لو غيرت من glk 350 الى شيروكي kk موديل 2013 للسيارتين هل هاتعب أو احس بتغيير كبير
ولو مش هاتنفع معايا تنصحوني بايه عن تجربة
عرض للطباعة
لو غيرت من glk 350 الى شيروكي kk موديل 2013 للسيارتين هل هاتعب أو احس بتغيير كبير
ولو مش هاتنفع معايا تنصحوني بايه عن تجربة
اعتقد انك حاتتعب - المرسيدس تعتبر من فئة الكروس اوفر الفخمة وحاتحس بفرق فى الراحة والاوبشنات الاكتر فى المرسيدس - استهلاك الوقود احسن شوية فى المرسيدس - المميزات الوحيده اللى فى الجيب هى : ان تانك البنزين اكبر وسعة الشنطة اكبر والمناورة بتاعتها احسن (قطر الدوران اقل من المرسيدس) وقطع الغيار والصيانة ارخص ومتوفرة اكتر من المرسيدس - لكن الراحة فى الركوب والفخامة للمرسيدس طبعا - اللى ينفع تقارنه بالمرسيدس glk ممكن تكون الجراند شيروكى الجديدة
ليه عايز تغيير الglk؟
لو العربية مريحاك وكويسة نصيحة ماتغيرش - العربيات الجديدة دلوقتى بقت زى لعبة البخت بتاعة زمان ممكن اتنين يشتروا عربيتين نفس الماركة والموديل مع بعض واحدة تطلع كويسة والتانية راكبها ١٠٠ عفريت وده على مستوى جميع الماركات الغالية والرخيصة الثمن على السواء
والله يافندم العربيات من جميع الماركات اللى عالزيرو اليومين دول او بمعنى اصح من حوالى سنتين تلاته بقى فيهم حاجه غريبة جدا انك بتقعد سنة رايح جاى عالتوكيل بسبب مشاكل عجيبة بتحصل فيها وانت اصلا المفروض لما تشترى عربية جديدة بتقعد حوالى ٥ سنين مفسى دماغك من الهرى ده لكن العكس هو اللى حاصل دلوقتى ولو مش مصدق ادخل على اى منتدى عربيات او جروب عالفيس لاى ماركة فى دماغك هنا فى مصر وفى اوروبا وامريكا كمان حتلاقى اللى باقولك عليه والبهدلة اللى بتحصل للناس ومش لاقى سبب للموضوع ده بصراحة !!!!!
يا بيه هقولك حاجه واحدة ،،
إنت المرسيدس لازق في الأرض وانت ماشي
ال kk دي بترقص لوحدها على الطريق
الجيب لحد ٢٠١٤ كان معروف في العالم كله إنه بيتقلب بسهوله وياما ناس صحابي عملو بيه حوادث غريبة كلها قلب
بتقارن إيه بإيه بس
قارنها بالجراند شيروكي هقولك ماشي عربية بقت محترمة خلاص ..
تحياتي