الموضوع: عدم انتظام التكيف

حاتغير الغطا بتاع الرادياتير ويستحسن تشترى واحد من التوكيل - وتشوف الميه اللى جوه لونها ايه لو خضرا او حمرا تكملها بميه نفس اللون او بميه مقطرة عادية - وبعد ماتغير الغطاء كل يوم الصبح قبل ماتدور العربية تتأكد من مستوى الميه وهل مستمرة فى النقص ولا خلاص

المشاركة الأصلية كتبت بواسطة stowfik2004

م/ احمد انا عملت زى ما قولتلى وغيرت الفيوزات اللى مسؤله عن التكيف واشتغل امبارح تمام قوى من غير ولا غلطه بس النهارده الصبح وانا جاى على شغلى لخبط تانى تفتكر المشكله فى البورده الخاصه بالفيوزات وهى بتتغير البورده ديه ولا ايه
وغاليه ولا رخيصه

غيرتهم بنفس قيمة الامبير يعنى الفيوز كان ١٠ امبير زى الاصلى ؟؟؟
لو تمام فيه عندك حاجه تانية برضه فى علبة الفيوزات تكشف عليها ريليه اسمه k9 وحاتحدد مكانه برضه من الرسمه اللى على غطا علبة الفيوزات وعلشان اسهللك الموضوع هو الريليه الوحيد المستطيل الاسود بس اتأكد من المكان برضه - ده حاتخلعه وتصنفر رجليه وتركبه تانى وابقى طمننى عالنتيجه - موضوع ان البوردة بتاعة علبة الفيوزات بايظه دى موضه جديدة بدأت فى التوكيل ووصلت للسوق دلوقتى مش عارف ايه الحكاية وفى ٩٩٪‏ من الحالات طلعت سليمة واهو استرزاق

المشاركة الأصلية كتبت بواسطة stowfik2004

انا سنفرت الريال k9 زى ما قولتى بالظبط بس للاسف نفس المشكله مازالت قائمه تنصحنى بحاجه تانيه اعملها

فيه مشط المروحة بتاعة التكييف ( اللى بيتحكم فى سرعات المروحة) وده ممكن يكون باظ او بيعلق وده لازم كهربائى يكشف عليه او يغيره