الموضوع: محتاج مساعده

المشاركة الأصلية كتبت بواسطة basnty

يا ريت جماعه كل الي يخش يشوف الموضوع ده مايبخلش عليا بمساعده
انا اول مشاركه ليه في الجروب معاكم ومحتار اجسيب سينوفا 1500 ولا بي واي دي f3 او شيري انفي
ومحتاج مساعدتكم وخبراتكم السابقه وكل ما تعرفو عن هذه السيارات
عاوز اعرف ليه اشتري واحده من التلاته ليه وايه بيميز كل واحده عن التانيه وايه العيوب الي تخليني استبعد عربيه من دول وياريت بدون تحيذ لاي سياره وشكرا ليكو :y_hi_3[1]:

السلام عليكم ورحمة الله وبركاته اخى الاهم من السياره الوكيل اللى خلف السياره اللى بيوفر قطع غيار وخدمة بعد البيع مين اقوى واحد من دول نبدء سينوفا عربيه جديده والشركه الصينيه اللى وراها مش مشهوره ده طبعا غير المعلم القصراوى استاز الخلعان اكتر وكيل فى مصر بيهرب من اى مسئوليه واسئل بتوع الميكروباص اللى شبه التويوتا هما دول اللى بيتعامله مع القصراوى وبس بى واى دى حلوه بس الوكيل بتاعها الامل بتاعت الادا يمكن القصراوى احسن منها كل شغلها سوقى ولو غيرت الزيت خارج التوكيل او ماروحتش تعمل صيانة 5 الاف كيلو وتدفع بقلب صافى يطلع العربيه من الضمان حصلت مع جارى نيجى لوحش السوق نقول انه احسن الموجود فى مصر غبور القط السمين ملك الهيونداى والمازدا والاوتوبيسات ودلوقتى الشيرى انفى والتيجو وهو اشتغل فى نوعين بس والنوعين دول بس فى كل السيارات الصينيه حاصلين على موافقة الاتحاد الاوربى فى الجوده والانفى احسن من اخواتها تقريبا نفس السعر زى الفيرنا صرصار مصر الاول والانوس الديل بتاعها بقالهم 15 سنه نفس الشكل والمواصفات يبقى الانفى تكسب لانها الاقوى والافخم وكل واحد وزوقه دى وجهة نظر للسوق الحالى لان غبور الاقوى فى مصر

هو فعلا كلام حضرتك يحترم بس بشهاده من اصحاب اللسينوفا التوكيل محترم جدا جدا جدا
ومميزات العربيه مغريه بصراحه وماتور متسوبيشي وفتيش aisin الياباني دي الحاجت الي لافته نظري ليها
واسمع ان توكيل غبور مش حلو في المعامله والشيري تقفيل مصري

لو مقتنع ان القصراوى توكيل محترم توكل على الله وانا بلغتك بمعلوماتى وربنا يوفقك فى اختيارك

السينوفا انتا بتقصد السيدان طبعا مش بتتكلم عن x25 or x35 !!

x25 عربية حلوة وجديدة في السوق شوفها في المعارض ودي كروس اوفر مش SUV هتعجبك :)