عاوز اصيف بالعيال و قدامى اما الغردقه او الاسكندريه فى المعموره فايهم افضل ..و لماذا ؟؟؟
عرض للطباعة
عاوز اصيف بالعيال و قدامى اما الغردقه او الاسكندريه فى المعموره فايهم افضل ..و لماذا ؟؟؟
الغردقه وشرم احلي وانظف وارخص
إسكندرية هتستمتع بالجو
الغردقة هتستمتع بالمكان
من غير كلام كتير الغردقة أحسن
عايز تستجم و تستمتع يبقى الغردقة
عايز تتنفخ و تقرف من عيشتك و حياتك و تجرب الزحمة مع الحر و العرق و ريحة الزبالة و متعرفش تروح شط نضيف يبقى تعالى أهلا بيك فى عروس البحر المستوسط .
الأحسن من كل ده مطروح أو الساحل الشمالي
الغردقة في الصبف كتلة من اللهب ، لكن جميلة طبعاً
إسكندرية في الصيف زي العتبة بالظبط و قمة الأرف
لكن جوها رائع
الحل إنك تروح الساحل عشان تاخد كل المميزات ..
انا رايح المعموره و قالو انها كويسه
ساحل شمالي او مرسي مطروح الجو حر في الغردقه
بلاش اسكندريه خليك فى مطروح جو ومكان جميل وهاديه ونضيفه عن الاسكندريه
الغردقه هتنبسط بالماكن والنضافه بس فى الصيف حر جدا
بالنسبة للخوف من الحرارة العالية فى الغردقة وشرم انا شايف ان ملهاش داعى
أنا فى الصيف الماضى روحت الاقصر واسوان واستمتعت بيها جدا
الفنادق والاتوبيسات مكيفه
نزول حمامات السباحة والشواطئ بيكون بعد العصر أو الصبح بدرى
الغردقة بليل هواها سخن !!
اللي يروح الغردقة مثلا يبقى غاويها و بيروحها كتير
لكن كمصيف جو شمال مصر الطف بكتير فرق الحرارة ١٠ درجات ..
انا بكلمك و انا مستثمر في الغردقة المفروض اقوله روح :))
بس حرام
تحياتي
حسب الوقت اللى عايز تروح فيه
يعنى تروح الغردقة فى اى وقت غير الصيف وتروح اسكندرية فى اى وقت غير الشتا
انا رحت الغردقة قبل كدة فى اخر مايو وكانت حر رهيب وبالليل كان صهد غير طبيعى علشان كدة حلاوتها فى اى وقت غير الصيف
الغردقة احلي وطبيعي درجة الحرارة هناك
اسكندرية سهلة ومتاحة فأي وقت عن الغردقة