ربنا يباركلك فى العربية و يكفيك شرها
تقرير لا يخلو من الفكاهة و خفة الدم :)
ياريت حضرتك تعمل لنا تقرير كمان لما العربية توصل ل 100 الف كم ان شاء الله علشان نعرف اخبار الزمن معاها ايه
تحياتى
رقم العضوية : 162025
تاريخ التسجيل : 27Jun2014
المشاركات : 77
النوع : ذكر
الاقامة : Egypt
السيارة: Kia Sephia
السيارة[2]: Citroen AX
الحالة :
السلام عليكم
أولاً احب ابدأ بنوع عربيتي القديمة اللي بيعتها لعدة اسباب واستقريت علي البيجو 508،
كان معايا اوكتافيا A7 2016 وبيعتها لعدة اسباب
منها العفشة النشفة جداً وطبعاً الموتور الضعيف (110 حصان) علي البودي ده كله
المهم مش عايز اطول عليكوا وبعد طول منافسة مع الإنسيجنيا استقريت الحمد لله علي البيجو 508 الفئة الثانية Active +
ودي ملاحظاتي عليها بعد 1،500 كم:
1. في بعض الناس بيقولولي ان العربية لسه مفتحتش ولو عايز تجيب احلي ما فيها وان المرحلة دي بتبقي بعد الـ 3،000 كم
لكن انا بصراحة شايف ان العربية موتورها جيد جداً بس الاحساس الغريب شوية اني بحس ان كل تفويلة بتفرق عن الثانية
ياعني مرة الاقي العربية فايقة قوي وبتتلكك عشان تجري وتفويلة ثانية احس ان العربية عادية جداً وتفويلة ثالثة احس انها رجعت زي الأول وهكذا
واما سألت قالولي ان فعلاً العربية حساسة اوي للبنزين، ياعني لو بنزين وحش العربية مش هتبقي حلوة ولو البنزين حلو يبقي العربية هتبقي مرتاحة
وعشان كده مش بحط بنزين غير من موبيل أو وطنية ومش بسيبها تنزل للربع النهائي
2. العفشة فوق الممتازة وبأمانة لا تقل عن عفشة الـ BMW و الـ Mercedes
ناعمة ومتخليكش تحس ابداً بشوارع مصر سواء حفر ولا نقر ولا مطبات
3. زراير الدريكسون بقي، اسوء عربية ركبتها في حياتي في توزيع زراير الدريكسيون
بجد مش عارف مين العبقري اللي وزعها التوزيع ده
كفاية اني اقولكم ان في زرار واحد بس للموبيل !! زرار واحد بس ارد منه واقفل منها واكنسل منه !!!
زرار واحد يا كفرة يعمل كل ده
مع العلم بقي ان في زرار لوحده عشان تفعل مثبت السرعة وزرار لوحده عشان تختار مثبت سرعة وزرار لوحده عشان تختار محدد السرعة وزرار لوحده عشان تزود مثبت السرعة وزرار لوحده عشان تقلل مثبت السرعة ..... إييييييييييييييييييييييه يا عم كل ده
ده غير ان من امتي تخلي زرار الصوت زرار وتقليب الأغاني بكرة !!!!
ده من الواضح ان اللي عمل الديزاين ده كفيف!!!
