حبيبي محمد بيك عبد الرحمن
ربنا معاك في فتره الحرب اللي جايه دي (الامتحانات)
كمان وماله لما اتدبس هو انا حنظم لاعز منكم مقابله
محمد بيك السعدني تحياتي ليك وسلامي
فعلا لازم نستني لما الامتحانات تخلص (دا علي اساس ان محمد عبد الرحمن بينام ويصحي والكتاب في ايده)
وبعد منها اكيد حنعمل مقابله احسن واكبر من اللي قبلها
بس انا ليا تعقيب علي كلام حضرتك
يا تري انت فكرك ان الناس دي حتفرق معاها اللحمه في انها تتحرق دي لو اتحولت لفحم حتي حتتاكل يا باشا دا احنا وحوووووووووش :biggrin:نأكل كل ما يتنفس :049: ههههههههه
ويا ريت فعلا ان المدرسين يبطلوا عقده النقص اللي جواهم سواء المدرسين اللي سقطوا في الامتحانات وعاوزين يعقدوا الطلبه
او المدرسين اللي نجحوا وافتكروا روحهم عباقره التعليم واعمدته
ححكيلكم حكايه علي السريع كده بمناسبه الامتحانات
ايام الثانويه العامه نازل الامتحان فبقول لوالدتي ادعيلي
فقالتلي روح يا ابني ربنا يديلك علي قد مجهودك
روحت قافل الباب وقاعد وبخلع الشوز من رجلي
فقالتلي فيه ايه
قولتلها مش بتقولي علي قد مجهودك
يبقي ملهوش لزمه اني اروح من اساسه
هههههههههههههههههههههه
اتمني من كل قلبي اشوفكم قريب واتمتع بصحبتكم تاني
وياريت المقابله الجايه تكون يوم كامل
ويكون مكان مغلق لاننا كده حنكون دخلنا في البرد ومش عاوزين
منغصات من الطبيعه (جامده منغصات دي اكتبوها حتنفعكم)
وربنا يوفقكم جميعا في امتحاناتكم