تعمل ايه لو راكن قدام بيت و فى عز الزحمة و مفيش مكان وجه واحد بيقولك دا بيتى لو سمحت عدينى عشان اركن ؟ هتطلع له ؟ ولو مش هتطلع له هترد عليه ازاى ؟؟ :tt1:
عرض للطباعة
تعمل ايه لو راكن قدام بيت و فى عز الزحمة و مفيش مكان وجه واحد بيقولك دا بيتى لو سمحت عدينى عشان اركن ؟ هتطلع له ؟ ولو مش هتطلع له هترد عليه ازاى ؟؟ :tt1:
طبعا زوقيا هاطلعله :angel:
حصلت معايا و كنت راكن عند الميكانيكى منتظر دورى و قلت لصاحب السيارة الذى طلب منى ذلك أننى لن أتحرك حتى يأتى دورى فى إصلاح السيارة و طلبت منه أن يرن عليا
حتى أسجل رقمه ثم أقوم بالإتصال به فور إنتهاء تصليح السيارة حتى يحضر و يركن مكانى
و الواقع أنه كان راجل محترم و ذهب للركن فى شارع موازى و فعلا إتصلت به بعد إنتهاء تصليح سيارتى و أحضر سيارته للركن أمام منزله .
اطلع له
بس في نقطة
ازاى اتاكد انه فعلاً بيته
مش كلام وخلاص
اكيد هطلعله هوا ذوقيا ومن حقه انه يجي من برا يلاقي مكان قدام بيته يركن ويطلع
hatla3loh la2no mn 7a2o eno yrkan odam beto
w da eli mafrod y7sal
enma masln lo hwa sa7b 3arbyten w 3arbya mnhom ta7t bety w msh 3agbo eni arkn 3ando ytfl2 wla ha7rkha :D
mant2na kolha kda
kol wa7d m3ah 3arbyten la7d malshar3 eli kan sa7ra ba2a 3aml zi city stars yom el 5amis
ايوة دا بيته و انا هركن فى مكان تانى لان هو ممكن يركن لغايه الصبح فا اعتقد حقه
انت تحب الناس تتصرف معاك ازاى؟
حب لأخيك ما تحب لنفسك
انا فتحت الموضوع عشان حصل قدام عينى يوم الخميس اللى فات واحد راكن جنبى و صاحب البيت تقريبا قعد يتكلم مع الراجل عشان يدخل مكانه مرضيش و قعد يزعق فيه و الراجل صعب عليا وهو اصلا راجل كبير نزلت و قلتله تعالى مكانى يا حاج رغم انى راكن فى الناحية المقابلة قالى شكرا يبنى و فضلت انا واقف فى الشارع و مشغل الانتظار
هل ترضى ان لو والدك مكانه يحصل فيه كدا ؟؟ بس خلاص انا اتحرق دمى بجد و كان هاين عليا اضربه
ايوة دا بيته و انا هركن فى مكان تانى
طبعا حخليه يركن مكاني
حطلعله أكيد
أكيد مش هطلع....لو زى مبتقولوا يبقى محدش هيعرف يركن فى البلد دى.
