عرض للطباعة
انا من ساعه ما جبت العربيه ( لانسر بومه ) مغيرتش الكاوتش اللي جايه بيه .. ماشي عليه 85 الف بقاله بتاع 7 سنين
المهم
اجيب كاوتش نوعه ايه ؟ اهم حاجه يكون نضيف ويستحمل ويعيش .. انا بقيت بسافر بالعربيه كل يوم تقريبا ومعنتش راكنها زي زمان فعايز حاجه نضيفه
اجيب ايه ومنين وبكام ؟
********
بفكر انزل الاستبن واجيب 3 فرد جداد .. كده احسن ولا اجيب 4 فرد جداد ؟
السلام عليكم ورحمة الله وبركاته،،،
7 سنين يبقى حضرتك لازم تجيب 5 فرد جداد مش 4.
الإستبن اللي بقاله 7 سنين حتى لو لم يستعمل فهو بيكون منتهي الصلاحيه.
بالنسبه للأنواع في حاجات كتيره كويسه ... بس البريدجستون سمعته كويسه ومتوافر وليه مراكز خدمه كتير.
بالتوفيق
اجيبه منين وبكام يا باشا ؟اقتباس:
المشاركة الأصلية كتبت بواسطة marsguy
تجيبه من الوكيل اللي هو fit and fixاقتباس:
المشاركة الأصلية كتبت بواسطة Hikayat
ودي فروعه: Fit & Fix
بس أنا ما أعرفش الأسعار صراحة
شكراً
هانكوك كورى ناعمه وسابته على الارض
السلام عليكم
بريدج استون او مشلان استبلتي وجوده تطمن وانت مسافر وبزات لو من هوات الجري
:tumb::tumb::tumb:اقتباس:
المشاركة الأصلية كتبت بواسطة mosaad mohsen
كلام صح الصح ................. وعلى فكره 7 سنوات كتير جدا خاصه ان حضرتك كما ذكرت بتسافر كتير .... موفق ان شاء الله .اقتباس:
المشاركة الأصلية كتبت بواسطة mosaad mohsen
ايه يا جدعان ده انا رحت اجيب امبارح لقيت بريدجستون ب 900 الفرده
وميشلان ب 750
هيه الاسعار دي بجد
ولقيت نوع ياباني اسمه فالكون ب 600 جنيه
اعمل ايه
مع العلم ان المقاس
195 / 15 / 60
بريدجستون وبعديه يوكوهاما
وبعديهم هانكوك
واضح ان حضرتك بتسيب الكاوتش كتير
يبقي بيرد هو الاختيار المناسب فرأي
غالي بس هو المناسب لكلامك
والحل طقم كامل اريح وتكون مطمن اكتر وثبات
انا معايا نفس العربيه و نفس المقاس ... غيرت السنه اللي فاتت ل يوكوهاما ... ممتاز الحمدلله
ممكن تلاقيه عند الكمال (البطل احمد عبد العزيز) او صبره (المنيل)
بالترتيب
ميشلان
بيردجستون
وبعدين اى حاجة تانية
انا مركب بيرلى Cinturato P1 verde هادى ومفيش منه صوت وبيمسك فى الارض كويس وسعر جيد جدا بالنسبة لأمكانياته