المفروض نضبط هواء الاطارات فى الحر ده على كام
سؤال عن عربية 320i e90
الجنط 16 رن فلات
ارجو الافادة لان بتاع العجل خلى الامامى 30 و الخلفى 32 هل كده صح؟
عرض للطباعة
المفروض نضبط هواء الاطارات فى الحر ده على كام
سؤال عن عربية 320i e90
الجنط 16 رن فلات
ارجو الافادة لان بتاع العجل خلى الامامى 30 و الخلفى 32 هل كده صح؟
والله اعلم ...
اول مره اسمع ان ضغط الاطارات الامامي يختلف عن الخلفي ..
اللي اعرفه الاربعه فرد علي 30 مثلا او علي 32 .
في العموم ... داخل المدينه بيكون الضغط علي 30 بدون احمال زائده (الحموله العاديه) ... اما لو مسافر وفي ناس كتير هتركب و الشنطه مليانه بيكون الضغط المناسب 32 .
ضغط الصيف هو نفسه ضغط الشتا.. مفيش فرق.
ولو كان فيه فرق كانوا قالوا عليه في كتالوج العربية أو تلاقيه مكتوب على القايم.
ارجع للكتالوج أو للقيم المكتوبة على القايم جنب الكرسي السائق...
والضبط تعمله على البارد قبل ما تتحرك بالعربية أو ما تكونش العربية مشيت مسافة طويلة أكتر من 1.5 كيلومتر....
ولو مشيت أكتر من كده.. ابقى زود الضغط حوالي 3 psi ... يعني لو الكاوتش بيتظبط على 30 على البارد.. ابقى اضبطه على 33 لو كنت مشيت بالعربية مسافة طويلة شوية.
...
اضبط الكاوتش على 27 او 25فى الصيف لان حرارة الاسفلت فى الصيف بتكون عالية فالكاوتش بيكون ضغط الهواء عالى ويزيد فى نفس الوقت من حرارة التيل الامامى
وعلى 30 او32 فى الشتاء عشان الرطوبة بتقلل من الضغط الهواء وبالتالى تيل الفرامل بيكون بارد وما بيسخنش بسهولة
للأسف الشديد... اللي حضرتك بتقوله ده خطأ شائع... الضغط ما لوش دعوة بكمية الهوا اللي جوه الكاوتش
باختصار.. الناس ملخبطة بين ضغط الهوا وكمية الهوا
الضغط هو مقياس للقوة اللي بتقاوم وزن العربية على فردة الكاوتش... والقوة دي ممكن تحصل عليها بأي كمية هوا بس الموضوع له علاقة بدرجة الحرارة أساسا بسبب طبيعة تمدد الغازات مع الحرارة..
جرب تجيب بلونة وتنفخها بالهوا... وبعدين حطها في جو ساخن.. هتلاقي البلونة تمددت ..لإن البلونة مرنة فبتكبر.. بس الضغط ثابت
لو عايز ترجع البلونة لنفس حجمها الأولاني لازم تفضي شوية هوا.. بس بردو الضغط ثابت...
والعكس صحيح..
تخيل بقى نفس الوضع ده بس في أنبوبة غاز مثلا... الحجم هنا ثابت...
فلو كان الضغط في الجو البارد 30 مثلا وجيت نقلت الأنبوبة في جو سخن.. فاللي هيحصل إن الهوا هيتمدد ... بس حجم الأنبوبة ثابت وبالتالي الضغط هيرتفع..
في الحالة دي علشان ترجع الضغط زي الأول لازم تفضي شوية هوا
والعكس بردو صحيح..
ملخص الكلام... الضغط صيف شتا لازم يبقى ثابت... واللي بيتغير هو كمية الهوا جوه الكاوتش.
...
موضوع رائع ... فكرتنا بالزمن الجميل :)
ده المختصر المفيد ... بس احب ازود حاجة صغيرة .... ان فردة الكاوتش بتكبر و حجمها بيتغير .... يعنى ممكن تعتبرها زى البلونة
كان فيه قانون اسمه القانون العام للغازات على ما اذكر ... PV=nRT ..... ياااااه يا عبد الصمد ... كويس اوى انى لسة فاكر :)
الله يكرمك يابوحميد... نعمل إيه بس ماهو لازم نبسطها علشان توصل.
وأنا معاك طبعا إن الكاوتش حجمه بيتغير... بس أكيد مش بنفس معدل البلونة العادية... يعني تقدر تعتبر معدل التمدد قيمة صغيرة وممكن تهملها.
الفكرة اللي بتدور في دماغي بقالها فترة... لو حبيت اضبط الاستبن على قيمة الضغط البارد المكتوبة في القايم... لما نيجي نركبها ساعة الحاجة.. مش كده الضغط الفعلي بيعلى؟؟؟ على أساس إن وزن العربية بيضغط على الفردة والحجم الفعلي المتاح للهوا جوا الكاوتش بيقل.
...
ربنا يكرمك :)
وجهة نظرى الشخصية ( و انا مش متأكد منها حتى الان ) .. حضرتك لازم تربط ضغط الاطار و الحجم الى حيكون عليه الاطار عند الضغط ده ... و ده بالطبع و العجلة راكبة فى العربية ... بمعنى اخر ...
الضغط جوة اطار مثلا ... 20 psi .... لما حضرتك حتركب العجلة دى ... الضغط حيختلف نتيجة ان الاطار حيعرض من تحت شوية نتيجة وزن العربية .... و ده حيرفع الضغط فيه شوية بما يتناسب مع وزن العربية
طيب لو الفردة دى كانت منفوخة على 50 .... لو ركبتها مش حيحصلها اى انبعاج ... و بالتالى الضغط فيها حيفضل ثابت ... علشان الضغط الى جواها اكبر من وزن العربية ( عبارة مجازية )
العجلة ضغطها بيختلف لما بتتركب غير لما بتكون استبن ... انا بعتبر ان ضغطها و هى استبن مش مهم بالنسبة لى .. المهم جدا هو ضغطها و هى راكبة
و التجربة خير برهان ... ممكن حضرتك تجرب تعمل الموضوع ده فعلا و نشوف النتيجة
انا لو افتكرت ... و راح منى الزهايمر ... حجرب الموضوع ده ان شاء الله
زياده ضغط الاطار عن المسوح بيزيد من تاكل الاطام من الوسط
قله ضغط الاطار عن المسوح بيزيد من تاكل الاطار من الاطراف
الطبيعى:
زى مقال الاعضاء صيف شتاء نفس الضغط زى مالكتاب بيقول او مكتوب على القايم او على باب تنك البنزين
فى حالات خاصه لو محمل بتزود الضغط وبردو زى مالكتاب بيقول
او لو هتمشى فصحراء (رمال) ومش عايز العربيه تغرز - بتقلل الضغط وطبعا بيتقلل السرعه معاها