عفشة ابيزا 94

**ensan_71** · 08-05-2016 08:52 PM

السلام عليكم ورحمة الله وبركاته
عربيتى ابيزا 94 وكانت حلم بالنسبة لى انى اشترى العربية دى وكنت بحبها جدا لكن للاسف بعد ما جبتها مقدار حبها قل عندى لانى بصراحة اتخنقت من عفشتها العفشة ناشفة فى المطبات جدا مع العلم بطاحات سليمة
مغير المساعدين اماى وخلفى العربية بتدب من الامام والخلف واتخنقت بصراحة منها وروحت للعفشجى وطبيعى عمل اختبار باليد وبالفعل المساعدين عندى كويسة انا عارف ..... لكن المشكلة كلها ان العربية فى اول صدمة بالمطب ناشفة جدا جدا خصوصا فى سرعة ال 35 او 40 ااقل من كدا نقدر نقول معقولة لكن وانا ماشى على كوبر اكتوبر بسرعة مثلا 60 او 80 فواصل الكوبر بيكون واضح جدا لما العربية بتعدى عليها انها ناشفة ركبة عربيات تانية بس من ابيزا لاقيت ان العربية عندى انا بس هيه اللى ناشفة .
مع العمل ال 4 فرد كاوتش ماركة هانكوك جديدة
الجنت مقاس 14
الكاوتش جديد زى ما قولت ماركة هانكوك 14 \ 60 \ 185
ارجو انى الاقى حد يفدنى هل فعلا عفشة الابيزا ناشفة ولا ايه ؟
خصوصا ان كمان شكلى هغير رومان بلى بسبب النشوفية دى مع العلم انى مغيره تقريبا من سنه او سنه ونص

**ensan_71** · 10-05-2016 03:16 PM

معقول الكلام ده ...... 67 مشاهدة وما فيش ولا تعليق
الحقيقة حاجة تزعل مع ان جروب سيات ابيزا ده كان من انشط وافضل الجروبات فى المنتدى :(
شكلى بجد هبيع العربية واريح دماغى

**mhsm87** · 11-05-2016 06:41 PM

المنتدى راااااحت عليه خلاص
انسى ...

**ensan_71** · 12-05-2016 05:08 PM

حاجة غريبة ..... هو ايه اللى حصل ولا كله مركز مع الفيس بقا ؟

**hossamalsadik** · 20-05-2016 07:35 PM

العفشه بيأثر عيلها حاجات كتير زى نوعية الكوتش تأكل الصدادات خراب البطاحات سواء الخلفيه او الاماميه او جلب مقص او بيض علبة الدركسيون وطبعا المساعدين نفسهم كل ده له تاثير سلبى على اداء العفشه

العفشجى هيعدى على كل ده ويفضل عفشجى متخصص فولكس واى حاجه تتغير بجديد بجوده جيده
لو سياددتك عملت كده هتاخد اداء عفشه ممتاز
عاوز تعرف اصل عفشة الابيزا 94 واى سيات اقلك زيها زى العربيات اليابانى تمام وعن تجربه مش كلام نظرى
هتبخل على اى حاجه فى العربيه هتاخد اداء على اقد ما صينت وضح الكلام