السلام عليكم
ياريت حد يساعدني في اختيار نوع زيت مناسب
عربيتي لانسر شارك 2015
انا بسافر من القاهرة للسويس و العكس
سواقتي الي حد ما معتدلة
عاوز زيت يحافظ ع الموتور ويخلي صوته هادي
ودي صورة من الكتالوج
وشكرا
عرض للطباعة
السلام عليكم
ياريت حد يساعدني في اختيار نوع زيت مناسب
عربيتي لانسر شارك 2015
انا بسافر من القاهرة للسويس و العكس
سواقتي الي حد ما معتدلة
عاوز زيت يحافظ ع الموتور ويخلي صوته هادي
ودي صورة من الكتالوج
وشكرا
http://www.nilemotors.net/Nile/attac...p;d=1462989750 http://www.nilemotors.net/Nile/attac...p;d=1462989700
حسب المكتوب في الكتالوج... فالمواصفات المطلوبة كما يلي:
اللزوجة:
5W-30 فقط.. وممكن استخدامه في جميع درجات الحرارة.
مستوى الأداء:
لازم يكون واخد تصنيف حسب تصنيف الـILSAC زي: ILSAC GF-3 أو GF-4 أو GF-5
ويكون واخد تصنيف API SN على الأقل
ويكون موفر للطاقة.
المواصفات اللي فوق دي موجودة في ماركات كتير.. بعضها موجود في مصر..
بس أنا ملاحظ إن الصورة دي متاخدة من النت.. وغالبا بيبقى الكتالوج ده مخصص للسوق الأمريكي.. اللي غالبا بيكون عندهم مواتير مختلفة عن اللي بتنزل الشرق الأوسط..
علشان كده لازم تشوف الكتالوج المطبوع اللي نازل منع العربية عندك... علشان نتأكد إن المعلومات اللي فيه مش مختلفة عن المكتوب ده... ولو حصل وكانت مختلفة.. يبقى نمشي مع الكتالوج المطبوع فقط.
بالنسبة لموعد تغيير الزيت... فالموضوع مش بمزاجنا... إنما لازم نرجع للكتالوج ونعرف بيقول إيه.
حسب الصور اللي فوق.. تقدر تحط أي زيت من دول (كلهم بلزوجة 5W-30):
موبيل 1 - X1
5W-30 Oil | Mobil 1 x1 5W-30
آمسويل OE
AMSOIL OE 5W-30 Synthetic Motor Oil
آمسويل XL
AMSOIL XL 5W-30 Synthetic Motor Oil
آمسويل سيجنتشر
AMSOIL Signature Series 5W-30 Synthetic Motor Oil
فيه زيوت تانية من موبيل وكاسترول وشل بنفس اللزوجة.. بس ما توفيش المطلوب في الكتالوج.
ولو قدامك زيوت من ماركات تانية يا ريت تقوللنا عليها ونشوف إيه المناسب منها.
...
الف شكر ليك يا باشا
هرجع للكتالوج الاصاي ولو فيه اختلاف هعرفك
شكرا ع الرد
http://s32.postimg.org/6cxc0uc01/Engine_Oil.jpg
أنا آسف لو دخلت فى الموضوع كده
بس دى صورة من كتيب العربية ( تويوتا إيكو 2004 ) وعاملة كيلومترات كتير
إيه أفضل زيت ممكن أستخدمه للموتور ؟
أنا سمعت مقولة ومش متأكد من مدى صحتها إن الزيت التخليقى لا يفضل إستخدامة فى العربيات اللى عدادها معدى 175000 كيلومتر
وهل 5W30 هيكون مناسب لدرجة الحرارة فى مصر ؟؟
مع وافر التحية والتقدير لكل الزملاء
طيب دي من الكتالوج الحقيقي بقي مش بتاع بره
ياريت تفيدني يا بوريو بيه
دي صورة الكتالوج المطبوع
http://www.nilemotors.net/Nile/attac...8&d=1463093793
شفت؟؟؟ هو ده اللي قصدي عليه
اختلاف جذري بين كتالوج أمريكا وكتالوج مصر/الشرق الأوسط.
حسب الرسمة في الصورة.. كل أنواع اللزوجات المذكورة تنفع في مصر دون استثناء.. مش بس اللي حضرتك مشاور عليهم... لأن اللزوجات التانية مغطية مدي الحرارة في مصر وأكتر منه كمان.
طيب تعالى نلخص المواصفات المطلوبة:
اللزوجة: (تقريبا.. كل اللزوجات تنفع معاك ما عدا درجات قليلة قوي):
20W-40 أو 20W-50
15W-40 أو 15W-50
10W-30 أو 10W-40 أو 10W-50
5W-30 أو 5W-40
0W-20 أو 0W-30
مستوى الأداء:
لازم يكون واخد تصنيف حسب تصنيف الـILSAC زي: ILSAC GF-3 أو GF-4 أو GF-5
ويكون واخد تصنيف API SG على الأقل ... يعني أي زيت بدرجات أعلى يمشي معاك ويكون أحسن ..
SH أو SJ أو SL أو SM أو SN ... كل دول يمشوا معاك بالترتيب التصاعدي من الأسوأ إلى ألأفضل.
