ايمجراند EC7 السعودية كاملة المواصفات 1800سي سي اوتوماتيك 46 الف ريال.....حسرة علي الشعب المصري الغلبان المضحوك عليه من التوكيلات الحراميه.
https://youtu.be/l0m1X1ZJy4w
عرض للطباعة
ايمجراند EC7 السعودية كاملة المواصفات 1800سي سي اوتوماتيك 46 الف ريال.....حسرة علي الشعب المصري الغلبان المضحوك عليه من التوكيلات الحراميه.
https://youtu.be/l0m1X1ZJy4w
اوعدنا يارب!
عظمه على عظمه يا غبور
1300 تيربو و اوتوماتيكاقتباس:
المشاركة الأصلية كتبت بواسطة رامي مصطفى
http://www.carnewschina.com/wp-conte...-1-458x343.jpg
:N_no[1]::N_no[1]::shine[1]::shine[1]::chatting:
اقتباس:
المشاركة الأصلية كتبت بواسطة mohamed_prog
عايز الحق... مش التوكيلات هي اللي ضاحكة على الشعب... دي الحكومة.
قانون جمرك العربيات بيحاسبك على العربية حسب سعة الموتور.. على أساس إن العربيات اللي موتورها أكبر بتستهلك بنزين أكتر..
وطريقة حسبة الجمرك عبارة عن سرقة علني..
أول حاجة .. تشوف ثمن العربية الأصلي من بلد المنشأ.. وتحسب رسوم اسمها (سيف وارد).. بتبقى نسبة من ثمن العربية.
ثاني حاجة.. تجمع ثمن العربية + سيف وارد وتحسب ضريبة المبيعات على المبلغ ده.
ثالث حاجة.. تجمع ثمن العربية + سيف وارد + ضريبة المبيعات.. وتحسب رسم تمنية بناء على المبلغ ده.
فجمرك العربية بيبقى عبارة عن مجموع سيف وارد + ضريبة المبيعات + رسم التنمية.
ولحد حوالي 20 سنة فاتت.. كان جمرك العربيات متقسم لشرايح كالتالي:
1- تحت 1000 cc.. = سيف وارد 40% + 15% ضريبة مبيعات + 3% رسم تنمية
2- تحت 1300 cc.. = سيف وارد 60% + 15% ضريبة مبيعات + 3% رسم تنمية
3- تحت 1600 cc.. = سيف وارد 100% + 15% ضريبة مبيعات + 5% رسم تنمية
4- تحت 2000 cc.. = سيف وارد 135% + 30% ضريبة مبيعات + 5% رسم تنمية
5- فوق 2000 cc.. = سيف وارد 135% + 45% ضريبة مبيعات + 8.5% رسم تنمية
القيم اللي فوق تقريبية لإن الشرائح أنا فاكرها كويس قوي.. إنما قيم الجمرك دي بالتقريب (شريحة 2 و3 بالذات).
من حوالي 20 سنة الشريحة 1 و 2 ضموهم على بعض.. وبقت أي عربية تحت 1300 cc بتدخل بنفس جمرك الـ1000 cc..
ومن حوالي 15 سنة.. الشريحة التالتة كمان اتضمت ليهم.. وبقت كل العربيات تحت الـ1600 بتدخل بنفس جمرك الـ1000 cc بتاع زمان.
يعني دلوقتي جمرك العربيات في مصر بقى 3 شرايح..
1- تحت 1600 cc.. = سيف وارد 40% + 15% ضريبة مبيعات + 3% رسم تنمية = حوالي 66% من سعر العربية الأصلي
2- تحت 2000 cc.. = سيف وارد 135% + 30% ضريبة مبيعات + 5% رسم تنمية = حوالي 221% من سعر العربية الأصلي
3- فوق 2000 cc.. = سيف وارد 135% + 45% ضريبة مبيعات + 8.5% رسم تنمية = حوالي 270% من سعر العربية الأصلي.
بعد الحدوتة دي.. العربيات اللي بتتجمع في مصر غالية ليه؟؟ مش هي معفية من الجمرك؟؟
المسألة هنا ليها سببين..
أول سبب.. تكلفة الإنتاج
إن السوق السيارات المصري ضعيف جدا مقارنة بالأسواق في العالم.. ومتوسط مبيعات السيارات الجديدة في حدود 100-150 ألف عربية جديدة في السنة (محلي ومستورد)..
عندنا حوالي 7 مصانع بتجمع عربيات.. لو كل واحد أنتج 10 آلاف عربية في السنة يبقى كده غطيت نصف المبيعات في السوق..
بس 10 آلاف عربية دول يعني حوالي 30 عربية في اليوم (يطلعوا في شغل نص وردية)... والمعدل ده قليل جدا جدا بالنسبة للاستثمارات المدفوعة في مصانع السيارات..
يعني لما بتشتري العربية بتدفع معاها كمان ثمن التكلفة العالية للمصنع.. اللي بيشتغل شوية ويقف باقي السنة.
السبب التاني.. التسعير في السوق المصري
إن سعر العربية في مصر بقى معروف إنه عالي.. والناس عندها استعداد تدفع في المستورد مبلغ كبير.. فالتسعير بيشتغل بحسبة بسيطة قوي.. ملخصها إن لو نفس العربية دي جبناها مستوردة هيكون سعرها كام؟؟؟
يبقى ننقص من سعر المستورد حوالي 20%.. ويبقى هو ده سعر التجميع المحلي... وفرق الـجمرك بيغطي المصاريف العالية ويعمل أرباح كمان.
ولو ما كانش الجمرك عالي بالطريقة دي.. ماكانش المصانع دي فتحت من أساسه لإنها هتبقى خسرانه من أول يوم.
مين بقى اللي عامل المشكلة؟؟؟ التوكيلات ولا الحكومة؟؟؟؟
...
الخبر ده ظريف جدا..
http://www.masralarabia.com/%D8%A7%D...87%D9%84%D9%83
جايبلك عدد السيارات المحلية اللي اتباعت في مصر سنة 2013 و 2014 مع بعض
1- هيونداي (غبور) = 2114 عربية (اتصنع 2107 عربية في 2014)
2- شيفروليه (منصور) = 1343 (اتصنع 1789 عربية)
3- نيسان (نيسان مصر) = 1791 (اتصنع 1241 عربية)
4- اسبيرانزا (أبوالفتوح) = 362 (اتصنع 670 عربية)
5- بي إم دبليو () = 159 (اتصنع 214 عربية)
6- جيب (الشركة العربية) = 93 (اتصنع 178 عربية)
7- جيلي (غبور) = 1250 (اتصنع 142 عربية بس)
8- تويوتا (الشركة العربية) = 99 (اتصنع 123 عربية)
يعني إجمالي كل العربيات المحلية اللي اتباعت في 2013-2014 ما يزيدش عن 7500 عربية على أقصى تقدير.
يعني المصنعين دول عندهم فائض في العربيات.. والمفروض يعملوا تخفيض وعروض أكتر علشان الناس تشتري... ده اللي بيحصل في كل مكان في الدنيا.
...