أفيدوني سنترا ولا لانسر شارك و لا فلوانس بجد أنا محتار جدا عايز حاجه مروحش التوكيل غير للصيانه انا معايا ياريس و حبيعها ان شاء الله
عرض للطباعة
أفيدوني سنترا ولا لانسر شارك و لا فلوانس بجد أنا محتار جدا عايز حاجه مروحش التوكيل غير للصيانه انا معايا ياريس و حبيعها ان شاء الله
السنترا امكانياتها احسن بس الشارك بحكم عمرها في السوق اضمن
انا فى نفس موقفك بس ليه مزودتش عليهم الياريس الجديده
الشارك افضل
ممكن اعرف اسعار السيارات دى وصلت لحد فين (استلام فورى)
انا لسه سائل الاسبوع اللى فات على السينترا لقيتها ب180 الف
ده على حسب انت عاوز ايه من العربيه
كل حاجة ليها مميزات وعيوب
رايي الشخصي
بالنسبه للسنترا
ميزتها انها ناعمه جدا ومريحه جدا في سواقتها والعزل ممتاز لو قفلت الشباك مش هتحس انك ماشي اصلا ولا كانك في طريق
الصالون بتاعها هو اوسع صالون في مصر
اداء المحرك معقول مش عالى خاصة في التسارع بسبب فتيس cvt
بياخد سرعته بالراحة واحدة واحدة
عقشتها اعتماديه جدا ومتقلقش منها
عيبها
هي لسه جديدة مظهرش ليها عيوب بس قطع غيارها مازالت غير متوفرة
بس لانها تصنيع مصري فمتوقع قطع غيارها تغرق السوق بس لسه ادامها شوية
لما شفتها في معرض فورميلا اللى فات كان ليا ملاحظة شخصية على الفنش بتاع الكهرباء خاصة الفيش بتاعتها في المحرك
اعتقد انها كانت محتاجة اهتمام اكتر من كده بس شغاله مش عيب
الشارك
عربيه قوية جدا
ثبات عالى على الطريق
سرعة وتسارع كويس جدا
مبتحبجش صيانه ونادرا لما تروح للميكانيكي
بس كعادة اللانسر فقيرة جدا داخليا ومفيهاش اي حاجة
صوتها عالي وعزلها وحش
الكنبه ضيقة سيكا
الشنطة ضيقة جدااا
بتحس بتفاصيل الطريق وانت راكبها
قطع غيارها غاليه جدااااا
الفلوانس
الشياكه والجمال والرقة والتكنولوجيا الفرنسيه
عقشتها قوية جدا
عزلها كويس جدا
كل حاجة فيها ديجيتال
عيبها
مالهاش قطع غيار برا
ولازم تعمل كل شغلها في التوكيل
لان الفرنساوي معقد ورزل تكنولوجيا وكل الصنايعيه بيفتوا
ودوائر الكهربا مفيهاش فتي
خاصة ان الفرنساوي كله رزل
لو قفش يبقى شكرا
بس الفلوانس عربيه ركوبه الصراحة
عموما خير ما فعلت في كلامك انك بعدت عن الهيونداي والكيا
هى الشارك ممتازة بصراحة و مصر كلها جابتها و زيرو اعطال...
السينترا افخم و اشيك بس عيبها استهلاك البنزين عالى..
انا كان معايا ياريس لمده سبع سنين ولسه بايعها من شهرين وجبت السنترا بعد مقارنات كتير ومن رايي لو عاوز فخامة وشياكة ووسع واوبشنز يبقي سنترا لو عاوز اعتمادية وحمالة قاسية يبقي الياريس الجديدة لو عاوز اعادة بيع قويه يبقي الشارك
كلام جميل فعلا بس. انا شايف ان السنترا احسن واحده بس عندى فيها المشاكل التاليه:
- التقفيل مش عاجبنى سواء التايلندى او المصرى
- مش واثق فى التجميع المحلى و خصوصا بعد الصنى اللى مشاكلها لا تنتهى
- موضوع فتيس الجوك و القشقاى اللى باظ مقلقنى و خصوصا ان مش موجود بره الوكيل
- الوكيل شبه محتكر قطع الغيار و حاجات بسيطه بره
- السعر مبالغ فيه جدا لعربيه مجمعه محليا و مفيش جمارك عليها
تفتكروا اعمل ايه؟؟؟
سنترا طبعا وعن تجربة شخصية بعد حيرة شهرين استقريت عالسنترا عربية ممتازة
ربنا ييسرلك الخير وماتنساش الاستخاره بعد مشورة الاعضاء ربنا يباركلهم
اذكر سيارة واحده فقط سعرها مش مبالغ فيه البيكانتو معاليك بقت ب145 الفاقتباس:
المشاركة الأصلية كتبت بواسطة egy_fan
جيب فلوانس واستمتع بجمال وعزل واوبشن وفخامة العربيات وسيبك من عك التجميع المصرى وفقر الأنسر
وربنا يقدر لك الخير
انا أسف و الله انا لسه شايف الردود حالا بس و الله كنت مشغول جدا و الحمد الله بعت العربية بس لسة مستقرتش الكلام كله بيقول هات التلاته:shine[1]:
بص يا كبير من وجهة نظرى
الى اعرفه ان ماتور وفتيس السنترا والفلوانس واحد انتاج مشترك تمام يبقى هما الى حد ما عربية واحده تقريبا خلاف الشكل والكماليات وغيره بس انا واحد الفتيس ال cvt ده مش بينزلى من زور فعلا ولازم تجربه وتشوف هتعرف تتاقلم معاه ولا لأ مبدأيا تانى حاجة السنترا كان بيميزها سعرها الرخيص مقابل كماليتها وده فقدته بعد ما سعرها على اخر ما سمعت وصل 195 ألف وحرام الصراحة أدفع الرقم ده فيها الرينو عيبها الاكبر اعادة البيع الى ممكن تخسر مبلغ كبير اوى ممكن يخليك تخزنها وتستحرم تبيعها غير مشاكل الكهرباء الى بتظهر ساعات فيها
لذلك أرشح لحضرتك من " ال 3 عربيات الى حضرتك ذكرتهم " اللانسر الشارك لان سعرها فيها ومنتشره ومش متعبه ووسط فى كل حاجة واختيار أمثل فى الفئة السعرية دى من وجهة نظرى مهما غلت لانها بتفضل محتفظة بسعرها عند البيع مرة أخرى
طب والسيات التوليدو يا رجالة
شارك
عاوز شياكة اكتر الرينو
حضرتك السنترا بتشم بنزين وعن تجربه وناعمه جدا وقويه جدا وواسعه جدا وتقفيلها المصرى رائع