انا لو لقيت الراجل محترم و بيكلمني باحترام و ذوق هخليه يركن طبعا .. انما لو حسيت انه بيتكلم ببجاجه كده اظن هنعمل احلي مشكله :>
حبايب قلبى نزلت الناهردة 9 الصبح لقيت العربية متربة ومكتوب عليها : نرجوا عدم غلق باب العمارة بسيارتك ، قلت ليه هوة انا راكن فين بصيت لقيت فعلا مدخل عمارة 4 ادوار ، طيب فين المشكلة ، ان فيه عفش كان نازل من عربية نقل وكانوا عايزين يدخلوه وفعلا كنت سادد عليهم لان ضرف الموبيليا عايزة مكان واسع علشان يدوروها ويعدلوها ودار الحديث التالى
- صباح الفل ياباشا وصلتنى الرسالة
- انت صاحب العربية دى الله يسامحك كسفتنا مع عربية الموبيليا موش عارفين ندخلها البيت ، انت مدرس فى المدرسة دى
- لا انا ساكن فى عمارة جنبكم
- طيب يابنى ربنا يسامحك ابقى خلى بالك ده مدخل عمارة
قلت فى نفسى آخر مرة انا احطها فى اى جنينة جنبنا اكرمللى
مرة فى رمضان كنت منشن اركن فى نفس المكان علشان بلقاه فاضى ، لقيت مكان امور قوى جنب العمارة ركنت قبل الفطار نزلت فى التراويح لقيت عربيتين نايمين فى حضن عربيتى مدشدشين الجنب الشمال كله
ومن يومها لا اركن جنب عمارتنا على الاطلاق
انا عندى اقتراح يالا نطبق العربية وناخدها نركنها كل واحد جنب سريره ونخلص
هوسعله لو طلب بذوق لأنها مش قنون مفروض !!هي بس حاجة ذوقية
بس مرة واحد قاللي عايز أركن قدام العمارة بس شكلة ممكن يكبر الموضوع اوي وكمان شكله ماكانشي تمام (مش طبيعي )بيني وبينكم قلت الراجل في منطقته وشكله اصلا لسة طالع من الحبس فوسعتله وكبرت دماغي ومن ساعتها لما اركن واستنى حد في العربية بقفلها واقف جنبيها
بوصو يا شباب هو من حق كل واحد يركن قدام العماره الساكن فيها
انا ولدى الله يرحمه كان بيعاني من الموضوع ده عشان كان مريض سكر وكمان مش بيلاقي مكان يركن فيه فكان يسيب العربيه مفتوحه وانزل انا ادور علي ركنه
معلش بقى يا جماعة مع احترامي لكل الردود مفيش حاجة اسمها من حق كل واحد انه يستولي على المكان اللي قدام بيته او عمارته ويقول انا من حقي اني اركن فيه
الشارع ملكية عامه ملكية عامه ملكية عامه
مش ملك الناس اللي ساكنه فيه واسمحولي اهاجم كل اللي كتبو وقالوا ان من حق الراجل اللي ساكن في العمارة يركن قدام عمارته لأنهم غلطانين ودة اسلوب الغابة وواضح انهم من الناس اللي بنشوفهم في معظم شوارعنا اللي بيدقوا الخوابير وبيضعوا الأحجار لحجز مكان لسيارتهم او على الاقل نفسهم يعملوا كدة في اقرب فرصه
يا جماعة انا برضه ساكن في عماره ونفسي ارجع كل يوم والاقي مكان قدام بيتي اركن فيه لكن لو كلنا فكرنا بالطريقة دي يبقى محدش هيعرف يركن في اي حته بيعيدة عن بيته يعني لو رايح زياره لصديق ولا مشوار بعيد عن بيتك يبقى مش من حقك تركن تحت بيوت الناس طبق العربية وخدها تحت باطك معاك !!!!!!!!!!