4. التكيف ممتاز لو العربية كانت مركونة في ظلة
إنمة لو ناقع العربية في الشمس .... خد عندك من 15 دقيقة لـ دقيقة عشان تحس انك مشغل التكيف و 30 دقيقة عشان تلاقي التكيف اشتغل 100%
(عملت كل حاجة ممكن تقولوهالي زي فتحت التكيف والازاز عشان يخرج الهوا السخن، فتحت التكيف وقفلت الهوايات عشان التكيف يسقع المواسير الأول، مفتحتش التكيف الا بعد 5 دقائق .... كله كله عملته والمحصلة كانت زي ما انا كتبت في بداية النقطة 4)
5. صوت السماعات لا يتماشي تماماً مع سعر العربية
مش سئ لكنه وحش بالمقارنة بنفس الفئة السعرية أو حتي الفئات الأقل منها
6. الشنطة حدث ولا حرج
عايز تعزل عزل فيها مش لازم تجيب عربية نقل
زيها زي الاوكتافيا
وعشان محدش برضه يشكك في كلامي لأي سبب، انا عندي طفلين توءم سنهم سنة وطبعاً عارفين ياعني ايه سترولر توءم وشنطة اكلهم محاجتهم ده غير واحنا مسافرين بقي
سريرين مطبقين ومرتبتين ومخدات وناموسية وشنطنا انا ومراتي وشنطهم .... عايز تاني ولا كفاية :D
والاوكتافيا زي البيجو تقريباً بالظبط
7. نور العربية الـ Full Led Technology اللي بينزل بداية من الفئة الثانية واللي هتكلم عنها في الأخر
نور فوق الممتاز ... شكل واضائة ووضوح .... احسن من الزينون بمراحل بصراحة
8. كاوتش حاسه كان ممكن يكون افضل لو اكبر شوية بس ده مش وحش برضة 16 حلو وبيأدي الغرض
9. كلاكس يندرج ضمن كوارث نفس الشخص الكفيف اللي عمل زراير الدريكسيون ... لازم تدون في النص بس عشان يزمر
ولو عايز تزمر فجأة متحاولش ... عمرك ما هتنشن صح من الأول
اشتم ببوقك اسهل
10. فرش نص جلد لكن جميل وكراسي مريحة وكبيرة
11. تصميم يديلك برستيج وزير مثلاً بس في حالة انك راكب ورا لكن لو راكب قدام ممكن يتقال عليك سواق البيه ورايح مشوار لي :D
في النهاية طبعاً الكمال لله وحده
بس في شوية تكات كده عبيطة اوي بس ممكن تقفل أي حد
وانصح أي واحد قرر انه يجيب الـ 508 انه يبدأ من ثاني فئة عشان اول فئة ناقصها حاجات كتيرة اوي والزيادات اللي في ثاني فئة تساوي اكتر من فرق المبلغ بين الأولي والثانية
وأي حد عايز يسأل عن أي حاجة اهلاً وسهلاً
رقم العضوية : 63828
تاريخ التسجيل : 01Mar2010
المشاركات : 2,083
النوع : ذكر
الاقامة : القاهرة
السيارة: لانسر بومة 2008
السيارة[2]: بليزر k5 1980
دراجة بخارية: no
الحالة :
ربنا يباركلك فى العربية و يكفيك شرها
تقرير لا يخلو من الفكاهة و خفة الدم :)
ياريت حضرتك تعمل لنا تقرير كمان لما العربية توصل ل 100 الف كم ان شاء الله علشان نعرف اخبار الزمن معاها ايه
تحياتى
رقم العضوية : 133042
تاريخ التسجيل : 03Jan2013
المشاركات : 1,426
النوع : ذكر
الاقامة : cairo
السيارة: بيجو 301
السيارة[2]: اوبترا 2013
الحالة :
الف مبروك ...احسن مكان للكلاكس اسفل الاسد هتلاقي رسمه كلاكس ده احسن مكان ...الزراير هتتعود عليها و كمان هترتاح للتعامل معاها ...التكييف ممتاز بس اي عربيه عدا السيراتو لو منقوعه في الحر بتاخد وقت نصيحه افتح ااشبابيك و شغل المروحه قبل الكمبروسير ..البنزين طبعا بيفرق ياريت تثبت بنزينه ثقه تمون منها ....نظام الصوت لو حضرتك سميع فعلا مش حلو لكن لو زي حالاتي مقبول
في جروب للملاك علي الفايس بوك هيفيد حضرتك جدا
اللهم ارنا الحق حقا و ارزقنا اتباعه
