نصيحتكم في شراء سيارة ابيزا 99

**EGY_MAD** · 13-05-2016 12:11 PM

السلام عليكم

اولا احب اشكر هذا المنتدي الرائع عموما وخصوصا قسم السيات

بفضل شرحكم لمميزات وعيوب العربيات السيات والمقارنات بينها وبين نفس الفئة السعرية وخصوصا ان دا من خلال تجارب شخصية لكم فدا شجعني اني اشتري عربية منها

لكن نظرا لان خبرتي لا تقارن خبرتكم فأرجو الرد السريع عليا
انا من كفرالشيخ
ودي تعتبر مشكلة لان عدد العربيات السيات في كفرالشيخ محدود الي حد ما يعني حركة البيع والشراء ضعيفة بجانب الصيانة برغم ناس عندهم السيات قالوا في صنايعية هنا بتفهم فيها كويس

المهم انا دورت علي العربيات دي ولفت نظري عربية موديل 99 قولت اخد راي صاحبها اشتري من النوع دا ولا لأ
الراجل شكر فيها وقالي انه ناوي يبيع وقالي ان عربيته محتاجة شوية شغل في الموتور وقال الافضل تغيره وكمان كاوتش وشوية شغل سمكرة لكن لسة مشوفتش حد يكشف عليها
المهم الراجل ماعندوش مانع ان العربية تتسعر ومن ناحيته شوية كمان مقابل العطلة وتعبي في صيانتها

انا بقي محتاج نصيحتكم

اشتريها ولا لأ ؟
السعر المناسب لها بين كم وكم ؟ (علما ان صاحبها بهدلها شوية وصيانته مش دورية ولا منتظمة _ طبيعته الشخصية مع الألات _) يعني ممكن اكتشف حاجات في الصيانة غير اللي قال عليه
ولو اشتريتها اصينها فين ؟ الحرفيين ولا المنصورة ولا اسكندرية ولا هنا في كفرالشيخ واعرف الورش الكويسة ازاي من غير ما يكون بيفتي
بما اني هاغير الموتور اي رأيكم اخليه اتوماتيك ؟(في حد نصحني قالي بلاش تغير في العربية خليك علي حاله المصنع زي ما صممها _ وحد تاني قالي انت كدا بتخلي العربية مريحة وافضل ومطلوبه اكتر)

معلش طولت عليكم بس دي اول عربية شخصية لأخوكم بعد ماتريكس للبيت كله

**ahmed.biso13** · 13-05-2016 09:27 PM

نصحيتى لا تشترى هذه السيارة لانك هتصرف عليها كتير والعربية متبهدلة
وانت بتقول فيها شغل سمكرةودكو وتغير ماتور
انا راى اشترى التمبرا عربيةعائلية وقطع غيار مالية الدنيا مستعمل فى عزبة شلبى بمسطرد القاهرة
والجديد بالتوفيقية برمسيس وكل الميكانيكية بيشتغلوا فيها
واهم حاجة تكون حالتها كويسة وابعد عن عربيات اسكندرية لان المياه المالحة والامطار بتكون وكلاها
واشترى التمبرا من موديل 90 الى 96 ايطالى لانها الصاج اللى فيها مجلفن ومعالج ضد الصدا والبارومة وابعد عن الموديل المصرىما بعد هذا الموديل
واشترى العربيةوخد معاك ميكانيكى وسمكرى يبصوا على العربية بالنهار
وتكون فيها كماليات بتكيف الخ.........................

**EGY_MAD** · 14-05-2016 03:08 AM

بشكر حضرتك علي الرد

طيب والتمبرا بيكون سعرها كم تقريبا

**EGY_MAD** · 14-05-2016 03:50 AM

هو الراجل صاحبها كان محترم لدرجة كبيرة
لانه قالي ان الصيانه كأنها عليه
يعني العربية حاله كويسة مثلا بألف جنيه ودي محتاجة شغل ب 200 جنيه علشان تكون كويسة يبقي العربية تقف عليا 750 مثلا
وان شاء الله بشوف سمكري يشوفها
لكن معدل السعر كم
وانا كنت حابب اركب عربية اتوماتيك مع العلم اني بسوق مانيوال فهل ينفع اركب موتور وفتيس اتوماتيك بأقل تكاليف دون مايكون يعيب العربية ولا ايه رأيكم يأهل الخبرة

**ahmed.biso13** · 14-05-2016 10:55 PM

التمبر الكويسة تبدا من 33 الى 35 ومكيفة اقل من كده لا
بمعنى 25 الى 30 لالالالالالالالالالالالال الالا
وموديل 90 الى 96 اوكيه بعد96 الى 99 لا لانها مصرى والصاج بتاعها عادى
ف نصيحة ماتخدش عربية متبهدلهة وتصرف عليها كتير او تحاول التعديل طالما انها مشية معاك كويس
بمعنى اكتر من مصايف الصيانة بتعاتها لا
وفى حاجة شغل السمكرة الكتيربيقلل من ثمن العربية سواء ع البارد اوحموات عشان كده الراجل صاحبها عاوز يخلص ويشوف حاجةكويسة فى السوق ماتهنتش
وعلى راى فواد المهندس مش كده ولا ايه