السلام عليكم ورحمة الله وبركاته
فى البداية تم إختبار الدائرة كلها ( المواسير والوصلات والسربنتينة ) والحمد لله كويسين و مفيش فيهم تسريب
تم شحن الفريون والتكييف كان كويس جدا إلا أنه وبعد مرور يومين التكييف مش بيبرد خالص.
فنى التكييف بيقولى كده الكمبروسور هو اللى بيسرب ، ومفيش اى طريقه اننا نعرف الكمبروسور بيسرب ولا لأ إلا بأننا نحله ونعمله طاقم صيانة يتكلف 700 جنيه تقريبا ( ده لو كان قابل للإصلاح ) ولو مش قابل للإصلاح نشوف واحد إستعمال !!!!
سألته طب إزاى إنت قررت إن الكمبروسور هو اللى فيه العيب ؟؟ مش ممكن يكون فى مكان تانى ؟؟؟ قالى لا طالما إختبرنا الدائرة وكانت كويسه يبقى العيب فى الكمبروسور
يعنى أنا ممكن أدفع 700 جنيه طاقم إصلاح ويكون أصلاً الكمبروسور سليم !!!!
هل الكلام ده مظبوط ؟؟؟ مفيش طريقة أقدر أعرف بيها الفريون بيروح فين ؟؟
مفيش طريقة لإختبار مدى كفاءة الكمبروسور غير أنى أفكه وأعمل طاقم الصيانة ده ؟؟ من غير حتى ما أتأكد أنه فعلا هو اللى فيه المشكله ؟؟