أفيدوني ياأهل الخبره

**ahmedlion599** · 28-11-2008 08:02 PM

السلام عليكم ورحمة الله وبركاته دي أول مشاركه ليا وكان عندي موضوع عايز اعرضه على حضراتكم أنا ناوي أشتري ان شاء الله لانسر1300 مستعمله موديل 2005 - 2007 من المعارض اللي بتقسط المستعمل ففي ناس بتشور عليا اني أجيبها Auto فكنت عايز أعرف اذا كان هناك عيوب في ال1300 الاتوماتيك وأعرف كل حاجه عنها وهي احسن والا المانيوال والفروقات اللي بينهم ولو شاء ربنا واشتريتها ينفع أروح بيها التوكيل واكشف عليها عشان أتاكد منها قبل ماأشتريها والكشف في التوكيل بيتكلف كام؟ ومعذرة على الاطاله.

**mada121977** · 29-11-2008 12:15 AM

الاخ الفاضل الف مبروك العربيه مقدما ... بس نصيحه لو هاتجيبها 1300 يبقى مانيوال وبلاش اوتوماتيك علشان سحب الاوتوماتيك بيبقى ضعيف جدا فى ال1300 وخاصه لما تكون مشغل التكييف .. بخصوص فحص العربيه فى التوكيل فتقريبا بيتكلف 160 جنيه على مااذكر بس لازم تحجز قبل ماتروح

**ahmedlion599** · 29-11-2008 11:13 AM

شكرا على ردك يا عبدالرحمن

**engwalid** · 29-11-2008 05:34 PM

أنا مع رأى mada121977 ، أنا كان معايا لانسر 1300 اوتوماتيك موديل 2004 وكان سحبها ضعيف جدا لو شغلت التكييف ، غير كده العربيه ممتازه جدا.

بخصوص تكلفة الكشف فى التوكيل ، أنا كنت سألت المهندس/ طارق زويل وهو بيشتغل فى التوكيل وقالى ان تكلفته 200 جنيه ، وطبعا هو منور المنتدى وتقدر تسأله وتعرف منه معلومات اكتر وهو انسان خدوم جدا.

وربنا يوفقك

**ahmedlion599** · 29-11-2008 06:17 PM

شكرا يابشمهندس وليد

**أبو إياد** · 30-11-2008 08:43 AM

انا معايا 1300مانيوال سحبها رائع داخل البلد والسفر تعتبر كويسه ولما ركبت 1300اوتوماتيك عرفت ان المانيوال ارحم بكتيررررر
وتكلفه كشف السياره بالتوكيل 200جنيه
وعلى فكره انا ببيع 1300 مانيوال لون ابيض موديل 2008 وعرضها ب82000جنيه