يا ريت كل واحد يراعي ضميرة ويحترم اللي حواليه عشان الناس تحترمه
وعلى فكره مره الشارع اللي انا ساكن فيه كترت فيه الخوازيق والأحجار اللي بتتحط لحجز الأماكن فا جار مشكور اتصل بالبلدية وجت مشكوره كسرت كل الخوازيق ولمتها ولما جه بواب عماره يعترض ويكلمهم كانوا هيخدوه معاهم ، فا لو حد عنده مشكله زي دي في الشارع بتاعه يقدر يشتكي ويبلغ البلدية بالتعديات دي
كلمة اخيره بصراحه السبب الرئيسي في مشاكل الركن في مصر هي الحكومة أيوة الحكومة لأن القانون بيلزم العمارت اكتر من 7 ادوار (تقريبا مش فاكر عدد الأدوار بالظبط ) بعمل جراج للعمارة وطبعا كل المقاولين بيرشوا مهندسين الأحياء للتحايل على القانون وإغفال هذه المادة وتعالوا اتفرجوا على شارع فيصل كمثال حي للكلام دة ابراج 12 و15 دور بلا جراج يساع سياره واحدة فقط
وربنا يتولانا جميعا
كلام مظبوط
ماحن قلنا دا مش قانون دا حاجة ذوقية منك في حالة راجل او ست كبيرة او مريض او حتى شاب بس ظروف المنطقة لا تسمحله انه يركن في اي مكان تاني غير قدام عمارته وانت شوية وماشي يبقى هو أولى او واحد مبرشم وطلبت معاه يركن قدام بيتهم وفي كل الأحوال دي مش هينفع تدخل معركة زي دي عشان خسرانة خسرانة
هو في منطقته وفي حالة زي اللي حصلت معايا واحد مبرشممممممممم وشكله ممكن يكون شايل سيف مثلا في شنطة عربيتة
وعموما مانقدرشي نطبق الكلام دا في كل الظروف والأماكن
الاخ kh_talaat : الشارع ملكية عامة ايوة بس يحكمه قانون المرور فى المشى والوقوف ، القانون الجديد يجرم حجز المكان ولكن مين يطبقه
ثم ان حضرتك لو ربنا انعم عليك بعمارة 7 او 9 ادوار تحتها جراج هاتكتب فى العقد ان الجراج ملك المالك ، ثم تقوم بتأجيره من 3 الاف الى 5 فى الشهر ، ساعتها هاتأيد ان المالك حر فى الجراج
لكن احلى قانون كان طالع او حتى عرف بيتطبق ان لكل شقة تمليك مكان فى الجراج لدرجة ان فى مدينة نصر المساكن المبنية فى الثمانينات تحتها جراج لكل ساكن مع التشديد ان لو معندوش عربية لا يجوز عمله مخزن او محل او حتى تأجيره للغير
لكن خلونى صريح انت لو فى شارع زحمة ومروره كثيف اتحدى اى واحد يركن قدام بيته هاتشوفلك مكان ورا العمارة هادى ومفيهوش مرور كثير علشان العربية متتخبطش ولا ايه ، كان زمان فيه عقاب مشهور لو حد لقى واحد راكن مكانه يقف وراه يقفل عليه ويطلع ينام وميسألش علشان يحرم
حل المشكلة انك تأخذ العربية معاك بيتك وتستريح
انا حاليا لا اركن امام بيتنا لان العربيات ملطش وممكن تتخبط من اتوبيسات موش عربيات ولكن لو حد قاللى ده مكانى هاخرج له علطول وخلوها على الله
لا طبعا مش حطلع من مكانى هوه مشتراش الشارع كمان واللى يعمل غير كده يبقى بيفرط فى حقه
لو فى سبب مقنع لى زى اذا كان عايز يركن عربيتة قدام بيتة او هو متعود يركن هنا انما فى بعض الناس الغتيتة مبتحبش حد يركن قدام بيتة دول طبعا بتخانف معاهم ومش بستكلهم وانا لسة متخانق مع جارنا اللى قدامنا لانة كان مش عايزنى اركن قدامة مع انى بركن بعيد عنة بس ديل العربية هو اللى بيبقى قدام بيتة سنة بسيطة ومسكتلوش خالص ومن ساعتها وهو مش بيقدر يتكلم معايا فى الركنة خالص .
