السلام عليكم ورحمة الله
أنا عايز أعرف بعد إذنكوا سعر جمرك سيارة بيجو 508 موديل 2014 كاملة بالشاشة 1600 (Allure)تيربو أول مالك
يكون كام ؟
مع الشكر
عرض للطباعة
السلام عليكم ورحمة الله
أنا عايز أعرف بعد إذنكوا سعر جمرك سيارة بيجو 508 موديل 2014 كاملة بالشاشة 1600 (Allure)تيربو أول مالك
يكون كام ؟
مع الشكر
متابع باهتمام
السعر المكتوب في الفاتوره كام وتاريخ الشراء شهر كام واحاول احسبهالك بالتقريب
السعر في الفاتورة 106 ألف ريال
تاريخ الشراء شهر 7/ 2014
106.000 * 2.44 = 258.640
يضاف ليهم مصاريف الشحن والتفريغ والنولون ( اللى معرفش هما كام بصراحه )
نقول مثلا 270 الف جنيه ممكن اقل ممكن أكتر
270.000 عليهم خصم إستعمال سنتين ، اول سنه ب 27 الف وكل سنه بعد كدا ب 13.5 الف
إجمالي السعر بعد الخصم 270.000 - 27.000 - 13.500 = 229.500 قول 230 الف هو دا المبلغ اللى هايتدفع عليه الجمرك
230.000 * 40 % = 92.000
230.000 + 92.000 = 322.000 * 15 % = 48.300
322.000 + 48.300 = 370.300 * 3 % = 11.109
إجمالي الجمارك 92.000 + 48.300 + 11.109 = 151.409 جنيه
دا غير قصة الأوبشنز معنديش فكره بصراحه بيحسبوها ازاى
لو هاتنزلها بعد 1 أكتوبر الجاى هاتفرق معاك في حاجه بسيطه ، هاتحسب نفس الحسبه بس على 216 الف بدل 230
هايبقى الجمرك حوالى 142.192 جنيه
شكرا ليك بس هي ليه الحسبة على السعر اللي أنا شاري بيه ؟ مش على قيمة السيارة سيف ؟؟؟؟
السؤال هنا هيتحاسب علي انها 1600 والا التربو هيرفع الفئه
السلام عليكم
كان عندى ملحوظة احب اشارك بيها
1 اكتوبر بداية السنه الجمركية الجديدة يعني لو انت اشتريت عربية موديل السنه و سجلتها بعد ا اكتوبر مينفعش تنزل مص لانها بقتش متسجله في نفس سنه الصنع
انما بقى لو انت منزل عربية السنه تخفيض في تمن العربية بتبتدي من 1 يناير انما لو نزلتها في اكتوبر مش حيحسبولك سنه استخدام
تربو او مش تربو مش فارقه
المهم السعر المكتوب في الفاتوره
وطبعا الاوبشنز ودى ماعرفش بتتقدر ازاى
اللى اعرفه ان التخفيض بيبقى كل أول أكتوبر ، يعنى لو اشتريت عربيه 2016 في شهر 9 الجاى ونزلتها في 10 يتطبق عليها تخفيض 10 %
أشكرك على الاهتمام بس هل معقول إن جمرك بيجو 2014 يوصل 150 ألف في حين إن بي إم 316i كاملة 2016 جمركها 130 ؟؟؟
اللى مغلى الجمرك ان سعر الريال على في مصر
لو كان الريال ب 2 جنيه و 1.5 زى من كام سنه كان هايفرق كتير
تخيل بدل ماتحسب الجمارك على سعر 270 الف تحسبها على 170 الف ، فرق شاسع
وبعدين مين قال ان جمرك ال 316 كامله 130 الف ؟!! مستحيل
شوف حضرتك الموضوع دا تجربه لزميل لنا في المنتدى منزل 316 موديل 2015 من حوالى سنه ونص أيام ما كان الريال ب 2.05
http://www.nilemotors.net/Nile/455377-bm-316-a.html
ودفع جمرك 170 الف وكمان العربيه كانت نازله باسم تاجر مش بإسمه ، لو كان نزلها بإسمه كانت هاتوصل 195 الف
ممكن يكون الفرق دا عشان جايبها رخيصه مثلا
صاحب العربيه في الموضوع اللى قولتلك عليه كان جايب العربيه ب 130 الف ريال عشان فيها اوبشنز اكتر
غالبا العربيه اللى اتدفع فيها 138 الف جنيه دى ارخص
والله اعلم برضه اكيد بتوع التخليص دول ليهم سككهم
حضرتك مجربتش تسألهم على عربيتك لو عايز تنزلها ؟
سألت قالي تقريبا 85 ألف بس هو مانزلش زيها قبل كده
وسألته على موضوع حساب السعر على أصل الفاتورة قالي برضه لأ لأن مكمن اجيب فاتورة بأقل من كده بكثير
معلش يا أستاذ حسام الموضوع شاغل بالي جدا ومخليني محتار
مبدأيا اللى قاللك 85 الف دا اكيد يقصد عربيه تانيه
دا سؤال من يومين على نفس الصفحه
http://nileup.com/up/uploads/nilemotors_14635881321.jpg
ونفس الصفحه بتقولك عشان تحسب الجمرك بنفسك تضرب سعر العربيه بالجنيه في 66 % يعنى حوالى 170 الف ، دا غير الشحن والمصاريف
وآدي سؤال ثاني وسعر تاني خالص بس ديه نفس مواصفات عربيتي :
http://www2.0zz0.com/2016/05/19/07/913801468.png
الحمد لله تم تخليص الجمرك بقيمة 96500 جنيه وبدون فاتورة الشراء
الشحن تم مع شركة هنا ب 5000 ريال
التعامل هناك كان عن طريق مكتب بتوكيل للوالد
الجمرك 96500 جنيه
مصاريف تفريغ 750 جنيه
أرضية 480 جنيه
طفاية معرفش ليه اجباري مع ان عندي 120 جنيه
كشف مفرقعات معرفش بتاع إيه 120 جنيه
بس خلاص
والله يا أستاذ حسام أنا عن نفسي مش عارف
أنا اللي راخ استلم والدي بتوكيل عام مني لأني لسه مانزلتش مصر
وكنت باعت معاه ضعف مبلغ الجمرك أساسا لأن كل اللي سألته قالي مش هتقل بأي حال من الأحوال عن 140 ألف جنيه
والغريب إن اختها من كام يوم موديل 2012 يعني كمان نسبة خصمه أكثر مني دافع 104 ألف
فانا أول ما الوالد قالي المبلغ استغربت بس قلت الحمد لله وطبعا مستحيل ارجع لهم تاني أسال هما حسبوها ازاي :)
ومن وجهة نظري موضوع الفاتورة ده هو اللي فرق لأنه كله كان بيحسب على سعر الفاتورة مش سعر العربية سيف اللي هو المفروض سعرها بدون مكسب الوكيل اللي أنت شاري منه
عامة للي عايز يستفيد من التجربة ماطلعش الفاتورة وبياخدوا بل عنها أول تأمين للعربية أو الرخصة الصلية