الحقونى ياجماعة عربيتى قرعة!!!!

**MomoMedo** · 03-12-2008 02:20 AM

بس يا جماعة قانون المرور الجديد مجبش سيرة الملصقات خالص؟

**Ahmed Samy** · 03-12-2008 02:48 AM

قرعة قرعة

بس رخصي في جيبي

**AshTurbo** · 03-12-2008 03:33 AM

بس يا جماعة قانون المرور الجديد مجبش سيرة الملصقات خالص؟

أي ملصقات على العربية سواء على جسم العربية أو الزجاج مخالفة وبالذات الزجاج سواء فيميه أو شماسات وطبعاً أكتر حاجة بتلفت أنتباه الظباط الشماسات فبلاش منها نصيحه لأن كنت ماشي بالعربية مفيم كله دارك بلاك وحاطط شماسات ستيكر كبيرة لوجو وستيكرات على العتب والأسبويلر مش على جسم السيارة الأساسي واللي لفت أنتباه الظابط الشماسة بت الحلال وأستيكر السبويلر فدفعت غرامة زجاج ملون وملصقات فالأتنين مخالفة 100 % .

**ZAKI32** · 03-12-2008 03:49 AM

امبارح كنت ماشى فى شارع الجناين بالعربية عندنا فى الزقازيق.

وكان ماشى ادامى عربية كريم الجولف النبيتى عربية جامدة ولها صور على موقع توضيب.

عينك ماتشوف الا النور لقيت الزجاج الخلفى للعربية الجولف واحد مفرتك الفامية.

قلت الله الكماين شكلها وجبت معاه جامد والزجاج شكلة زى الزفت والفامية متقطع.

_فى يوم تانى كنت ماشى انا وابويا على طريق بلبيس كان فى كمين معفن واقف . وقفنى وبيسأل على المساحة الامامية . وانا كنت شايل واحدة لانها بايظة .

لقيته بيقولى رخص قلتله ( نعم ياجميل ) بيقولى رخصك قلتله ( نعم يانجم )

قلتله سيادة اللواء ........... جانبى اهو .

قالى طيب مع الف الف سلامة.

قلت فى سرى يابلد بنت .........

ابويا بيقولى بتقول اية .

قلتله مساء الفل ياحاج

ههههههههههههههههههه

**MomoMedo** · 03-12-2008 07:01 PM

حكاية سيادة اللواء دي اشتغالة ولا بجد؟

**شاهين - بنز** · 03-12-2008 08:34 PM

معلش ياجماعة لكني حوافق المرور المرادي في الموضوع ده عشان الشكل الحضاري للبلد ويايريت الموضوع ده يطبق على الميكروباص والتكاسي إللي قالبين عرباتهم مولد بالإستكيرات الكتييييييرة

**ZAKI32** · 04-12-2008 01:02 AM

المشاركة الأصلية كتبت بواسطة MomoMedo

حكاية سيادة اللواء دي اشتغالة ولا بجد؟

والله ياباشا . والدى فعلا خارج من الخدمة من سنة 86 على رتبة لواء

وحارب 67 و73 وواخد نوط الشجاعة العسكرى من الرئيس جمال عبد الناصر .

_حضحكك خرج من الخدمة وخلفنى على طول انا اصغر اخواتى.

هههههههه. اخر العنقود

**MohaMed_Refaat** · 04-12-2008 05:21 AM

بوص انت ممكن تلعب على الحجات المضمونة اللى بينفضوا عليها ممكن تجنط مثلا جنوط حلوة تنطق العربية معاك وممكن تركب زوايد رابرر اللى هى كساحات يعنى بس تكون حاجة رقيقة علشان موش تلفت انتابهم ومتخليش شكل العربية وحش معاك وممكن تفيم الفوانبس اللى ورا لون احمر وتفصلك فرش حلو لونة روش ينطق العربية معاك يعنى ممكن تفصل فرش احمر * ابيض لون العربية يبقى طلقة الحجات الخفيفة دية شجعان المرور موش بيخدوا بالهم منها انما حكاية الفامية والاستيكرات دية هما الحجات دية بتعفرطهم تعفريط .

**ZAKI32** · 04-12-2008 05:44 AM

المشاركة الأصلية كتبت بواسطة mooody2007

بوص انت ممكن تلعب على الحجات المضمونة اللى بينفضوا عليها ممكن تجنط مثلا جنوط حلوة تنطق العربية معاك وممكن تركب زوايد رابرر اللى هى كساحات يعنى بس تكون حاجة رقيقة علشان موش تلفت انتابهم ومتخليش شكل العربية وحش معاك وممكن تفيم الفوانبس اللى ورا لون احمر وتفصلك فرش حلو لونة روش ينطق العربية معاك يعنى ممكن تفصل فرش احمر * ابيض لون العربية يبقى طلقة الحجات الخفيفة دية شجعان المرور موش بيخدوا بالهم منها انما حكاية الفامية والاستيكرات دية هما الحجات دية بتعفرطهم تعفريط .

والنبى انت راجل مية مية . لان اللى معاهم 32 دماغهم عالية اوى.

والله اجدع عربيتين يتظبطوا فى مصر 32 و 28