وبيشترطوا كمان إنك لو حبيت تستخدم زيوت تخليقية خفيفة (اللي أنا ملونها باللون الأزرق) يبقى لازم الزيت يكون واخد تصنيف من الـACEA بأي كود من دول:
A1/B1 أو A3/B3 أو A3/B4 أو A5/B5
خلي بالك.... أحسن زيت للموتور هو اللي يحقق كل المتطلبات.. مش جزء منها.
طيب... الموضوع كده واسع قوي.. والكتالوج بيقوللك تقريبا كده استخدم أي زيت بأي بلزوجة وأي مستوى خدمة !!!!
على قد ما الموضوع ده مريح لبعض الناس .. على قد ماهو بردو هيلخبط ناس كتير...
في الحالة دي لازم نرجع لطريقة الاستخدام والأولويات..
حسب طلباتك... حضرتك يفضل إن حضرتك تستخدم زيت تخليقي (بيحافظ أكتر على الموتور) بلزوجة 5W-40 (بيخلي صوت الموتور أهدى)
المشكلة الكبيرة هنا إن الزيوت المعتمدة من الـILSAC في مصر قليلة شوية !!!
وبعد شوية تدوير على النت.. للأسف ما لقيتش زيت يكون معتمد من الـILSAC بلزوجة 5W-40 في الماركات المعروفة في مصر!!!
شكلنا كده هنفضل في الـ5W-30
الزيوت اللي رشحتها لحرتك قبل كده كويسة جدا جدا... وتقدر كمان تزود عليهم الزيت ده:
بترومين سوبرسنتثتك A-1
http://nileup.com/up/uploads/nilemotors_14352533251.jpg
هو موجود في مصر .. بس غالي شوية وعند موزعين معينين.
ما تقلقش من لزوجة الـ5W-30 مادام استخدامك للعربية يبقى في حدود اللي حضرتك ذكرته... وأنا شخصيا باستخدمها في عربيتي حسب طلبات الكتالوج.
...
شكرا للرد الوافي و المتميز كالعادة
انا عاوز الفت نظر حضرتك لحاجتين
انا رجعت لفواتير صياناتي السابقة ف التوكيل
ولقيت ان التوكيل كان بيحط توتال 5 w 30
هل ده اصلا معتمد من ال ILSAC ولا هما ف التوكيل نصابين
ولما نزلت سألت علي موبيل 1 لقيته 5 w 40
و لقيت في حاجة اسمها توتال quartz
5w 40
وبردو shell helix ultra 5 w 40
هل دول مش معتمدين من ILSAC؟؟
انا هسأل علي بترومين ده
وياريت تقولي رأيك ف كاسترول يستاهل اني ادور عليه و احط اي نوع فيه؟؟
شكرا اوي لحضرتك
موبيل 1 بتنزل 4 أنواع في مصر.. اتنين منهم بلزوجة 5W-30 وواحد 0W-40 وواحد 5W-50
ادخل على الصفحة دي وشوفهم
Car Engine Oils | Mobil 1™
وما ينفعش معاك حاجة من موبيل 1 غير واحد بس اسمه X1
بالنسبة لزيوت شل... فأنا دخلت على الموقع بتاعهم.. وللأسف ولا الـ5W-30 ولا الـ5W-40 معتمدين من الـILSAC
أما بالنسبة لتوتال كوارتز.. فالحقيقة أنا مش عارف أنهي نوع هو اللي موجود في مصر.. لإن توتال بتنزل أكتر من 40 نوع مختلف من الزيوت تحت اسم كوارتز.. منها كوارتز 5000 وكوارتز 7000 وكوارتز 9000 وكوارتز إينيو وكلهم بلزوجات مختلفة..
اللي شفته على النت من زيوت توتال ومناسب لعربيتك اسمه "توتال كوارتز 9000 فيوتشر GF5"
http://www4.total.fr/asia-oceania/si...GF5%205W30.pdf
لازم تلاقي عليه كلمة GF5.. ولو ما لقيتهاش يبقى مش هو.
دورتلك على كاسترول بردو... ما عندهمش حاجة معتمدة من ILSAC.. ولا الماجناتك ولا الإيدج.
على فكرة.. تقدر تتأكد بنفسك من علبة الزيت.. المعلومات دي كلها بتبقى مكتوبة على ظهر العلبة.
وأنا شخصيا لو لقيت زيت مواصفاته حسب الكتالوج بالضبط مش هبقى قلقان من صوت الموتور ولا حاجة.. لإن غالبا الزيت المطابق للكتالوج بيكون كويس من جميع النواحي.
عموما.. ما تنساش الزيوت اللي قلتلك عليها في أول رد... دول موجودين بسهولة ومش هتغلب إنك تلاقيهم.
اسأل بردو عند آمسويل.. هما عاملين موضوع هنا في المنتدى
http://www.nilemotors.net/Nile/481651-amsoil.html
وليهم صفحة على الفيسبوك.. هاتلاقي اللينك بتاعها هناك.
...
حبيبي يا هندسة ، تسلم ايديك يا باشا