لسه شارى جين 2009 و عندى شوية اسئلة
السلام عليكم
قريت كذا موضوع عن محلات قطع الغيار و مراكز الصيانة بس المشكلة انى مش عارف ميين ثقة و ميين محتاج فصال و مين شغله تمام و مين بيعك
مع الاسف نزلت جبت تيل امامى و خلفى من اولاد منصور قبل ما اشوف الموضوعات بتاعة التيل "كنت مستعجل لان تقريبا مكنش فيها تيل اصلا شبه ممسوح " و سالته على نوع كويس
الامامى اداهولى بروتون و الخلفى VSO و الاثنين عاملين 380 جنيه , مبدئيا حاسس انه اتضحك عليا خصوصا بعد ما سمعت ان VSO تييل سئ
1) السؤال هنا اجيب من عند ميين ثقة قاهرة او جيزة ؟؟ (ممكن على خاص لو ده مشكلة فى المنتدى)
2) التيل ال VSO اتقالى وحش و خلاص , فانا عاوز اعرف وحش هيبوظ بسرعة و لا هيكال فى الطنبورة و لا مش هيفرمل اصلا مع العلم ان مفيش اى اصوات و الفرامل كويسة , الهاند بريك شويه خفيفة كنت على حته عليا زى مطب و شديتها لاقيت العربية نزلت
3) الاشارات يمين و شمال وقفوا فجأه , و مش معايا ال user manual فمش عارف احدد مكان الريلالى بتاعهم و اصلا شاكك فى الزراع نفسه لان الانتظار شغال
4) محتاج اشترى مروحة تكييف , طقم كوستبانات , كاسيت جديد , اعمل مفتاح تانى لان مفيش غير مفتاح واحد
5) فيه رشح زيت خفيف الميكانيكى اللى ركب التيل قالى سيبه اللى فى السوق اسوأ منه كتيير
6) سير الكاتينة فيه نوع معين ولا ايى حاجة تمشى
اعتذر على الاطالة بس بجد حاولت اتصل بكذا مكان صيانة اعرف الاسعار او حتى متوسط التكلفة محدش راضى يقولى و كانه سر الذرة حتى محلات قطع الغيار اكلمه اساله يقولى لما تيجى بس !!!!!!
ياريت لو حد معاه ال USER Manual PDF يبعتهولى لانى دورت عليه كتيير و جزاكم الله خيرا