الموضوع: و انتهت الالف كيلو كانها الف عام

الحمد لله تمت الالف كيلو بنجاح 500 منهم داخل البلد و500 طريق مصر اسكندرية الصحراوي رايح جاي ولف شوية في اسكندرية
انشاء الله غدا هاروح اعمل صيانة الالف في مركز ابورواش(معلش عايز معلومات عن مكانه هل هو الي جنب مبني bmw بتاع عز ..وبيفتح الساعة كام صباحا)

ملاحظاتي حتي الان:
1-الشنطة بتزيق مع الرغم من عمل الpdi قبل التسليم
2-في حدفة جامدة يمين ظهرت وانا مسافر بس وخصوصا و في الرايح بتاع مصر اسكندرية انما الراجع محستش بيها اوي واعتقد انها من الطريق
3-معدل توفير البنزين كان كالصاعقة بالنسبة لي في السفرية دي كان4.8 L/100
يعني من الاخر رحت فولت من مصر و سافرت اسكندرية ولفيت بتاع 4 ساعات بالعربية في اسكندرية نفسها و رجعت مصر وكل ده من اغير ما افول تاني يادوبك اللمبة نورت وانا داخل بيتنا يعني بجد معدل غريب يارب يكمل علي كده
4-موضوع البطارية لسا هاشوف ايه قصته بكرة ولكن حتي الان منزلتش مية مرة تانية
5-العربية كانت مكتومة طول الالف كيلو لما رجعت النهاردة من اسكندرية فولت وقلت ابد اشد و امرك بقي خالص العربية ملهاش عندي حاجة و كانت المفاجاة السحب حلو اوي بس مش زي ما كان في تخيلي قبل ما اشتري العربية...صوت العربية بيعلي جامد لم تيجي تشد وتحرق علي rpm فوق ال3
6-الكوتش مطلع عيني عشان جديد كل شوية يلم ظلت و اقعد اسمع سكسكة وانا ماشي في الكوتش صوت مستفز بجد بس عادي بقي

موعدنا بقي غدا مع تقرير صيانة الالف و مع رحلة الي عزو

طبعا مبروك علييك التليين ولكن الاستهلاك كان قليل معاك لانك كنت مش يتجري وتشد
ولكن بعد كده مع الشد والحركات دي هتعمل معاك في الصفيحه بالكتير 200 كم او اقل حاجه بسيطه
ولكن العربيه تمام وزي الفل وصوت الموتور بتاعها هو كده على الار بي ام عالي وربنا يديك خيرها ويكفيك شرها