الموضوع: التحكم في ارتفاع الطارة ..

السلام عليكم ورحمة الله وبركاته ..
سؤال غريب شوية معلش ..
عربيتي جديدة وعايز أخلي في تحكم في ارتفاع الطارة بحيث أني اقدر اقرب الطارة او ابعدها مني ..
هيا الطارة ممكن تطلع لفوق ولتحت على نفس المستوى
أنا عايزها تقرب وتبعد .. طبعا ده هيكون عن طريق التحكم في طول العمود اللي شايل الطارة ..
حد يعرف الموضوع ده ممكن يتعمل فين ويتكلف كام ؟
لأني مش بعمله لهدف الرفاهية ولكن لأني طويل والطارة بعيدة عن إيدي ف بتتعب لي رقبتي بعد ربع ساعة من السواقة .. ولما بقرب الكرسي بتاعي من الطارة رقبتي بترتاح لكن ركبتي بتبقى متنيه جدا ف بتتبعني .. وأنا أصلا عندي غضروف قطني ف مش عايز أزود عليه مشاكل تانية ..
آسف على الإطالة .. واتمنى لو حد يفيدني في موضوع التحكم في طول عمود الطارة أعمله فين ويبقى كويس ..
وشكرا ..