| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 3 1 2 3 الأخيرةالأخيرة
النتائج 1 إلى 10 من 29

  1. #1

    الصورة الرمزية EgyArmy

    رقم العضوية : 168083

    تاريخ التسجيل : 11Nov2014

    المشاركات : 310

    النوع : ذكر

    الاقامة : أسكندريه

    السيارة: لسه

    السيارة[2]: لسه

    الحالة : EgyArmy غير متواجد حالياً

    افتراضي مجانين البرفانات - Facebook Twitter whatsapp انشر الموضوع فى :

    hasad">

    من النهايه ملقتش عنوان غير ده لأن الموضوع تخطى الهواية او الحب انا بمعنى اصح وصلت الفترة الاخيرة لجنون البرفانات بكل انواعه الاوريجنال او التركيبات او معطرات الجو او البخور اى حاجه

    بالنسبه للانواع الى بحبها
    سيلفر سنت و بلاك اكس اس القديمه و ليكسيز و انفيكتوس و توم فورد بلاك اوركيد و لاكوست اسينشيال و انواع تانيه كتير جدا اغلبهم موالح و حمضيات و مقاييس نجاح البرفان عندى انه يبقى الثبات و الفوحان عالى جدا يعنى يستمر بالايام فى الهدوم و فى نفس الوقت الفوحان جامد مش عايزين نتكلم كتير على الاوريجنال لكن هنتكلم للاسف عن التركيبات نظرا لانها الاكثر استخداما مع اغلب الناس

    من حوالى 4 سنين كدة كنت بشترى التركيبات دى من عند محل اسمه سفير فى فتح الله بتاع المندرة و استمر فترة طويله كويس لدرجة ان الناس مكانتش بتقدر تميز بينه و بين الاوريجنال و كان فوحانه مرعب و فى نفس الوقت من اول مابحط البرفان لاول مرة لحد اخر مرة نفس الريحة مبتتغيرش و للاسف بقى خربان حاليا هو نفس حال محل اسمه اريج و هكذا و جربت محلات بالعبط مرة فى محطة الرمل و مرة فى سموحة و مرة فى باكوس و مرة فى المندرة و هكذا كلهم حاليا للاسف مش بحس بالرضا معاهم

    فكانت مشاكلى بتتلخص فى حاجتين كل محل ريحة البرفان فيه مختلفه لدرجة انك متعرفش اصلا هو ايه نوع البرفان ده بعد فترة يا اما تحس انه مايا مفيش ريحة فعلا خالص كأنك بترش مايا يا أما الكارثه الاكبر ان ريحته بتبقى قرف و الازازة لما برش منها بحس اننا برش من بكابورت

    فكرت فكرة مجنونه
    كدة كدة الاوريجنال هنجيبه جاهز

    بالنسبه للتركيبات فكرت اننا مسلمش دقنى لحد تانى
    انا قررت اننا يبقى عندى الخامات و اعملها انا بس مازال حتى الان كل دة طموحات لسه لم يتم التطبيق او الشراء حتى

    اولا : الكحول و ده هيبقى ايثيلى تركيز 95 لان اكتشفت ان اغلب المحلات بتجيب الميثيلى لانه ارخص بكتير و بيسبب امراض جلديه و على سبيل المثال الايثيلى 95 سمعت ان اللتر ب50 جنيه و الميثيلى الجركن العشرين لتر ب55 جنيه فطبعا بيجيبوا الاوفر و فى نفس الوقت بيتفاعل مع الزيت و بيعمل ريحة مختلفه و لحد دلوقتى ببحث عن ايثيلى 95 يكون مش مضروب و مش لاقى

    ثانيا : الزيت و ده يعتبر فى الظاهر اهم حاجه لكن كلهم مهمين لان البرفان كله تفاعلات كيميائية يعنى لو فيه حاجه فى النص بايظة هيبقى كله بايظ و افضل زيوت تركيز 2000 بس نادر جدا و برضه معرفش سعرة و لا اعرف بيتباع فين و هل فيه العبوات الصغيره ال100 جرام ولا لأ ؟ ولا كله العبوات المعدن الكيلو ؟

    ثالثا : الماء المقطر و ده بيقولوا انه مذيب و ناس كتيرة قالت مالوش لازمه و ناس تانيه بتقول له لازمه بس انا حاسس انه مالوش لزمه نهائيا و العلم عند الله يمكن حد تانى له رأى و ده بيتباع فى الصيدليات الكيس 50 مللى بنص جنيه

