السلام عليكم ياجماعه انا قررت اشتري سيارة
كيا ريو هاتشباك مستعملة وادامي سيارة
عدد الكيلومترات بتاعتها 65 الف
وسيارة 16 الف
والفرق فى السعر مش كبير بس انا ميال للون الى عدادها 65 الف ياريت حد يفيدني وينصحني
ويقولي اعمل ايه عشان انا محتار وخايف انخدع
السلام عليكم ياجماعه انا قررت اشتري سيارة
كيا ريو هاتشباك مستعملة وادامي سيارة
عدد الكيلومترات بتاعتها 65 الف
وسيارة 16 الف
والفرق فى السعر مش كبير بس انا ميال للون الى عدادها 65 الف ياريت حد يفيدني وينصحني
ويقولي اعمل ايه عشان انا محتار وخايف انخدع
سيبك من اللون
قارن بين حالة العربيتين لو الاتنين زى بعض يبقى بص على ال ك متر بعدين الكماليات واخيرا اللون
كيا ريو موديل كام ياريت توضح تفاصيل اكتر العربيه مو كام نوع ايه بلاش الرموزدى علشان تستفيد من الزملاء
فى واحده حاليا ماشية 30 الف موديل 2015 ب 140 الف
والتانيه ماشية 80 الف موديل 2013 ب 127 الف
والبايعين مخلصين الصيانة للاخر مظبوط حسب كلامهم يعني صيانة العربية تمام فى الاتنين
اختار انهي فيهم؟؟؟؟
والاتنين جميع الكماليات مع فرق فى ان الى ماشيه 80 الف استعمال حريمي ولونها ابيض ومفهوش اي خدوش ومغيرلها فرش جلد وضايف 2 دي في دي فى المخادع
والى ماشيه 30 الف لونها اسود وتعتبر برضه حالتها محترمه مفهاش خدوش
اتوكل علي الله في الاولي اللي ماشية 30 الف
بس حاول تهز السعر شوية
مبروك مقدما
كل احترامى ليكم بس 140 الف مبلغ كبير ويخليك تركب زيرو يبقى ليه اركب مستعمل طالمه معايه اركب عربيه انا اول واحد استخدمها وبعد 5 سنين لما تزهق منها بعها نصيحه اركب زيرو ربنا يوفقك
اقتباس:
المشاركة الأصلية كتبت بواسطة bluemail
اهز السعر ده عارضها اصلا ب 144 انت تعرف دلوقتي بيعرضو الريو على 150 بسبب الاسعار والدولار حتى بتوع المستعمل بيهيصو ويغلو هما كمان بس انت ليه قولتلي على الى ماشيه 30 الف
اقتباس:
المشاركة الأصلية كتبت بواسطة mohamed desoky
الزيرو على فكرة ملهوش قيمة ولو انا نفذت كلامك وجبت حاجه ب 140 زيرو يبقى هركب عربية اقل فى الامكانيات اوعا تفكر فى موضوع الزيرو ده وتفتكره له الافضلية
كلامك مظبوط المستعمل احسن من الزيرو ربنا يوفقكاقتباس:
المشاركة الأصلية كتبت بواسطة karezma
هههههههههاقتباس:
المشاركة الأصلية كتبت بواسطة mohamed desoky
رد جميييل كلمه ونصف
معلش هوا مش قصده هوا قصده الزيرو ب ١٤٠الف اخره هتجيب بيكانتو ده الامجراند بأت ب ١١١.٥ الف تخيل!!!!!
ممكن باقي النصيحه يجيب زيرو زي ايه ب ١٤٠ الف اوتو؟
سيبي من كلام البايع ظبطت العرية و ماعرفش ايه
فحص فحص محترمه خصوصا على الاساسيات.موتور فتيس شاسيه
دي نقطة ان 140 جديد تجيب بيكانتو حريمي النقطة التانية انه مأقنعنيش الجديد افضل فى ايهاقتباس:
المشاركة الأصلية كتبت بواسطة رامي مصطفى
الموضوع مش زي ما بنشتري تلاجه ولا مروحه العربية المستعملة مترخصه اي عيب فيها عدا على المشتري الاول وصححه عملها صيانه غير انه ممكن تلاقي مشتري عاملها تأمين هتستفاد انت بكل الى عمله وقصادك عربية نضيفه تتغسل غسلة واحده وتلاقيها بتلمع زي الزيرو + هتكون عربية امكانياتها عاليه بسعر الزيرو هو ميعرفش ان الزيرو التوب لاين فى الريو وصل 190
طب ايه رايك فى موضوع الكيلومترات الى قطعتها العربية ما دام الصيانة تم عملها بانتظاماقتباس:
المشاركة الأصلية كتبت بواسطة volociximab
معايا فى ان الكيلو مترات ملهاش قيمة ولا ليها قيمة؟؟
السلام عليكم . يا جماعة ارجو الرد .معروض على عربية اكسارا 2002 اتوماتيك.صاحبها راجل محترم كلمني عليها وآخره في السعر 44000ج وبيقولي مش محتاجة إي مصاريف وتعامله 185000كم اتوكل علي الله واشتريها .ولا ادفع 70الف مقدمه العربيه زيرو ومصاريف الصيانة بتاعة المستعمل أدفعها أقساط الزيرو .ارجو الرد بسرعة لأن شغلي واقف لأني بعت عربيتي .ومش عارف اشتغل من غيره .للعلم أنا كنت راكب اكسارا اتوماتيك 2002.
