صباح الخير يا جماعة
انا كنت عايزة اعرف ازاي افضي الزيت وارجع احط زيت جديد. ? لأن بجد لما بقف عند الميكانيكي بحس انه عايز يطلع مني فلوس وخلاص فياريت تقولولي.
وشكراً ليكوا
عرض للطباعة
صباح الخير يا جماعة
انا كنت عايزة اعرف ازاي افضي الزيت وارجع احط زيت جديد. ? لأن بجد لما بقف عند الميكانيكي بحس انه عايز يطلع مني فلوس وخلاص فياريت تقولولي.
وشكراً ليكوا
المفروض الزيت بتغيره فى اى محل تغيير زيوت وبتدفع تمن جركن الزيت فقط واكراميه للعامل اللى بيغيرلك
الزيت بيتغير عن طريق فك طبة الزيت من اسفل الموتور وتنزيل الزيت القديم وبعدين لما الزيت القديم يتصفى كله يتم ربط الطبه مره اخرى. ووضع قمع فى فتحة الزيت فى الموتور من اعلى ووضع الزيت الجديد وطبعا المفروض تغيرى فلتر الزيت
صعب على بنت او ست تغير الزيت انا عن نفسى بغير زيت الموتور والفلتر بنفسى اشترى الزيت من التوكيل نفسه اومحطه بتاعته لكن محلات الزيت بيغشه الزيت والاغلبيه منهم حرامى وفهلوى واى كلام يطلع فلوس من الزبون الافضل لحضرتك تغيرى الزيت فى المحطه
أنا برضه فكرت اروح محطة لاني بجد اتعقدت من الميكانيكية وهايكون الموضوع بالنسبه لي صعب شكراً على الاهتمام والرد
زي ما قال الزملاء صعب حضرتك تغيري الزيت
الاحسن حضرتك تروحي لاي محل زيوت او محطة بنزين يغيرلك الزيت
الزيت والتغيير بنفس السعر اللى مكتوب على العبوه وحضرتك ادي للعامل ٥ جنيه هيمسحلك العربيه من بره كمان.
انما ماتروحيش للميكانيكي لازم هياخد فلوس ولو هوا مش امين هيبص في الماتور ويطلع اي قطه فطسانه علشان يعمل شغل.فهلوة المصريين.
كلامك مظبوط استاز رامى بس بلاش محلات الزيوت دى خلينا احسن فى المحطه اى محطه التعاون او مصر للبترول اوموبيل اواى محطه عندها الزيت لانهم مش هيغشه الزيت كل الفرق هتدفع خدمة محطه 5 ج بس هتبقى مطمئن ان الزيت مش مضروب وخلى بالك غش الزيت حرفه واحنا كمصريين حريفه قوى قوى فى الغش الغش وبس
انا الزيت و الفلتر بمعرفتي
وبغيره في البزينهوبدفع عشره جنيه وبينظف لي فلتر الهوا
خمسه جنيه مش بيتكلم لكن مش بيكون مبسوط لو الزيت مش من عنده
لكن عشره جنيه بيبقي مبسوط ومش بيعترض علي حاجه
للاسف مش بغير الزيت بنفسي لاني محاط بالجيران
ومن زمان جدا لما بعمل شغل بنفسي في العربيه بلاقي عطل مفاحئ حصل
بالتالي بذهب بالعربيه للمتخصص ميكانيكي او كهرباىي او ورشه.
ارزاق
ربنا يوسعها علينا جميعا بالحلال
كده صح وياريت كل الزملاء يعمله زيك بلاش ياجماعه محلات الزيوت لان حقيقى بيغشه الزيوت ازا كان قطع الغيار بتتغش ما بالك الزيوت حتى الزيت الباكم بتاع الفرامل بيتغش خده بالكم السوق اغلبه مغشوش وفى الاخر احنا بندفع التمن غالى قوى تيل الفرامل مغشوش شوفه شعب مصر وصل لايه تيل الفرامل ومش مهم اسره تموت شخص يموت المهم الفلوس ربنا يرحمنا من البلد دى