[size=6]ياترى البوجيهات تتغير بعد اد ايه ؟ ولا الواحد يستنى لحد لما اعراض بدء تلف البوجيهات تظهر وبعدين يغيرها (طالما لسه العربية جديدة والبوجيهات اورجينال) ؟ وايه افضل نوع بوجيهات في السوق وسعره كام تقريبا؟
عرض للطباعة
[size=6]ياترى البوجيهات تتغير بعد اد ايه ؟ ولا الواحد يستنى لحد لما اعراض بدء تلف البوجيهات تظهر وبعدين يغيرها (طالما لسه العربية جديدة والبوجيهات اورجينال) ؟ وايه افضل نوع بوجيهات في السوق وسعره كام تقريبا؟
لا بتتغير كل 30000 الف كيلو لو حالت الموتور 100 /100 واحسن انواع فى السوق ngk والدنسو وسعرهم تقريبا مابين 28 الى 35
هي البوجيهات بتتغير حسب نوع البوجية نفسة، واحسن الانواع هي+ البوش، بس خلي بالك ان معظم الموجود في السوق مضروب ومرطب يعني خلي بالك على البوجيهات الاصلية النازلة مع العربية ومتغيرهاش غير لو جابت اخرها.اقتباس:
ngk والدنسو
والله انا غيروها لي بعد 20000 كم في التوكيل فاكيد دي المده اللي المفروض يتغير عليها ولا بيضحكو علينا؟
اشكركم جميعا على ردودكم ياجماعة ... انا عامل بالعربية 28000 كم ... ومش حاسس ان البوجيهات محتاجة تغيير !!! انا متهيأ لي استنى لغاية 30000 كم وبعدين اشوف ... ولا انتم رائيكم ايه؟ ياتري في خطورة على الموتور لو الواحد استنى لما يجييب اخر البوجيهات ولا لأ ؟ وشكرا
انا بردو غيروهالى على 20000 فى التوكيل
تجنب البوجية المعبأ في علب كرتون او معرض للجو ...دايما اشتري البوجيهات المغلفة في باك بلاستيك...ومفرغ من الهواء...دة بيكون مقاومتة للرطوبة اكتر ...
القصة كلها 25 جم فا لو حسس انها عايزة تتغير , غير علطول علشان الاحتراق الغير كامل ممكن يبوظلك حساس الشكماناقتباس:
انا متهيأ لي استنى لغاية 30000 كم وبعدين اشوف ... ولا انتم رائيكم ايه؟ ياتري في خطورة على الموتور لو الواحد استنى لما يجييب اخر البوجيهات ولا لأ ؟ وشكرا
انا بغير البجهات بنفسى هات مفتاح 21" و فكهم بس و انت بنريط الجداد لف نفس عدد اللفات الى انت لفتها و انت بتفك
انا بستعمل NGK واحد شمعة و مش عاملين اى مشاكل
انا جربت الدينسو اليابانى 3 شمعة , لو كنت حطيت عود كبريت مكنهم كان هيحرق احسن منهم :) اللة اعلم كنو مضروبين ولا اية
شكرا يا استاذ شريف خليفة على ردك ... لكن انا ليه بقول مغيرش البوجيهات دلوقت !!! علشان فيه اصدقاء لي مكانوش بيشتكو من البوجيهات الاصلية اللي نازلة في العربية ... وبعد ماغيروها حسوا بفرق وندموا انهم غيروها بدري !!!
لو حسيت بفرئ رجع الاديم تانى :wink:
انا بس وجهت نظرى ان حاجة رخيصة هتريحك من مشاكل حاجة كبيرة على المدى البعيد
معتقدش انك لو شلت البوجيهات وجيت تركبهم تانى بعد 24 ساعة يا سيد شريف هيبقوا بنفس كفائتهم نظرا لانهم بالتأكيد هيرطبوا بعد خروجهم من غرفة الاحتراق للهواء الجوى لابد انهم سيرطبوا وذلك عن تجربة.
فى نوع بوجيهات " بووش " بس صناعة روسيةو الحقيقة انا اشتريتهم بـ 30 جنيه وعليهم ضمان 6 شهور وركبتهم وشغالين كويس جدا والحمدلله .
شكرا على المعلومة دى انا اول مرة اعرفهااقتباس:
لو شلت البوجيهات وجيت تركبهم تانى بعد 24 ساعة يا سيد شريف هيبقوا بنفس كفائتهم نظرا لانهم بالتأكيد هيرطبوا بعد خروجهم من غرفة الاحتراق للهواء الجوى لابد انهم سيرطبوا وذلك عن تجربة
هجرب دول انشاء اللة المرة الجيةاقتباس:
فى نوع بوجيهات " بووش " بس صناعة روسيةو الحقيقة انا اشتريتهم بـ 30 جنيه
بس عندى سؤال هوا مفروض البوجهات الاصلى الى بتيجى مع العربية نوعها اية ؟
نفس الكلام عندي أنا كنت باستخدم دنسو واحد شمعة أصلي وكانت أكثر من ممتازاقتباس:
انا جربت الدينسو اليابانى 3 شمعة , لو كنت حطيت عود كبريت مكنهم كان هيحرق احسن منهم الله اعلم كانو مضروبين ولا اية
سمعت عن الدنسو التلاته شمعة جبتها آخر مرة وركبتها وكانت سيئة للغاية
يبدو إنها كانت مضروبة فعلا حتى العلب بتاعتها كان شكلها مضروب (حسبي الله ونعم الوكيل)
المهم هرجع تاني للدنسو الواحد شمعة لأنه ممتاز بس هجيبة من مكان نضيف بحيث أبعد عن المضروب
اللانوس انا كنت شاريها كورى استعمال الخارج من بورسعيد وكان البوجيهات الى فيها شامبيون .
لو المواتير كويسة "مش خفيفة يعني" بلاش تستخدموا بوجيهات 3 و4 شمعة، ملهاش لزوم استهلاك زيادة للبنزين وخلاص.
ممكن يا نادر لو سمحت توضحلي علاقة عدد الشمعات بزيادة استهلاك البنزين
و شكرا ليك يا باشا
Sameh Aziz
ممكن يا نادر لو سمحت توضحلي علاقة عدد الشمعات بزيادة استهلاك البنزين
و شكرا ليك يا باشا
Sameh Aziz