قررت أشتري سبورتاج ٢٠١٦ موصفات شرق أوسط
السلام عليكم
انا قررت أشتري سبورتاچ ٢٠١٦ من سمير ريان موصفات شرق أوسط،
الحكاية بدأت من شهر، قلت أدخل البيت من بابه وأروح التوكيل، وفعلاً حجزت ال ex، كان تمنها ٢٩٠ ولازم أحجز ب ٥٠ والإستلام من ٤ ل ه شهور والسعر عند الإستلام، وانا وافقت
من تلات ايام كلموني، حضرتك السعر زاد ٢٩ الف، إتنرفزت وقلتلهم هخد المقدم وطلعت علي سمير ريان، العربيه الوكيل عليها أوڤر برايس ٢٥ الف قلت، مالها الخليجي، ممكن يا فندم تقولي ال ٢٩٠ الف الحقيرة إللي معيا تجبلي ايه، قالي فئة في الخليجي زي ال ex بس تنقص بصمة، ستارت إنجين، حساسات مطر، مقايض نيكل، مريات ضم وأشرات وتزيد مانع إنزلاق
عجبتني، قلت معلش انا نفسي في suv ومش عجباني التوسون او القاشكاي او الاكس ڤي
ممكن أشتري تأمين، طبعا ممكن ٣ سنين ب ٤٤٠٠
يعني تقفل ٣٠٠ واستلام فوري
هتكل علي الله بعد إستشارتكم أعمل ايه، الشرق أوسط ده مضمون، الضمان إللي هشتريه ده ليه لازمه، سمير ريان محترم
شكراً مقدماً ليكم وآسف علي الأطالة