وبصراحه أنا بحب الاكسارا بس خايف لأن عشان اوقف عربيتي القديمة صرفت كثير .
ارجو الرد .
ياريت تعمل موضوع افضل لوحدك وبالنسبة لطلبك لا مصاريف الصيانة عمرها ما هتكون زي الاقساط الاقساط اكبر اكيد انما انت تعمل فحص شامل على المستعملة عشان تعرف كل الى تم فيها والى محتاجاه واي صيانة او عمره بترجعلك العربية زيرو المكنة عمرها ما تعيب عربية (من الاخر ياباشا الى بيشترو زيرو فلوسهم كتير او مش فاهمين)اقتباس:
المشاركة الأصلية كتبت بواسطة شريف الطوخي
ممكن اوضحلك وجهة نظرى لانى ركبت عربيات كتير فى عربيات مع ناس بتسوق بغشم وتخبط فى اى حاجه وهنا مش قصدى تصادم حديد فى حديد فى حجات تانيه تقزى العربيه بدون خبطه زى لو بلاعه مفتوحه مع سرعه لازم تسمع فى المقص والمقص يسمع فى الشاسيه لو العربيه طارت فى الهواء ونزلت بقوه على الارض بتسمع فى الشاسيه والعلب نفسها لان علب الملاكى ضعيفه واللى بيمسك كل ده الانطر ه الحديد ولو خبط بلعجل فى رصيف مش بيبان اى خبطه لكن فى ضرر حصل فى العفشه او الشاسيه وفوق كل ده لو صاحب المستعمل خلبوص وعمل حاجه فى العربيه ربنا مش بيبارك فيها ؟وكل ده حجات مداريه لايعلمها اللى الله يبقى ليه اركب مكان غيرى وانا مطمئن ؟المستعمل للى فلوسه ماتجبشى زيرو لكن معايه اجيب يبقى اركب زيرو لان فى مصر مفيش مستعمل كويس فى مصر انا مقتنع ان مفيش احسن من الجديد دى قناعتى اركب جديد حتى لو توك توك طول مامعايه ثمنه واسف لحضرتك وربنا يوفقكاقتباس:
المشاركة الأصلية كتبت بواسطة karezma
ايوة كلامك مظبوط وعشان كده انا قبل ما اشتريها هاخد البايع على توكيل كيا يتعمل فحص شامل على العربية وبيدوني تقرير مفصل وانا فعلا معييش سعر الزيرو يعني اعلى فئة دي مستعملة ب 140 الزيرو منها 190 يعني فرق كبير وشكل الجنط الجديد مش عاجبني بتاع موديل 2016 والى ماشيه 80 الف كيلو دي فى الرحاب شوفت صورها العربية مفهاش خربوش ورايقه لانها استعمال حريمي فا انا هشوف المناسب فيهم ليا واجيبه ولكن غالبا هركز على الى ماشيه 30 الف عشان حتى لو فكرت ابيعها متبقاش قطعت كيلوهات كتير مع ان الكيلوهات ملهاش قيمة بيتلعب فيها وفى ناس عربياتها ماشيه قليل مهملين صيانة وناس عربياتها ماشيه كتير منتظمين صيانة طبعا فى الحالة دي الى ماشيه كتير افضلاقتباس:
المشاركة الأصلية كتبت بواسطة mohamed desoky
طالمه هتروح التوكيل وتعمل تقرير فنى عن السياره وانتى مطمئن للمالك توكل على الله وانا اتمنالك الخير وربنا يوفقك وشكر ا لحضرتكاقتباس:
المشاركة الأصلية كتبت بواسطة karezma
تسلم شكرا ليك وربنا يوفقكاقتباس:
المشاركة الأصلية كتبت بواسطة mohamed desoky
اهـــــم حاجه ماتستخسرش فالفحــــــص ،،، افحـــــــص التنتين على مهــــــلك لا يكون متبــــــدل لها ربع ولا مخبوطــــــه ولا
شاصيــــــه فيه حاجــــــــه ، افحـــــــص وتأكـــــــد لان ساعـــــــت الشــــــرا لو شريـــــــت وطلعـــــــت حاجـــــــه
فلا كساعـــــةٍ منــــــــدمٍ افحــــــــــص على مهـــــــلك واختــــــــــر اللي يناسبــــــــــــك :tumb:
انا هعمل ليها فحص شامل فى التوكيل قبل الاستلام ولكن انا عاينتها وهي فيها خبطة بسيطة جدا حتى الناس متلاحظهاش عند الباب اليمين تترد عالبارد كده مش ماثره فى اللون حتى وشرخ فى الازاز بتاع 25 سنتي سمعت انه سهل وبيتعمل ب 70ج وضمان مدى الحياة والاستبن مفهاش وعشان كده هو منزل سعرها ل 140 لان كل الناس دلوقتي عارضالك من 150 وانت طالع فا انت ايه رايك هي لونها اسود واللون الاسود مش بلاقيه بسهولة وبقالي فترة مستنيه ؟؟اقتباس:
المشاركة الأصلية كتبت بواسطة john silver