أنا استلمت جاك s2 من القصراوي السودان تقسيط من مباشر .
أنا تحت أمركم لو في حد عنده أي سؤال
عرض للطباعة
أنا استلمت جاك s2 من القصراوي السودان تقسيط من مباشر .
أنا تحت أمركم لو في حد عنده أي سؤال
مليون مبروك ربنا يبارك لك فيها
الف مبروك
نظام التقسيط ايه ضروري
المقدم الفائده عدد السنين
وربنا يباركلك فيها
ربنا يبارك فيها ويديك خيرها ويكفيك شر الطريق يارب
العربية لسة مستلمها امبارح فبحاول أقول انطباعات أولية
أنا عندي سكودا رومستر و دايهاتسو سريون بقارن بهم
الموتور صوته واطي و عزمه كويس . الطلعة على الأول بطيئة شوية لكن بتشد بعد كدة و ممكن تبقى أحسن بعد صيانة الالف والله أعلم
أنا أول مرة أسوق فتيس cvt و ماعجبنيش أوي. هو صوته ناعم و متحسش بالنقلات لكن مش موصل عزم الموتور كويس للعجل. لكن برضه اداؤه مش وحش خالص
الفرامل شكلها أحسن من السكودا و أقل شوية من السريون . هجرب أكتر واقولكم.
لسة ما ممشتش على سرعة علشان أجرب الثبات لكن مش باين أي مشكلة في الناحية دي.
التكييف ماشاء الله زي الفل و أحسن من السكودا و السريون.
العربية تقفلها نظيف و تستاهل تمنها إن شاء الله
123000
36000 downpayment
2800 monthly including insurance for 4 years