زيت شل اللي مبقاش موجود فى التوكيل

**mhkash** · 17-05-2016 03:50 PM

طب هو السؤال - هل الزيت اللى الراجل باعهولي في غبور ش دمشق - كويس ولا اروح اغيره وخلاص
شكرا

**S O P H O S** · 01-06-2016 05:48 PM

المشاركة الأصلية كتبت بواسطة mhkash

طب هو السؤال - هل الزيت اللى الراجل باعهولي في غبور ش دمشق - كويس ولا اروح اغيره وخلاص
شكرا

نوعه ايه
ويفضل تشتري من مصدر موثوق خصوصا فالزيت
ده حتي في بنزينات بيكون فيها مضروب

**Mohamed Desoky** · 01-06-2016 05:57 PM

المشاركة الأصلية كتبت بواسطة ahmed_eng2001

على يدى
فكرتنى بموضوع الدائرى :) :)

السلام عليكم ورحمة الله وبركاته كل عام وانتى بخير استاز احمد ؟هعمل ايه من كتر الزهق من البلد دى حتى الزيت مش عارفين نجيبه كل حاجه من سئ الى اسؤ قولى اعمل ايه اخد العربيه واهرب من البيت ومراتى وعيالى والزحمه والحر على الاقل هيقوله هرب مع العربيه مش مع الشغاله ؟

**ahmed_eng2001** · 01-06-2016 08:45 PM

المشاركة الأصلية كتبت بواسطة mohamed desoky

على الاقل هيقوله هرب مع العربيه مش مع الشغاله ؟

هاهاهاهاهاها

جامدة دى

كل سنة و حضرتك طيب ...
فيه اقتراح ظريف .... الفجر .... صلى الفجر ... و ابدأ اتحرك فى البلد ... و اعمل حسابك تكون واقف امام الجهة او المصلحة الى انت عاوزها الساعة 7 صباحا

على الاقل محدش حيقول انك هربت مع حد الصبح بدرى كدة

انا كنت بعمل كدة من فترة لما الواحد كان فيه صحة ... كولمان الميه الساقعة الظريف ... شيبسى .. عصير .. و لما توصل تدور على اقرب عربية فول ... و تدور على اقرب مكان فيه دورة مياه .. و عيش الحياه

البلد رايحة على فين ؟!! كنت قريت مقال من فترة ان السرعة داخل القاهرة حتوصل فى المتوسط اقل من 10 كم فى الساعة
و غلو الاسعار حيخلينا نحط زيت ذرة و نبطل شل و موبيل و الكلام الكبير ده

**borio1704** · 01-06-2016 09:47 PM

المشاركة الأصلية كتبت بواسطة mhkash

السلام عليكم

انا كنت بغير الزيت و الفلتر فى التوكيل مع كل صيانه دوريه و بقالي مرتين باشتريه من غبور شارع دمشق و اطلع اغيره فى البنزينه
اخر مره قالى ان مفيش زيت شل هينزل تاني و اللى موجود عند التجار مغشوش - فكنت مضطر اخد الزيت اللى عنده - لسه محفظتش اسمه بس هو مكتوب عليه انه ايطالى

السؤال لحضراتك - هو ده احسن زيت مناسب اللعربيه (النترا md) طالما بيتباع فى التوكيل ولا حضراتكم بترشحوا زيت تاني

واحد من الزباين اللى كانوا واقفين قالو ان ده احسن من الزيوت الموجوده فى السوق كلها
مش عارف الصح فين

ارجو المساعده
شكرا

اختيار الزيت دايما بيبقى بناء على مواصفات الكتالوج... وفي أغلب الأحوال الكتالوج بيديلك كذا اختيار وبمختار المناسب منهم حسب طريقة استخدامك للعربية وحسب أولوياتك

محتاجين نعرف إيه توصيات كتالوج الإيلانترا علشان نشوف إذا كانت مواصفات الزيت بتاع التوكيل مناسبة ولا ﻷ...

عموما.. الموضوع ده فيه تفاصيل عن الزيت في توكيل هيونداي...

http://www.nilemotors.net/Nile/488659-g-energy.html

وبالنسبة لمواصفات الكتالوج... فأنا عندي مواصفات كتالوج الكيا سيراتو 2014.. والمفروض تكون هي نفس مواصفات الهيونداي إيلانترا ﻹنه نفس الموتور..

بناء على المواصفات دي ومواصفات الزيت بتاع التوكيل. .. فأنا شايف إن الزيت مناسب جدا...

كل تحفظي على الزيت إنه إيطالي... وأنا شخصيا ﻻ أثق في أي منتجات إيطالية... وده رأيي الشخصي.

...

**mhkash** · 02-06-2016 10:09 AM

المشاركة الأصلية كتبت بواسطة S O P H O S

نوعه ايه
ويفضل تشتري من مصدر موثوق خصوصا فالزيت
ده حتي في بنزينات بيكون فيها مضروب

السلام عليكم
اسمه G-Energy حضرتك تعرف عنه حاجه

الف شكر

**mhkash** · 02-06-2016 10:18 AM

المشاركة الأصلية كتبت بواسطة borio1704

اختيار الزيت دايما بيبقى بناء على مواصفات الكتالوج... وفي أغلب الأحوال الكتالوج بيديلك كذا اختيار وبمختار المناسب منهم حسب طريقة استخدامك للعربية وحسب أولوياتك

محتاجين نعرف إيه توصيات كتالوج الإيلانترا علشان نشوف إذا كانت مواصفات الزيت بتاع التوكيل مناسبة ولا ﻷ...

عموما.. الموضوع ده فيه تفاصيل عن الزيت في توكيل هيونداي...

http://www.nilemotors.net/nile/488659-g-energy.html

وبالنسبة لمواصفات الكتالوج... فأنا عندي مواصفات كتالوج الكيا سيراتو 2014.. والمفروض تكون هي نفس مواصفات الهيونداي إيلانترا ﻹنه نفس الموتور..

بناء على المواصفات دي ومواصفات الزيت بتاع التوكيل. .. فأنا شايف إن الزيت مناسب جدا...

كل تحفظي على الزيت إنه إيطالي... وأنا شخصيا ﻻ أثق في أي منتجات إيطالية... وده رأيي الشخصي.

...

الف شكر يابيه - هو ده الزيت اللى انا اخدته فعلا - ربنا يستر - العربيه دي هلى كل ما املك فى الدنيا وعشان كده بحافظ عليها واركنها فى الجراج - عشان اسيب حاجه لعيالي بعد لما اموت وارتاح من ارف البلد دي