    رابعا : بنزوات البنزيل و ده مثبت و فى نفس الوقت بيسيح الكحول مع الزيت بحيث ان كله بيبقى علة بعضه و بيقولوا بيتحط نقطه النقطه دى كام سنتى فى السرنجه يعنى ؟ و كمان بيتباع فين ده العلم عند الله و سعره ايه محدش عارف بس حاسس انه مهم لان قبل كدة فى الحقيقه واحد كلمنى عنه

    خامسا : زيت خشب الصندل و ده مثبت و كل البرفانات الاوريجنال بتحتوى على صندل فأكيد هو ده و الناس بتقول بيتحط منه نقطتين بس يعنى كام سنتى سرنجه برضه و فى نفس الوقت سعره كام الله اعلم

    سادسا : مونو بروبلين جليكول و ده حاجة زى الجلسرين كدة بتخلى البرفان يثبت فى الهدوم لفترة اطول و اخف عشان كدة مش بيبقع و مش عارف ليها لزمه ولا لا و برضه بيقولوا نقطتين


    كلامى بقى لعشاق او مجانين البرفانات
    ايه رأيكم فى احلى انواع برفانات و سعرها لو الاوريجنال
    ايه رأيكم فى الفكرة دى ؟
    و الطريقه الى بقولها دى صح ولا فيه صنعه فى الموضوع ؟
    و اجيب منين الحاجات دى حتى لو جيبتها من محل برفانات عادى ممكن ينصب فى الخامه او السعر وعلى فكرة انا من اسكندرية

    لو عندكم اى اضافات متابعكم

    يا بلد معانده نفسها يا كل حاجه و عكسها
    أنسينى أنا صبرى أنتهى و مش هشوف فيكى أمل


  2. #2

    الصورة الرمزية حمادة الاسمر

    رقم العضوية : 165631

    تاريخ التسجيل : 20Sep2014

    المشاركات : 24

    النوع : ذكر

    الاقامة : القاهرة

    السيارة: ____

    السيارة[2]: fiat 128

    الحالة : حمادة الاسمر غير متواجد حالياً

    افتراضي -

    هرد عليك فى موضوع الخامات صديق ليا كان بيفكر يبدأ مشروع تركيب وكان دايما يتردد على منطقة باب الشعرية وكت بكلمنا عن الزيوت و الاسعار بالجرامات منطقة تانبة اسمها شارع الجامع الاحمر فى كلوت بك وسط البلد بتختص بالعبوات الفارغة الاصلية و مكن الكبس والعدد اللى ممكن تحتجها فى مشروع زى ده

    انا عارف انك من اسكندرية بصراحة مش عارف حاجات زى دى ممكن تكون فين عندك لكن حبيت اضيف لك معلومة ولو بسيطة لان موضوع البرفانات ده موضوع مهم جدا


  3. #3

    الصورة الرمزية melouk1

    رقم العضوية : 72661

    تاريخ التسجيل : 09Jun2010

    المشاركات : 913

    النوع : ذكر

    الاقامة : Madinaty

    السيارة: c 240 2004

    السيارة[2]: E 250 2010

    دراجة بخارية: no

    الحالة : melouk1 غير متواجد حالياً

    افتراضي -

    يا باشا ربنا يهديك :)))
    كبر دماغك يا عم من كل الكلام ده
    إنت وصي حد نازل يجبلك نوع محترم من بره و خلاص
    أنا عن نفسي بجيب من بره
    و إبعد عن دبي لان copy كتير
    و انا بحب la nuit من شركة yvessanit laurent
    و في allure من chanel


  4. #4

    الصورة الرمزية EgyArmy

    رقم العضوية : 168083

    تاريخ التسجيل : 11Nov2014

    المشاركات : 310

    النوع : ذكر

    الاقامة : أسكندريه

    السيارة: لسه

    السيارة[2]: لسه

    الحالة : EgyArmy غير متواجد حالياً

    افتراضي -

    اقتباس المشاركة الأصلية كتبت بواسطة حمادة الاسمر مشاهدة المشاركة
    هرد عليك فى موضوع الخامات صديق ليا كان بيفكر يبدأ مشروع تركيب وكان دايما يتردد على منطقة باب الشعرية وكت بكلمنا عن الزيوت و الاسعار بالجرامات منطقة تانبة اسمها شارع الجامع الاحمر فى كلوت بك وسط البلد بتختص بالعبوات الفارغة الاصلية و مكن الكبس والعدد اللى ممكن تحتجها فى مشروع زى ده

