عرض للطباعة
السلام عليكم ورحمة الله،
أرجو أن يعافينا الله جميعا من كل مكروه
احب ان استشير سيادتكم فى السعر الذى حدده لى السمكرى لتصليح العربيه من استعدال شاسيه حيث ان الشاسيه من الفانوس اليمين نازل الى اسفل مع انبعاج ومقوس الكارتيره خلفه وطبعا طقم التبريد سيتغير مع كسور فى قواعد الموتور منهم ما سوف بتم لحمه وطبعا الاير باج فتح . السمكرى طلب مصنعيه 8000 وهيحاول بخليه ببويه المصنع وزى ما كان ان شاءالله. ده غير قطع الغيار . ايه رايكوا يا جماعه. اعاذنا الله من كل سوء.
الحمد لله على سلامتك
المصنعيه اللى طالبها كتير جدا جدا
شوف حد تانى يكون أمين حتى لو هتركنها فتره عقبال ما تستقر مين هيصلحها السعر مبالغ فيه
السمكريه بقى لهم فتره .. بيبالغوا جدا جدا فى الاسعار .. حتى فى الاشياء البسيطه
شوف صنايعى عنده ضمير و بيخاف ربنا .. علشان يكون سعره كويس
انا شفت ماكينه بتسحب الشاسيه .. و كمان بيكون متعين عليها صنايعى فاهم اصلا ممكن يظبط الشاسيه .. اما بالخبره او لو عايز ظبط كمبيوتر ممكن لو عندهم مقاساتها .. بس ظبط بالمقاسات كمبيوتر حيكلف اكتر
و السمكرى بيؤجرها بالساعه مثلا او بالشغلانه .. يعنى بيأخذ العربيه عند الماكينه و يظبط بنفسه بالخبره .. الظبط بالطريقه دى بيكون مبدئى و بعدين هو بيكمل الشغل فى ورشته
السحب بيكون على البارد .. يعنى الموضوع بيأخذ نصف ساعه او ساعه مثلا او اقل .. و جنب الشاسيه بيتعدل و يأخذ تقريبا شكله الطبيعى بس برضه بيحتاج استكمال الظبط النهائى
عموما اسأل الاول هل شغل الماكينه ده حاجه صح او غلط .. عموما هى بتعمل اللى السمكرى بيعمله يدوى و لكن بكفاءه افضل و بسرعه جدا ..
بس لازم السمكرى لو اشتغل بنفسه فى السحب على الماكينه انه يكون فاهم .. او يسيبها للصنايعى اللى مدرب على الماكينه دى
8 الاف جنيه .. اعتقد كتير جدا جدا
المبلغ اللي طلبة السمكري كتير ، شوف اكتر من واحد
وربنا يعينك
شكرا لسيادتكم جدا . انا رحت له انهارده وكلمته فى السعر قالى اللى انت تدفعه واصلحالك ببلااش والكلام ده . بس اهم حاجه ترجع زى الأول .. السمكرى ده انا بتعامل معاه من زمان وححاول اوصل معاه لحد 5000 . وزى ما قلتوا الواحد مش عارف الأسعار خصوصا فى السمكره اللى بتفرق من اللى عنده ضمير او لا . وتوكلت عى الله وإن شاءالله خير والعربيه ترجع زى الأول.
لما انت بتتعامل معاه من زمان .. يبقى كان المفروض ان السعر يكون مظبوط من الاول موش ينزل فيه 3 او 4 الاف .. او حتى الفين
اعتقد كده فيه حاجه غلط .. هو كان دايما طماع .. بس المبالغ قبل كده كانت صغيره فانت كنت بتقبل نظير الاطمئنان على الشغل
عموما انا ما بحبش الطماع .. لان ده نوع من عدم الامانه
اعتقد زى ما الزملاء قالوا .. شوف اكتر من واحد علشان تفهم ايه الوضع بالظبط
العربيه شكلها موش ضايعه اوى .. خصوصا فى الصوره الثالثه دى
IMG-20160418-WA0006[1].jpg
يا فندم الموضوع مش معضل ولا حاجه
لو عندى فى بلدى على الوضع اللى فى الصوره كتيرها
تتكلف ١٥٠٠ الى ٢٠٠٠
مع شغل نضيف جدا كل اللى عندك استعدال بما فيها الشنب ولو اضطر يقطع من الشاسيه هيكون جزء ضئيل جدا
راجع نفسك ومترميش فلوسك فى الارض مش اول ولا اخر حاجه بتحصل
واسمع راى الأغلبيه
شكرا ليكم كتير tasaka , lancer06 , bluemail وشكرا لخبرتكم وجزاكم الله خيرا. وإن شاء الله ربنا يقدم اللى فيه الخير.