لو سمحتم اللي معاه ابيزا 94 يساعدني سؤال بسيط متبخلش بالمعلومة

**mhsm87** · 14-05-2016 04:35 AM

لو سمحتم ممكن حد يقولي تدريج مؤشر الحرارة بتاع ابيزا 94 كل شرطة بتدل على حرارة كام
و الطبيعي تكون عند كام

و لو هجيب ترموستات تشغل المروحة عند حرارة كام و تفصل عند كام
يا ريت بالله عليك ياللي هتدخل تشوف الموضوع لو عندك اجابة يا ريت تفدني

المنتدى بقى ناايم خالص و كل اللي بيكتب سؤال محدش بيرد عليه زي الاول

يا ريت يا جماعة متدخلش تشوف الموضوع و تخرج من غير ماتجاوبني على سؤالي لو عندك اجابة
العربية لسة شاريها و دي اول عربية ليا
جزاكم الله خير

**mhsm87** · 15-05-2016 03:03 AM

اللي انا متوقعه حصل
عدد مشاهدات كتير و مفيش ولا رد ؟؟؟؟؟؟؟؟

شكرا ...

**sam_eh420** · 15-05-2016 08:51 AM

الثرموستات اللي بتشتريه تقريبا 80 وعموما لو الثرموستات بتاعك بايظ فكه وهات زيه . انا عندي المروحة بتشتغل وبتفصل اول ما المؤشر يقرب من اول تدريجة علي الشمال ولو عدي التدريج الاول ووصل للتدريج التاني يبقي العربية سخنه وبقف واشوف العربية فيها اية وسعات كتيير بلاقي الثرموستات اتحرق وكنت بشغل المروحة مباشرتا ودلوقتي روحت عند الكهربائي عملي زرار اول ما المروحة تشتغل الزرار ينور ولو العربية سخنت والمروحة ما اشتغلتش ببص علي زرار المروحة لو مش منور اعرف ان المروحة مش شغاله وأ شغله يدوي من زرار في التابلوه.

**sala7** · 15-05-2016 01:37 PM

المشاركة الأصلية كتبت بواسطة sam_eh420

الثرموستات اللي بتشتريه تقريبا 80 وعموما لو الثرموستات بتاعك بايظ فكه وهات زيه . انا عندي المروحة بتشتغل وبتفصل اول ما المؤشر يقرب من اول تدريجة علي الشمال ولو عدي التدريج الاول ووصل للتدريج التاني يبقي العربية سخنه وبقف واشوف العربية فيها اية وسعات كتيير بلاقي الثرموستات اتحرق وكنت بشغل المروحة مباشرتا ودلوقتي روحت عند الكهربائي عملي زرار اول ما المروحة تشتغل الزرار ينور ولو العربية سخنت والمروحة ما اشتغلتش ببص علي زرار المروحة لو مش منور اعرف ان المروحة مش شغاله وأ شغله يدوي من زرار في التابلوه.

ثرمو 87

**ViLMoS** · 31-05-2016 08:52 PM

المشاركة الأصلية كتبت بواسطة mhsm87

لو سمحتم ممكن حد يقولي تدريج مؤشر الحرارة بتاع ابيزا 94 كل شرطة بتدل على حرارة كام
و الطبيعي تكون عند كام

و لو هجيب ترموستات تشغل المروحة عند حرارة كام و تفصل عند كام
يا ريت بالله عليك ياللي هتدخل تشوف الموضوع لو عندك اجابة يا ريت تفدني

المنتدى بقى ناايم خالص و كل اللي بيكتب سؤال محدش بيرد عليه زي الاول

يا ريت يا جماعة متدخلش تشوف الموضوع و تخرج من غير ماتجاوبني على سؤالي لو عندك اجابة
العربية لسة شاريها و دي اول عربية ليا
جزاكم الله خير

اولا الثرموستات بتشتغل عند 84 السرعة الاولي والالسرعة الثانية بتشتغل عند 92 ودة عند تشغيل التكييف او لاقدر الله العربية سخنت
ثانيا عشان تحل مشكلة ان العربية تسخن لغاية ما ثرموستات الريداتير تضرب هتروح لكهربائي هتخليه يعملك المروحة علي كتاوت ويكون كتاوت محترم زي البوش ال 50 امبير وهتركب عليه فيوز علشان لما الجو بيكون حر او بتكون بتجري وبتحرق بالعربية المروحة بتفضل شغالة فترة كبيرة علشان تقدر تبرد وده طبعا بيضغط علي دورة الكهربا بتاعة المروحة فاول حاجة بتضرب الثرموستات لان مفيش حاجة اضعف منه الكهربا تخرج منها
انا عن نفسي انا اللي مركب الكتاوت والفيوز لعربيتي والتجربة نجحت الحمد لله

ثالثا مؤشر الحرارة الشرطة الاولي علي الشمال دي عند 70 درجة والشرطة اللي في النص 90 والدرجة اللي علي اليمين 110 وفي اي حال من الاحوال متخليش المؤشر يعدي للنص لان العربية بتاعتنا للاسف مش بتحب الحرارة وكمان لما الموتور بيتعمله وش سلندر او طقم شنبر عمره ما هيرجع زي الاول وهيكرهك في العربية

ارجو اني اكون افدتك في اللي انت كنت بتسال فيه