الموضوع: مشكله في شروكي ٩٤ برجاء الحل ارجوكوا

و ك العاده محدش دخل ع الموضوع

معلش اسف وجعت دماغكوا
انا انسحب من المنتدى

السلام عليكم ورحمة الله وبركاته المشكله فيك انتى وبس العربيه بتحطلها بنزين 80 واكيد بقالك فتره ماشى على بنزين مليان رصاص وانتى عارف انك غلطان ووفرة فلوس ورجعت صرفت اكتر من اللى وفرته المشكله فى البنزين لازم ترجع لبنزين 92 وتمشى عليه مده علشان العربيه ترجع لطبيعتها لان الكربون مالى غرفة الحريق على البساتم والصبابات واكتر حاجه اتاسرة من البنزين الصبابات الكربون بيخلى الصباب مش محكوم عند الغلق فى عوائق من الكربون من وقت للتانى بتلغبط العربيه الميكانيكي زمان كان بيتخلص من الكربون ده بطريقه بيحط زيت باكم اثناء الدواره فى الكربراتير والطريقه دى كانت ناجحه بس فى الانجكشن لازم من البوابه بيرش بلبخاخه شويه شويه والموتور شغال وسخن علشان الكربون الزياده اللى اتكون من بنزين 80 على مدار الوقت امشى الاول على 92 او 95 لانه حامى بياكول الكربون وسافر العربيه هتسلك مع الوقت يا جماعه ال 80 ده بيسلخ الشمايز والبساتم نصيحه بلاش منه لانه بيخرب الموتور مع الوقت احنا فى مصر البنزين كله وحش و 92 ماشى بلعفيه يبقى ال 80 هيعمل ايه فى النهايه ماتلومشى غير نفسك وشكرا

المشاركة الأصلية كتبت بواسطة mohamed desoky

ا يا جماعه ال 80 ده بيسلخ الشمايز والبساتم نصيحه بلاش منه لانه بيخرب الموتور مع الوقت احنا فى مصر البنزين كله وحش و 92 ماشى بلعفيه يبقى ال 80 هيعمل ايه فى النهايه ماتلومشى غير نفسك وشكرا

كلام حضرتك رائع و اتفق معاك فى اجزاء كتيرة منه .... ماعدا موضوع البنزين ال 80 ده !!!!!! و حتة انه بيسلخ الشمايز !!!!

البنزين بيخرج من ابراج التقطير درجة واحدة ..... بيفرق لما بيتضافله مواد محسنة لرقم الاوكتان ... و ده الى بيخليه يفرق من 90 الى 95 ... و المواد الى بتتضاف دى غالية .... و دى بتخلى البنزين يتحرق بدرى شوية حسب كل نوع .... و كنت سمعت كلام كدة .. بس مش متأكد منه ... ان فيه مواد كمان بتنضاف لزيادة الحرارة من حريقه ... يزود كمية الطاقة الخارجة منه

و بالمناسبة .... انواع البنزين المختلفة لها نفس درجة النقاء ... بس البنزين ال 80 الناس بتقول عليه مش نظيف .... و دى حقيقة ... بس المشكلة فى الغالب فى تنكات محطات البنزين ... اخوك بيفول 80 فى الفترة الاخيرة .. و تانك العربية لازم يتفك و يتنضف كل فترة ... و كمان فلتر البنزين ... علشان ميبوظش الكاربراتير

و بالطبع ال 80 مينفعش انظمة الانجكشن

تقبل مرورى

تصدق حضرتك انا ماشي ع طول على بنزين ٩٢ في عربيتي التيريوس ٢٠٠٠.
من فتره استهلاك البنزين زاد بطريقه كبيره قررت من يومين احط بنزين ٨٠ لغايه ما اعالج المشكله انا فولت مرتين بس لغاية دلوأتي رأي حضرتك لازم ارجع ولا تفويله وتفويله ولا اعمل ايه
العربيه تيريوس ٢٠٠٠ اوتوماتيك
جزاكم الله خيرا