إلى الأستاذ moh_kamal67
اللي يطبق القانون يا سيدي الفاضل هو إحنا المواطنين ودة بإن إحنا منسمحش لحد من جيرانا انه يدق خوازيق في الشارع ويستولى على مكان ملك للجميع وطبعا مش هاقولك انزل شيلهم بإيدك أو اتخانق معاه عشان دة مش اسلوب حضاري وإحنا مش في غابه ولكن أنا اديت مثل في كلامي اللي فات وقولت أنك تقدر تبلغ البلديه اللي مسئوله عن ازاله التعديات على الرصيف و الشوارعاقتباس:
الاخ kh_talaat : الشارع ملكية عامة ايوة بس يحكمه قانون المرور فى المشى والوقوف ، القانون الجديد يجرم حجز المكان ولكن مين يطبقه
والله لو ربنا أنعم عليا بعماره ( من بقك لباب السما) والقانون الموجود في البلد بيطبق بدون كوسه ولا رشاوي للحي وهو ان أي عماره لازم يبقى تحتها جراج للسكان ساعتها مش هقدر افتح بقي والطمع مش هياكلني وهمتثل للقانون واعمل الجراج لسكان العمارة ( ماهو الحال السايب هو اللي بيعلم السرقه لأصحاب النفوس الضعيفه )اقتباس:
ثم ان حضرتك لو ربنا انعم عليك بعمارة 7 او 9 ادوار تحتها جراج هاتكتب فى العقد ان الجراج ملك المالك ، ثم تقوم بتأجيره من 3 الاف الى 5 فى الشهر ، ساعتها هاتأيد ان المالك حر فى الجراج
أسمحلي اقولك دي سلبيه لا تحمد عليها وطبعا انت حر لكن عايز اقولك انه لو كل واحد في مصر دور على حقه بس دون زيادة محدش هيقدر ولا حتى يفكر أنه يستولي على حقوق الغير لأنه هيبقى عارف انه محدش هيسكتلهاقتباس:
لكن لو حد قاللى ده مكانى هاخرج له علطول وخلوها على الله
طيب انا هحكيلك على موقف تاني كمان عشان أثبتلك كلامي ، كان في محل جزاره على ناصية بيت والدي الجزار كان كل سنه زي دلوقتي كدة قبل عيد الأضحى يقوم قافل الشارع بالعرض وحاطط الخرفان والعجول وعاملها زريبه على اساس انه شارع جانبي متفرع من شارع رئيسي
وفضل على الحال دة 3 سنوات كل سنه يعمل نفس الموقف لغاية العيد ما يخلص والناس اللي ساكنه في الشارع كأنها طيور داجنه ولا حد فتح بقه وكلهم يروحوا يركنه عربياتهم بره عشان طبعا مش هيعرفوا يخشوا الشارع بسبب الخرفان ، لغاية لما في السنه الرابعه والدي مشكورا اتصل بالشرطه وبدون اي واسطه والله تحركت وجت عربيه بوكس وكلمت الجزار وعلى الفور شال الخرفان وحطهم على جنب والشارع إتفتح ومن يومها والجزار كل سنه يجيب الخرفان ويحطهم على جنب من غير ما يسد الشارع 00000 وتوته توته فرغت الحدوته
وكل سنة وانت طيب واعضاء المنتدى بخير 000000 ها جبتم الخروف ولا لسه 000 بيقولوا وصل 1300 جنية السنة دي
اكيد هطلعله هوا ذوقيا ومن حقه انه يجي من برا يلاقي مكان قدام بيته يركن ويطلع
يبقى انصحك يا عزيزي انك لما تيجي تخرج سيب العربيه تحت البيت وروح مشوارك مواصلات احسن ، لأن لو كل الناس فكرت زيك كدة يبقى محدش هيعرف يركن غير تحت بيته بس !!!!!!اقتباس:
اكيد هطلعله هوا ذوقيا ومن حقه انه يجي من برا يلاقي مكان قدام بيته يركن ويطلع
هطلعله علشان انا لما بلاقي حد راكن مكاني بنزله يشيل عربيته حتى لو كان من سكان العمارة معايا
ياخي لابد ان تراعيحق الجار لا تازية باي حال من الاحوال وطلامامعاكعربية شفلها جراش واركنها فية احسن مش هيكلفك اكتر من 60 ج في الشهر بدل وجع الدماغ اكنك فولت مرة العربية
وبعدين امام بيتوا هو حر فية الن لة ملكية في جزء من الشارع وشكرا
راجل ذوق الصراحهاقتباس:
هطلعله علشان انا لما بلاقي حد راكن مكاني بنزله يشيل عربيته حتى لو كان من سكان العمارة معايا