    انا عارف انك من اسكندرية بصراحة مش عارف حاجات زى دى ممكن تكون فين عندك لكن حبيت اضيف لك معلومة ولو بسيطة لان موضوع البرفانات ده موضوع مهم جدا
    كويس جدا عشان لو حد من القاهره برضه يستفيد و انا كنت من كام شهر بنزل القاهره دى مرتين فى الشهر لكن حاليا صعب عشان الشغل و موضوع البرفانات فعلا مهم جدا و مش كماليات زى مافيه ناس متخيله ده زيه زى الهدوم

    اقتباس المشاركة الأصلية كتبت بواسطة melouk1 مشاهدة المشاركة
    يا باشا ربنا يهديك :)))
    كبر دماغك يا عم من كل الكلام ده
    إنت وصي حد نازل يجبلك نوع محترم من بره و خلاص
    أنا عن نفسي بجيب من بره
    و إبعد عن دبي لان copy كتير
    و انا بحب la nuit من شركة yvessanit laurent
    و في allure من chanel
    فيه ناس كتيرة صحابى مسافرين بس مش عايز اتقل عليهم و بالاخص انهم مطحونين و كمان هيبقى الفرق مش كبير اوى بسبب الجمارك و الضرايب و هكذا يعنى البرفان ابو 500 هيبقى ب450 يعنى ده اذا مزادش عن كدة بسبب الجمارك الى بتحمى كبار التجار فى كل المهن




    عايزين نطور الموضوع شوية
    يعنى نعمل ايه
    البرفانات الى سعرها اقل من 200 جنيه
    و البرفانات الى سعرها من 200 ل 300 جنيه
    و البرفانات الى سعرها من 300 ل 500 جنيه
    و البرفانات الى فوق ال500 جنيه


    طبعا مش عايز اعمل شرائح اسعار اعلى من كدة عشان المبتدئين فى البرفانات ميتصدموش لان فيه نوع انا كاتبه سعره فوق الالف و نص بس هعمل نفسى مجنون و مش هقول مين بس مهاويس البرفانات هيفهمونى

    يا بلد معانده نفسها يا كل حاجه و عكسها
    أنسينى أنا صبرى أنتهى و مش هشوف فيكى أمل


  5. #5

    الصورة الرمزية EgyArmy

    رقم العضوية : 168083

    تاريخ التسجيل : 11Nov2014

    المشاركات : 310

    النوع : ذكر

    الاقامة : أسكندريه

    السيارة: لسه

    السيارة[2]: لسه

    الحالة : EgyArmy غير متواجد حالياً

    افتراضي -

    سيلفر سنت
    فيه منها العاديه او الديب او الانتنس
    العاديه دى تركيزها مقبول جدا
    الديب متوسطة التركيز
    الانتنس مركزة جدا
    مع نوع زى السيلفر سنت ده و قوته و ثباته و فوحانه
    الانتنس ممكن تخنق ناس كتيرة و فيه بعض الناس بتشك ان بوجارت معملتش الا السيلفر سنت العاديه و العلم عند الله

    ريحته برتقان هيحسسك بفوقان اوى و الاجمل انك لما هتحطه هتنزل مشوارك و ترجع كأنك لسه راشة

    فيه حاجه مهمه اوى فى البرفانات لازم الناس تفهمها ان البرفان زيه زى الاكل و بعيد عن انه اذواق ده كمان بيأثر على المعدة يعنى ممكن يوجع بطن واحد و التانى لأ و فيه حاجه اسمها تذوق البرفان كأنك بتدوقه بس بمناخيرك و بيأثر على مخك و بطنك كمان و بالرغم ان سيلفر سنت تقيل جدا الا ان محدش اشتكى منه فى تذوقه نهائيا الا بعض الاشخاص الى ممكن يكون عندها حساسيه من الروائح النفاذه


    سعره و ده الاهم
    من شهرين كان بحوالى 200 جنيه
    اليومين دول مشوفتوش فى محلات لكن على سوق دوت كوم سعره 255 طبعا ممكن تنزل تدور عليه بنفسك فى محلات موثوقه هتلاقيه ارخص


    و احذر جدا لان بسبب انتشارة و نجاحه السريع بقى يتقلد و فيه منه نسخ بتنزل فى فتح الله ب25 جنيه بس طبعا مالهاش علاقه بالاوريجنال نهائيا

    يا بلد معانده نفسها يا كل حاجه و عكسها
    أنسينى أنا صبرى أنتهى و مش هشوف فيكى أمل


  6. #6

    الصورة الرمزية melouk1

    رقم العضوية : 72661

    تاريخ التسجيل : 09Jun2010

    المشاركات : 913

    النوع : ذكر

    الاقامة : Madinaty

    السيارة: c 240 2004

    السيارة[2]: E 250 2010

    دراجة بخارية: no

    الحالة : melouk1 غير متواجد حالياً

    افتراضي -

    اللي انا قولتلك عليهم اسعارهم 155 € يعني مصري ٢٠٠٠ جنيه
    ومضمنش اجيبهم من هنا لو لقيتهم
    بجيبهم وانا في مطار باريس ترانزيت

    الفكرة إنك لو دي هوايتك و حابب تعمله لنفسك لازم تدرسه
    و لو مشروع لازم تدرسه كويس جداً
    بس برده لازم تبيع غالي عشان انت هتجيب أنضف خامات بس مثلاً معتقدش تعرف توصل للأنواع مثلاً اللي قولتهالك
    و ده ميمنعش انك تجرب


  7. #7

    الصورة الرمزية EgyArmy

    رقم العضوية : 168083

    تاريخ التسجيل : 11Nov2014

    المشاركات : 310

    النوع : ذكر

    الاقامة : أسكندريه

    السيارة: لسه

    السيارة[2]: لسه

    الحالة : EgyArmy غير متواجد حالياً

    افتراضي -

    طلاما اتكلمنا على السيلفر سنت يبقى لازم اتكلم على الشقيق الاصغر بالرغم انه اغلى و اقدم بس انا بالنسبالى الاصغر لانى عرفته بعد السيلفر سنت رغم انه اقدم بسنه ده ظهر فى 2005 لكن السيلفر سنت فى 2006

    بلاك اكس اس
    فيه منه انواع كتيرة اوى حريمى و رجالى بس هتكلم على الرجالى بس لانى معرفش الحريمى نظامه ايه

    النسخه القديمه الى مكتوب عليها بلاك اكس اس بس و مرسوم تحتها ورده و دى ريحتها لمون صريح اوى بس لمون هيخليك نشط و مفوق جدا

    و بلاك اكس اس ليكسيز الى مرسوم عليها جمجمه و دى انتشرت بأسم ليكسيز كأنها برفان جديد و العياذ بالله و الناس نسيت انها اصلا بلاك اكس اس بس نسخه معدله و ريحته مزيج حمضى جميل مش هتعرف ده لمون ولا برتقان ولا ايه بس هيا حاجه حمضيه مسكرة

    فيه انواع بصراحة مشميتهاش بس اكيد جميله
    زى بلاك اكس اس بوشن الى عليها دايرة حمرا
    بلاك اكس اس بى اى ليجند ايجى بوب



    سعرهم مختلف و هتلاقيها كل يوم بسعر
    المدهش انها اكتر برفانات شوفتها بتضرب و بتتقاد فى مصر
    ده لان سعرها غالى يعنى من 400 ل650 حسب نوعها
    و نظرا لان الازازة شكلها حلو و الاهم ان البرفان نفسه حلو جدا و قبل كدة نزل علبه فيها الحريمى و الرجالى مع بعض الكارثه اننا بعد بحث و تدقيق لقيت باكو ربان معملتش نسخ كابل و دى كانت حركة سرقه هنا فى مصر

    يا بلد معانده نفسها يا كل حاجه و عكسها
    أنسينى أنا صبرى أنتهى و مش هشوف فيكى أمل


  8. #8

    الصورة الرمزية EgyArmy

    رقم العضوية : 168083

    تاريخ التسجيل : 11Nov2014

    المشاركات : 310

    النوع : ذكر

    الاقامة : أسكندريه

    السيارة: لسه

    السيارة[2]: لسه

    الحالة : EgyArmy غير متواجد حالياً

    افتراضي -

    اقتباس المشاركة الأصلية كتبت بواسطة melouk1 مشاهدة المشاركة
    اللي انا قولتلك عليهم اسعارهم 155 € يعني مصري ٢٠٠٠ جنيه
    ومضمنش اجيبهم من هنا لو لقيتهم
    بجيبهم وانا في مطار باريس ترانزيت

    الفكرة إنك لو دي هوايتك و حابب تعمله لنفسك لازم تدرسه
    و لو مشروع لازم تدرسه كويس جداً
    بس برده لازم تبيع غالي عشان انت هتجيب أنضف خامات بس مثلاً معتقدش تعرف توصل للأنواع مثلاً اللي قولتهالك
    و ده ميمنعش انك تجرب
    لا هيا مش مشروع بس هوايه ليا انا فقط و بالاخص اننا هتجوز قريب فالبرفانات دى بالنسبالى فرصه اننا اجيب بشكل كبير حاليا و بلاش تعقد الناس من البرفانات ههههههههههههههههه فيه ناس ممكن تشترى بلاوى بالالفين دول

