-
تفتكروا هيكلف كام
الموضوع من العنوان احب اعرف أرائكم حولين تكلفة سمكرة العربية فالتوكيل بس مش صاج ودهانات .انا عندى شغل فى فردة السلاح اليمين محتاج يتعدل
طبعا الناس هتسأل ليه محتاج يتعدل
المشكلة انى اشتريت العربيه ولما روحت اظبط الزوايا الراجل طلعها شرك قالى انزل يا بيه وشوف بنفسك ايه ده ايه العك ده مينفعش اشتغل انا بالشكل ده روح لسمكرى خليه يظبطها
هى ببساطة كان فى قطع فى جسم العربيه المنطقة اللى بيركب فيها المقص اليمين دى مقطوعه وملحومة بشكل غلط فعملت فرق فزوايا العجل
روحت للسمكرى ويا ريتنى ما روحت بدل ما يكحلها عماها بدل ما يفك اللحام القديم ويلحمها صح
راح فضل يسخن على السلاح ويشده عكس اللحام الاول وبكدة فردة السلاح باظت وطبعا ابعاد العربية اختلفت
انا هروح التوكيل عشان اظبها عشان دول عندهم المقاسات بالمظبوط
حبيت بس اعرف فى وجة نظركم القصه دى تكلف كام
-
قبل ماتروح للتوكيل روح لسميرعلى فى اول شارع بالحرفين
وهناك استعدال عل البارد وهناك بالنار
انا فى وجهة نظرى بعد العك الاولانى والتانى من 1500لى 2500
-
Content Relevant URLs by
vBSEO 3.6.0 PL2