا معايا لاول مرة بياخدوا الصدمة في الاول بعد كده بيظبطوا نفسهم عليا مش العكس..