عرض للطباعة
[overline]السلام عليكم ورحمة الله وبركاتة
السادة الأفاضل بعد أذنكم جميعاً كان عندي سؤال دلوقتي انا عملت عمرة للعربية أكسيل والحمد لله كله تمام بعد العمرة بس السؤال بقي أحط زيت أية بالظبط علشان انا محتار وخايف احط حاجة تبوظلي الدنيا وتقصر عمر الماتور انا الماتور عندي معدي ال 150 الف حاليا يعني 150 الف وشوية
تنصحوني بأية [/overline]
دية صورة الكتالوج
http://store1.up-00.com/2016-05/1462400237661.png
اقتباس:
المشاركة الأصلية كتبت بواسطة EL Henawie
اقتباس:
المشاركة الأصلية كتبت بواسطة EL Henawie
تمام.. أحسن حاجة إنك جبت صورة الكتالوج...
عموما.. الموتور بعد العمرة يعتبر كإنه جديد.. بس اللي مزعلني فعلا إنه اتعمر على 150 ألف بس !!!
معلش عايز أسألك سؤال جايز يكون بره الموضوع.... هو حضرتك شايل ثرموستات الكوعة؟؟؟
أنا أتوقع 90% هي متشالة من الموتور... وعدم وجودها سبب رئيسي في سرعة بوظان الموتور...
فلو الثرموستات مش موجودة.. رجااااااااااااااااءاً.. اشتري واحدة وركبها حالا... لو عايز تحافظ فعلا على موتورك بحالة كويسة.
لو عايز تعرف تفاصيل أكتر.. أنصحك تدخل على الموضوع ده:
http://www.nilemotors.net/Nile/328708-a.html
طيب .. نرجع لموضوعنا...
حسب صورة الكتالوج... فالزيوت اللي تنفع معاك هي كالتالي:
اللزوجة:
20W-40 أو 20W-50
15W-40 أو 15W-50
10W-40 أو 10W-50
مستوى الأداء:
API SG على الأقل ... يعني تقدر تحط أي زيت زيه أو أعلى منه زي SH أو SJ أو SL أو SM أو SN
حسب الكلام ده .. حضرتك قدامك مجال اختيار واسع .. وأغلب اختياراتك هتبقى زيوت معدنية... والزيوت اللي باللون الأزرق ممكن تلاقي منها زيوت نصف تخليقية.
أنا شخصيا أفضل تستخدم زيوت نصف تخليقية بلزوجة 10W-40.. ودي مناسبة جدا وهتوفر في البنزين إلى حد ما.
موجود منها في السوق زيت "شل هيليكس HX7" اللي بيسموه شل الأزرق... وأعتقد كمان ممكن تلاقي كاسترول ماجناتك بنفس اللزوجة.. بس ده غالي حبتين... وكمان موجود آمسويل تخليقي تماما .
علشان نساعدك أكتر.. يا ريت تقوللنا مشوايرك عاملة إيه وبتمشي كام كيلو في السنة.. وأولوياتك إيه من الناحية المادية؟
...
borio1704
أولاً انا متشكر جداً لحضرتك علي المعلومات دية انا مكنتش أعرف فائدة الثرموستات متشكر جدا وان شاء الله هتاكد من انها موجودة ولالا بس اعتقد انها مش موجودة لان الحرارة عندي مجبتش النص خالص .
بالنسبة للزيت انا قليل الحركة بالعربية يعني مش بمشي كتير بروح الشغل بالمترو علشان زحمة الطريق يعني مثلا ممكن كل فترة اروح اسكندرية او الساحل كدة يعني بس الكلام دة مرات معدودة
انا عايز زيت يحافظ علي الماتور ياريت لو حضرتك تحددلي نوع معين امشي علية لاني حطيت زيت اسمو اكسبرس امراتي ب 125 جنية صوت الماتور علي وهنزلو مش همشي بية
اية رائي حضرتك في زيت شيل الاحمر 20w50 وزيت شيل الاصفر 15w50 ولا احط تعاون ولا اية بالظبط ياريت حضرتك تنصحني بنوع معين وانزلو علي كام لاني زهقت من موضوع الزيوت والله وخايف علي عمرة الماتور
وعلي فكرة انا مشتري العربية الماتور خفيف واللي بعهالي مقاليش انها كدة يعني خدعني ربنا يسمحو
وأسف علي الأطالة
اقتباس:
المشاركة الأصلية كتبت بواسطة el henawie
زيت شل الأصفر أفضل.
وممكن تحط زيت التعاون sm بلزوجة 20w-50 ومستوى أداء api sm (الزيت المعدني الوحيد في مصر بدرجة اللزوجة دي ومستوى الأداء العالي ده).
وفي جميع الحالات.. غير الزيت على 5000 كم أو 6 أشهر.. أيهما أقرب.
...