عرض للطباعة
السلام عليكم
ازيكم يا جماعه
يارب تكونوا بخير
دلوقتى انا معايا جيب شيروكى موديل 93 لونها زيتى ميتالك عايز اهتم بيها شويه كل ما اروح أغسلها فى محطة بنزين مش بحس انها متروقه برده ده نتيجه ان لونها ابتدى يبقى بهتان بالذات الكبوت والسقف ده بخلاف بقع ونقط بويه عليها
فحاليا بفكر اشرها وش نضافه كده محترم وكنت عايز اعرف هتتكلف كام ؟ اتمنى انى الاقى عند حضراتكم افاده
وأسف على الاطاله
السلام عليكم ورحمة الله وبركاته مفيش سعر محدد كل صنيعى له سعر والبويه بتختلف برضه من محل لمحل تانى مفيش اى حد هيحددلك سعر انتى اسئل المعرفه وفى المنطقه عن ورشة دوكو وصنيعى محترم ومحترم دى صعبه لان الجشع فى قلوب المصريين زى الدم بيسرى المهم سقف الجيب سليم مفيش بارومه لان دى حدوته تانيه خالص يارب تكون سليمه عندك
شكرا يا استاذ محمد على الرد والافادهاقتباس:
المشاركة الأصلية كتبت بواسطة mohamed desoky
هوه عندى حتة برومه صغيره جدا فى السقف من قدام فى حجم الجنيه كده
هو ده اللى عايز اعرفه لان الحته الصغيره دى لازم تموت البرومه منها لان اضعف حاجه فى الشيروكى السقف بتسرح فيه البرومه بسرعه قبل ماتبقى خرم ينزل مياه جوه العربيه ودى كارثه لان فك فرش السقف مشكله وبيتكلف مبلغ الحق نفسك الاول موت البرومه اللى فى السقف وبعد كده براحتك رش العربيه لكن السقف من بكره ابدء تصلحه دى نصيحه اخ وشكرا