هل عدم اسقرار rpm مع ترتيله فى صوت الموتور عيب فى اللوجان؟

السلام عليكم ورحمة الله وبركاته
تحياتى لكم جميعا اهل المنتدى الكرام
عندى مشكله بسيطه
انا اشتريت لوجان 2016 كسر زيرو عامله 27000 كم ولله الحمد و المنه بس ملاحظ ان عداد ال rpm غير مستقر على السلانسيه بيتذبذب تحت الرقم واحد (1) يعنى بين (7. الى 8. او 9.)فى العداد مع صوت ترتيله فى الموتور المهم انا روحت التوكيل فى مرغم الاسكندريه وكشفت على العربيه و طلعولى تقرير ان العربيه تمام بس المهندس قال لى انه حط العربيه على الجهاز وضبطها ولم يجد عيوب وانه شايف ان العربيه كدا طبيعيه
وانا مش مقتنع بالكلام دا دى اللادا مش كدا ومش عارف اعمل يه
هل دا بوابه مثلا او بوجيهات او سلك الخ ؟
علما بانه غير مؤثر على مشى السياره بتاتا
افيدونى افادكم الله
وجزاكم الله كل خير
وتحياتى لكم اهل المنتدى الكرام

السلام عليكم ورحمة الله وبركاته
حتى الان 64 مشاهدة ولا يوجد رد
افيدونى افادكم الله

الحكاية دى بتحصل بعد ما العربية بتسخن أول ما تدور العربية و لو أنت مشيت بيها مشوار طويل الموضوع ده بيحصل

المشكلة ديه ممكن البوابه تكون عاوزة تنضيف ... متنضفش باسبراي نهائي ... هواء بس
او ان البوجيهات مش تمام
غير البوجيهات ونضف البوابه وممنوع منعا باتا تستخدم اي اسبراي للبوابه .. هواء بس وامسح بمناديل ناشفه تماما داخل البوابه وانفض الحساس بالهوا

شكرا استاذ adel_edrees فعلا زى ما حضرتك وصفت بالظبط المشكله دى بتظهر بعد ما العربيه بتسخن وتستمر حتى بعد اى مشوار طويل او قصير بس على السلانسيه
وشكرا استاذ tameem2010 ولكن انا لا استطيع عمل ذلك فلو فى فيديو او رابط لعمل ذلك يبقى احسن وعلى العموم وانا فى صيانه ال 30000 حخليهم يراجعو البوابه مع ان صيانة ال 20000 غيرو البوجيهات

بس بقى حضرتك فى الأغلب اللى حصل أن فى شوية وساخة جم على حساس الأيدول و هو المسئول عن السلانسيه و فى اس بتسميه حساس السلانسيه و فى الحاله دى بيتفك حساس الأيدول و أذا تكرر الأمر مرة أخر فهنا لا مفر من تغيير البوابة و لما تروح لهم تانى خليك مصر على كلامك و لو تطلب الأمر مقابلة المدير

الف شكر adel_edrees باشا
طيب تقترح على احاول انظفه بره عند اى حد ثقه ولا استنى صيانه ال 30000
وانا حرفع فيديو للترتيله دى وقولى رايك ايه
وجزاك الله كل خير وزادك بسطة ً فى العلم والجسم

ليه تستنى روح لهم دلوقتى و أذا أستمرت المشكلة يبقى فى صيانة الثلاثين أطلب تغييرها بالكامل