محتااااااج مساعدتكم ضروري (ميجان 2006)
السلام عليكم أعضاء الميجان المحترمين
دي أول مشاركة ليا وحكايتي بدأت مع ميجان 2006 (ستيبترونيك - لون عداد التابلوه الأحمر) كالآتي أشتريتها من أقل من شهر وللأسف مكشفتش عليها في التوكيل وحصلت مشاكل كتير جدا تاني يوم لدرجة إني مكنتش أعرف أزود السرعة عن 50 كم/س وتقطيع فظيع فيها ودخنة سودا، روحت لمركز المصطفى في صقر القريش وكشفلي عليها بالكمبيوتر وطلعت حاجات كتيرة بايظة في الحساسات (حساس الشكمان كان واحد منهم) المهو غيرت الحساسات البايظة وطقم الكاتينه بالكامل وترس الديفيزر وجميع الفلاتر ماعدا فلتر الزيت والبوجيهات وتيل الفرامل الامامي وكذلك الطنابير الأمامية ، المهم العربية بقت تمام ، مفيش 20 كم ولاقيت لمبة زيت الموتور تنور وتطفى كل شويه وسحب العربية تقيل جداً صوتها الموتور عالي جداً والأر بي أم عمال بيطلع وينزل ومش بيفصل لما أشيل رجلي من على دواسة البنزين ، حسيت وقتها إني عايز أولع فيها ، روحتله تاني وغيرلي البوابة وبكده بطلت تفصل بس لسه مشكلة السحب والصوت العالي ولمبة زيت الموتور، غيرت حساس ساعة الزيت 3 مرات ولسه برضو بتنور ويطفى، روحت مغير فلتر الزيت وحطيت زيت موتور جديد ولسه برضو العيب زي ماهو ، في الأخر أتقالي ان المشكله عندي في السبيكة من الأول هتلاقيها متاكلة وأن الموتور بيرزع جامد من تحت (محدش وقتها كان عايز يعرفني إكمني لسه شاريها ويصدمنى)، روحت لعادل زاويا وأكدلي نفس الكلام وقالي الموتور خفيف جداااااا وهو السبب في كده، خلاصة الكلام جيبت شورت بلوك وكل حاجة بقت زي الفل وطلعلي في البخت والحمد لله لسه امبارح كلمة CHECK GEARBOX وهبده جامدة قبلها بثواني بالرغم إني كنت ماشي على سرعة 20 كم ، طفيتها وشغلتها تاني ومظهرتش الكلمة دي بس ظهرلي صوت غريب مع الموتور ساعتها والعربية اساساً ممشيتش بيها غير 300 كم تقريباً
معدتش عارف أعمل إيه ، كل ما أظبط ومستخصرش فيها تبهدلني وتنكد عليا وصرفت عليها كتير جداً وبقول ياريتني كنت جيبت اى حاجة كوري والسلام زي بقية الناس وأسف جدااااا على الإطالة.
أرجو المساعدة من الزملاء وحد يفيدني أعمل إيه :crying2:
