سؤال فى درجة الحرارة الخارجية فى سيراتو 2016

**hanyghazal** · 11-05-2016 11:15 PM

سلام عليكم. لما بتكون العربية ركنة فى الجراج سيراتو ٢٠١٦و اجى اطلع الصبح بتكون درجة الحرارة الخارجية فى العربية ٢٥ مثلا و درجة الجو برد مثلا ٣٠ و لما اطلع متعملشى تعديل الى بعد شوية او مثلا مشيت بسرعة مثلا ٨٠ او اكتر و او بعد فترة كده كبيرة يجى مثلا ربع ساعة او اكتر حاجة كده . بص بثراحة مش عارف بضط بس الفكرة ان درجة الحرارة مبتتعدلشي الا بعد شوية و انا ماشى . ده طببعى ولا فى مشكلة؟؟

**mr_green** · 12-05-2016 08:53 AM

مفيش مشكلة - أولا الحرارة فى الشمس غير فى الظل

و السينسور بياخد حوالى 10 دقائق على ما يحس بالحرارة

و كمان لو ماشى بسرعة فالهوا بيقلل نوعا ما من درجة الحرارة و لو الشمس مسلطة على الزجاج الأمامى هاتعلى بسرعة الحرارة

**borio1704** · 12-05-2016 03:11 PM

ما تقلقش.. عادي..

خلي بالك.. احساسك (انت شخصيا) بدرجة الحرارة بيدخل فيه كذا عامل:

أولا.. التعرض للشمس.. فلو واقف في الشمس أكيد هتحس بإن الجو حر..
ثانيا.. الرطوبة... وكل ما الرطوبة زادت هتحس بالحر أكتر..
ثالثا.. المكان اللي كنت موجود فيه... يعني لو كنت موجود في مكان مكيف وطلعت في الجو الخارجي.. أكيد هتحس بالحر أكتر من اللي موجود في الجو الخارجي أصلا.

فممكن قوي تحس إن الجو برد ولكن الحرارة فعلا أعلى من كده... أو العكس.

بالنسبة لحساس الحرارة في العربية.. فهو ممكن يفرق عن الجو الخارجي في حدود درجتين بالكتير.

وخلي بالك.. الحساس غالبا موجود في الكصدام الأمامي (على ما أعتقد).. وبالتالي لو الكصدام متعرض للشمس هيحس بالحرارة علشان الاكصدام بقى سخن..

وكمان.. وجود سربنتينة التكييف والرادياتير في المنطقة دي بيخلوا درجة الحرارة أعلى من المعتاد في المنطقة دي لو ركنت العربية بعد مشوار.

الزحمة كمان بتفرق في درجة الحرارة.. لإن العربيات حواليك بتطلع سخونية.. خصوصا مع تشغيل العربيات للتكييف.

ما تخافش.. مفيش مشاكل

...