روحت النهارده أسأل عن صيانة ال60 ألف قالولي في تغيير سير الكاتينة و دة لوحده بحوالي 200 جنيه غير باقي الصيانات الطبيعية من زيت و فلتر و خلافة. هو دة كده مظبوط ولا السعر كتير؟ مع الشكر
عرض للطباعة
روحت النهارده أسأل عن صيانة ال60 ألف قالولي في تغيير سير الكاتينة و دة لوحده بحوالي 200 جنيه غير باقي الصيانات الطبيعية من زيت و فلتر و خلافة. هو دة كده مظبوط ولا السعر كتير؟ مع الشكر
اسف 2000 جنيه
شباب... محدش غير سير الكاتينة و لا اية؟ ياريت لو في حالة غيرة يقولى و على كام كيلو مترا،
م الشكر
موديل كام ؟
سير الكتينة بيتغير علي 60 الف!!!!!!!!
انا غيرتة في الكورولا علي 120 الف ولقيتة بحالته وكنت حاركبة تاني واغيره علي ال 200 الف بس كنت اشتريت الجديد وقولت بالمره اغيره.
رجاء روح عند ميكانيكي معرفة وخليه يبص علي السير عشان في التوكيل بيعملوا ساعات حركات نصف كم
وبالتوفيق.
معظم التوكيلات بتغيره على 40 الف كم أصلا. بالنسبه للداستر افتح كتالوج العربيه هتلاقى مكتوب انه بيتغير على امتى
بسم الله الرحمن الرحيم
الإخوه الأفاضل
1 - سير الكاتينه الأصلى يتم تغيير بعد 80,000 كم أو بعد 3 سنوات حتى و لو لم تكن السياره قد سارت 1 كم (ما لم يذكر كتيب الإرشادات خلاف ذلك) و لكن للخطور الشديده التى تحدث فى حالة إنقطاع هذا السير فإنه يتم تغييره فى منتصف مدته (معامل أمان عالى)
2 - سير الكاتينه الغير أصلى مهما كان إسمه و صناعته لا يحتمل مثل الأصلى و للأمان يتم تغييره كل 40,000 كم (معامل أمان أقل)
3 - من يريد أن يستخدم سير الكاتينه الأصلى بكامل مدته فـ ليفعل و لكن يعلم أنه بعد 45,000 كم يقل معامل الأمان كلما زاد عدد الكيلومترات حتى يؤول إلى الصفر بالإقتراب من رقم 80,000 كم (يعنى توقع إنقطاعه فى أى لحظه)
4 - من ينوى تغييره عند 40,000 كم أو 45,000 كم فلا يحتاج لقراءة كتيب الإستخدام لأن ذلك العدد من الكيلو مترات آمن للسيور الغير أصليه . . فما ظنك بالسير الأصلى؟
5 - لا أقصد توكيل رينو تحديدآ و لكن بعض التوكيلات تقوم بتركيب قطع غيار أصليه فى حالة عدم توافر قطع الغيار الأصليه و هنا تكمن الخطوره لأنك تتصرف و كأنك تمتلك السير الأصلى و هو ليس كذلك . . . و إذا تجاوزت 45,000 كم بدون تغييره فى الوكيل يخبرك بأنه غير مسؤول عن عدم إلتزامك بالصيانات عنده . . لأنك لو تجرى صياناتك عنده سيطلب تغيير السير عند 90,000 كم
هدى الله الجميع لأرشد أمرهم و أقومه
السلام عليكم ورحمة الله و بركاته
شكرًا جدا على الإفادة من الجميع، هى فعلا العربية شغالة من ابريل ٢٠١٢ و عاملة ٦٠ الف يعنى اعتقد بحساب الكيلو مترات او بحساب السنين لازم يتغير، لكن كان السؤال لملاك الداستر القدامى و إللى شجعونى شخصيا على شراء الداستر و أكيد غيروا السير (هو فعلا ب ٢٠٠٠ جنية؟) لانى بأتعامل فى الغردقة و دة مركز معتمد مش التوكيل، هل دة برضو السعر فى توكيل القاهرة ولا هما مزودينها حبتين؟
دة طبعا غير باقى الصيانات من زيت و فلاتر و خلافة.
مع الشكر