    بس السؤال الاهم دلوقتى خلينا فى مصر
    مفيش نسخ تيست بتتباع فى اى حته فى مصر
    يعنى على سبيل المثال انا عارف اسامى برفانان كتيرة جدا و عملتها تركيبات و ناوى اجيبها اوريجنال و طبعا الريحة بتختلف تماما من التركيب لااوريجنال فكنت عايز اعرف اشم الاوريجنال فين و لو فيه نسخ تيست يبقى افضل جدا عشان الواحد يعرف بدايه و عمق و اخر البرفان بيوصل معاك فين طول اليوم

    يا بلد معانده نفسها يا كل حاجه و عكسها
    أنسينى أنا صبرى أنتهى و مش هشوف فيكى أمل


  9. #9

    الصورة الرمزية dede_dodo88

    رقم العضوية : 10065

    تاريخ التسجيل : 04May2008

    المشاركات : 1,630

    النوع : ذكر

    الاقامة : Heliopolis

    السيارة: BMW isA :)

    السيارة[2]: Opel Astra J HB

    دراجة بخارية: None

    الحالة : dede_dodo88 غير متواجد حالياً

    افتراضي -

    انا اه مجنون عطور بس عمري ما هفكر اجيب حاجة غير الاوريجينال..
    للاسف مؤخراً فقدت بنسبة كبيرة حاسة الشم عندي بسبب ادوار البرد المتكررة فبطلت استكشف انواع جديدة كما كانت عادتي من قبل و بقيت بكتفي بشراء الانواع اللي مجربها قبل كده..
    من كام شهر كنت راجع من امستردام و مقدرتش امسك نفسي في السوق الحرة و اشتريت 6 ازايز كبشة واحدة على الرغم ان عندي اصلاً كولكشن مش صغيرة..
    في فرق في السعر طبعاً خصوصاً ان الاسعار في مصر تضاعفت بشكل كبير في الفترة الاخيرة و مبقتش مشجعة اني اشتري اي حاجة من مصر..

    [shfaf2]http://nileup.com/up/uploads/nilemotors_14667781721.jpg[/shfaf2]


  10. #10

    الصورة الرمزية dede_dodo88

    رقم العضوية : 10065

    تاريخ التسجيل : 04May2008

    المشاركات : 1,630

    النوع : ذكر

    الاقامة : Heliopolis

    السيارة: BMW isA :)

    السيارة[2]: Opel Astra J HB

    دراجة بخارية: None

    الحالة : dede_dodo88 غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة EgyArmy مشاهدة المشاركة
    طبعا مش عايز اعمل شرائح اسعار اعلى من كدة عشان المبتدئين فى البرفانات ميتصدموش لان فيه نوع انا كاتبه سعره فوق الالف و نص بس هعمل نفسى مجنون و مش هقول مين بس مهاويس البرفانات هيفهمونى
    انا بحب بلاك اوركيد برضه بس بحسه يمشي حريمي اكتر. هو unisex اصلاً..

    [shfaf2]http://nileup.com/up/uploads/nilemotors_14667781721.jpg[/shfaf2]



 
صفحة 1 من 3 1 2 3 الأخيرةالأخيرة

المواضيع المتشابهه

  1. لمحبى البرفانات والروائح
    بواسطة ابو لؤى في المنتدى فيس بوك المنتدي
    مشاركات: 2
    آخر مشاركة: 14-12-2019, 01:13 AM
  2. أماكن بيع البرفانات والساعات الهاي كوبي بأسعار الجملة
    بواسطة أبو آسر في المنتدى المنتــــــدى الاجتمــاعى
    مشاركات: 49
    آخر مشاركة: 20-04-2019, 12:58 PM
  3. عن البرفانات الفرست كوبي ...(مين جربها؟)
    بواسطة أبو_يوسف في المنتدى المنتــــــدى الاجتمــاعى
    مشاركات: 19
    آخر مشاركة: 24-08-2016, 08:44 PM
  4. مشاركات: 4
    آخر مشاركة: 12-11-2013, 10:32 PM
  5. عالم مجانين ... مجانين
    بواسطة Dr.Mostafa Anwar في المنتدى مقــاطـع الفيــديـو و الكليبات و صـور للسيارات
    مشاركات: 5
    آخر مشاركة: 23-01-2010, 10:37 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2