دى صورة اللزودجة من الكاتالوج
عربية هيونداى جراند 10 i
http://s32.postimg.org/5gs42dgp1/131...97399014_o.jpg
هل افضل لزوجة 20w50 وايه الزيت المناسب
عرض للطباعة
دى صورة اللزودجة من الكاتالوج
عربية هيونداى جراند 10 i
http://s32.postimg.org/5gs42dgp1/131...97399014_o.jpg
هل افضل لزوجة 20w50 وايه الزيت المناسب
الكتالوج بيفضل لزوجة 5w-30 بشرط إن مستوى الأداء لا يقل عن api sm
أغلب الزيوت التخليقية باللزوجة دي في السوق هتكون مناسبة (بس مش كلهم).
ولو حضرتك عايز تحط زيت باللزوجات التانية.. يبقى تتأكد الأول إن مستوى الأداء بتاعه sm
على حسب علمي.. الزيت المعدني الوحيد في مصر بمستوى أداء sm هو زيت التعاون sm
كل الزيوت المعدنية التانية (في مصر وأغلب دول العالم) لا تزيد عن sl
...
متابع
لا أبدا... ولا حاجة من دول..
ببساطة.. مكتوب تحت الجدول إن لزوجة 5W-20 مفضلة للتوفير في استهلاك الوقود.. وبما إن اللزوجة دي ما ينفعش نستخدمها في الشرق الأوسط (حسب ما هو مكتوب بردو) يبقى نستخدم أخف لزوجة بعدها مباشرة.. اللي هي 5W-30 (بصراحة أنا عندي الكتالوج بتاع السيراتو مكتوب فيه الكلام ده بوضوح أكتر).
الحاجة التانية... صعب جدا تلاقي لزوجة تانية غير الـ5W-30 بمستوى أداء SM أو أعلى... وحتى في بعض الماركات التخليقية المشهورة.. ما زالت مش بتوفر إلا مستويات أقل في حدود SL.
عموما.. حسب الجدول ده نقدر نقول إن الزيوت المتوفرة (بمستوى أداء API SM على الأقل) كالتالي:
في لزوجة 20W-50 :
التعاون SM (معدني)
في لزوجة 15W-40 :لا يوجد
في لزوجة 10W-30 :
آمسويل OE (تخليقي 100%)
آمسويل XL (تخليقي 100%)
آمسويل سجنتشر (تخليقي 100%)
في لزوجة 5W-30 : كتير قوي.. وكلهم تخليقيين .. وأشهرهم:
موبيل 1 - ESP formula (العلبة الخضرا)
موبيل 1 - X1
كاسترول ماجناتك
آمسويل OE
آمسويل XL
آمسويل سجنتشر
...
شكرا لاستشارى منتدانا على هذا الرد الوافى
- اللى لاحظته ان الاثنين لهم لزوجه اقل من موبيل 1 ( بالذات ال X1 اقل بكثير )اقتباس:
موبيل 1 - ESP formula (العلبة الخضرا)
موبيل 1 - X1
- ال VI لزيت الفورميولا 1 اقل بنسبه ملحوظه عن المعتاد لزيت موبيل 1
- زيت الفورميولا 1 له درجه غليان عاليه جدا
- زيت الفورميولا 1 نص صراحه على انه يساعد فى توفير البنزين .. على عكس X1 لم يذكر ذلك مطلقا
- هل الزيتين دول اعلى من زيت موبيل 1 العادى ؟؟ سواء المواصفه او الثمن ؟؟ و ارجو الايضاح خصوصا لزيت فورميولا 1 .. لانى بافكر فيه لنفسى
Mobil 1™ ESP Formula
انا دايما بشوف زيت موبيل الفورميولا .. بس موش قادر افهمه كويس ؟؟
- الوصف العام بيبدأ بمحركات الديزل .. ثم البنزين لاحقا المزوده ب CATs
- المواصفه C2, C3 .. ثم عند الحديث عن API فيه جمله ملتويه شويه Meets Engine Test Requirements
- المواصفه C3 دايما مبقدرش افهم ايه المطلوب منها بالظبط .. و اعتقد مكافئه ل A5 او A3 بنزين .. بس موش متأكد ؟؟ .. و انا فاهم ان الواحد يكون حذر فى التعامل مع مواصفات ACEA
- فى كتالوج المانى لنفس الزيت المواصفه C3, A3/B3/B4 و SL / SM و CF
- فى كتالوج روسى C2/C3, A3/B3/B4 و A5/B5 و SL / SM و CF
They are formulated to be fully compatible with passenger car diesels that have the latest Diesel Particulate Filters (DPFs) and Gasoline Catalytic Converters (CATs)
Mobil 1 ESP Formula 5W-30 meets or exceeds the requirements of:
- ACEA C2, C3
- API (Meets Engine Test Requirements) SM/SN
- JASO DL-1
According to ExxonMobil, Mobil 1 ESP Formula 5W-30 is of the following quality level:
- API CF