و ارنا الباطل باطلا وارزقنا اجتنابه
رقم العضوية : 4105
تاريخ التسجيل : 12Jan2008
المشاركات : 417
النوع : ذكر
الاقامة : cairo
السيارة: Octavia A5
السيارة[2]: nissan sunny
دراجة بخارية: suzuki
الحالة :
تحياتى وعلى فكرة كل تكييف الأوروبى تعبان بأسثناء موديلين تلاتة
رقم العضوية : 62259
تاريخ التسجيل : 15Feb2010
المشاركات : 880
النوع : ذكر
الاقامة : tanta
السيارة: yarbbbbbbbbbb
السيارة[2]: Aveo 1.5 m.t 2009
دراجة بخارية: no
الحالة :
تقرير جميل واسلوبك مسلي وربنا يباركلك فيها وانا بحترم العربيه دي جدا وبحسها من عربيات الصفوه لان لها برستيج خاص بيها
تحس كدا انها في كورنر لوحدها بعييييييد وخصوصا لو لونها اسود او ابيض
وبعيدا عن المعلومات الي فيه
عجبني اوي النقطتين 9و11
-اشتم ببوقك اسهل
-يتقال عليك سواق البيه
رقم العضوية : 162025
تاريخ التسجيل : 27Jun2014
المشاركات : 77
النوع : ذكر
الاقامة : Egypt
السيارة: Kia Sephia
السيارة[2]: Citroen AX
الحالة :
رقم العضوية : 162025
تاريخ التسجيل : 27Jun2014
المشاركات : 77
النوع : ذكر
الاقامة : Egypt
السيارة: Kia Sephia
السيارة[2]: Citroen AX
الحالة :
اشكرك علي ردك يا دكتور وانا معاك طبعاً في موضوع التعود ده لكن انا أي عربية تانية ركبتها مكنتش ببقي محتاج اتعود عليها ... في حاجة اسمها user friendly ياعني لو واحد ضرير هيستعملها بسلاسة :) مش لازم اتعود عليها ولا اذاكرلها
بالنسبة لموضوع التكييف اعتقد اني جربت طريقتك دي لكن هحاول اجود عليها شوية واقولك النتيجة إن شاء الله
موضوع الصوت بصراحة بيفرق معايا جداً (بس اوعي تفتكر ان انا من العيال السيس اللي بعلي الصوت وافتح الشباك واخرج نص ذراعي برة ... انا بس بحب الصوت النقي الجميل :)
رقم العضوية : 162025
تاريخ التسجيل : 27Jun2014
المشاركات : 77
النوع : ذكر
الاقامة : Egypt
السيارة: Kia Sephia
السيارة[2]: Citroen AX
الحالة :
رقم العضوية : 162025
تاريخ التسجيل : 27Jun2014
المشاركات : 77
النوع : ذكر
الاقامة : Egypt
السيارة: Kia Sephia
السيارة[2]: Citroen AX
الحالة :
اشكرك يا أحمد بيه علي كلامك الجميل وسعيد جداً ان اسلوبي عجبك
وفعلاً مش عشان انا اشتريت العربية دي فبقول كده، لكن فعلاً الكلام ده كنت بحسه قبل ما اشتريها ولازلت بشعر بيه برضه .... عربية وزير
هحكيلك قصة كده مادام اسلوبي عجبك بقي (طبعاً هتدعي علي نفسك انك قلت الكلمة دي :)
كنت مرة سايق العربية علي كوبري أكتوبر وماشي جنبي عربية فيها 4 شباب وجات عربية شكلها حراسات خاصة من ورانا وعمال يدي سرينا
العربية اللي فيها الشباب وسعوله وهو جه قدامي (مش لحاجة أكتر من ان الدنيا زحمة وهو بيحاول يزاحم عشان يعدي بس) اعدت ارعشله في نور عشان عيب اللي هو بيعمله
هما افتكروا ان العربية دي ماشية قدامي بتحرسني وان عربيتي راكب فيها حد مهم لدرجة انهم وسعولي وعملين يبصوا بشكل مبالغ فيه عشان يشوفوا مين اللي راكب العربية دي :)
البرستيج حلو برضه
رقم العضوية : 65432
تاريخ التسجيل : 17Mar2010
المشاركات : 7
النوع : ذكر
الاقامة : cairo
السيارة: KIA Cerato 2015
السيارة[2]: lancer 2010
الحالة :
اسلوب فوق الممتاز الف مليار تريليار شكر يا باشا انا من زمان نفسي اشتريها بس مقلق شويه
المفضلات