Mobil 1™ x1 5W-30
- مفيش اى حاجه فى وصف او ميزات الزيت بتشير الى توفير الوقود .. و مع ذلك هو A1/B1 ؟؟ .. فى حين زيت موبيل الفورميولا 1 بيوضح صراحه انه زيت موفر للوقود ؟؟
- ليه واخد موافقه GM بس .. انا مقريتشى كتير فى مواصفه dexos
Mobil 1 x1 5W-30 has the following builder approvals:
General Motors Service Fill dexos1™ (license number GB1C0606015)
Mobil 1 x1 5W-30 meets or exceeds the requirements of:
ACEA A1/B1
API SN/SM
API CF
ILSAC GF-5
تحياتى و اعزازى
ملحوظه هامه جدا
اثناء مقارنتى للزيوت .. انا اخترت امسويل سيجنتشر ( لانه اساسا الزيت الوحيد الذى له اللزوجه التى اريدها 10w30 ) .. و نتائج مقاراناته كويسه ( نظريا )
- و لكن اثناء المقارنه .. لاحظت ان زيت امسويل سيجنتشر يشترط استعمال فلتر زيت امسويل .. للحصول على مده 25 الف ميل او سنه
- فى حال استعمال اى فلتر زيت بخلاف ذلك .. تنخفض المده الى 6 اشهر او 10 الاف ميل فقط ( ما لم يحدد الصانع مده اطول من ذلك لتغيير الزيت !!!! )
AMSOIL Ea® Full-Flow Oil Filters are designed for extended change intervals. With other brands, do not exceed six months or 10,000 miles unless longer intervals are recommended by the vehicle manufacturer.
AMSOIL Ea® Full-Flow Oil Filters are designed for extended change intervals. They stop smaller particles, flow more oil and last longer than regular filters. For best performance, use AMSOIL Ea Full-Flow Oil Filters.
- انا اخترت الزيت و انا عارف النقطه دى .. يعنى يا اما اغير الزيت بعد 6 شهور .. او انى أغير الفلتر و ازود كيلو بعد 6 شهور و استمر على نفس الزيت
- اعتقادى الشخصى ان هذا سينطبق على الدرجات الاخرى ايضا !!
ساوضح اكثر فى رساله خاصه لاستشارى منتدانا المهندس بوريو
تحياتى
فى السعودية يقولون الزيت التخليقى يجب تغييره بعد 5000 من اجل حرارة الجو
و ان تغيير لزوجة الزيت لزيت اخف يسبب فى انهيار المحرك خصوصا لو قديم
هل هذا صحيح؟
لانى بافكر فى زيت تخليقى و شغال اليومين دول على المعدنى 20-50
أنا كنت ذكرت في موضوع آخر إن توقيت التغيير ده بيتحدد دايما بناء على الكتالوج...
يعني الكتالوج لو قاللك 10 آلاف يبقى تغير على 10 آلاف.. حتى لو كنت بتغير زيت من اللي بيقولوا عليه 3000 ده..
بشرط واحد.. إن الزيت اللي بتسخدمه يكون مستوى الأداء بتاعه زي الكتالوج أو أحسن.
والاستثناء الوحيد من الكلام ده هو إن بروشور الزيت يكون قايل بمنتهى الوضوح إيه هي مسافة/مدة التغيير.
بالنسبة لمسألة الزيت التخليقي في المحركات القديمة... فالكلام ده لا أصل له من الصحة إطلاقا..
مشكلة المحركات القديمة مشكلة اقتصادية أساسا..
عادة ... المحركات القديمة بتكون متآكلة خاصة عند الشنابر... والزيوت التخليقية أغلبها لزوجتها خفيفة... والوضع ده بيخلي الزيت ينقص.
بحضرتك كده بتدفع ضعف سعر الزيت المعدني وتغيره في نفس مواعيد الزيت المعدني لإنه نقص خالص .. مش علشان إنه سبب مشكلة في الموتور.
ولو عايز تخلي الزيت في الموتور ويكمل مدته.. هتضطر تزود زيت بكميات كبيرة
كل دي فلوس رايحة على الأرض... وهو ده سبب عدم تفضيل الزيوت التخليقية للمحركات القديمة.. فقط لا غير.
بالنسبة لحضرتك... تقدر طبعا تستخدم زيوت تخليقية ... ولكن بشرطين:
1- إن درجة لزوجة الزيت التخليقي تكون مذكورة في الكتالوج في مدى درجات حرارة الجو في السعودية.
2- إن الزيت ما ينقصش بمعدلات كبيرة.
أرجو الدخول على الموضوع ده لمزيد من التفاصيل:
http://www.nilemotors.net/Nile/477071-100.html
...