عن تلميع السيارة

**pepo_mp1** · 21-05-2016 06:32 PM

السلام عليكهم و رحمه الله و بركاته
انا لسه مستلم عربيه زيرو من قريب الحمد لله
و كنت بغسلها و واحد قالى العربيه دى المفروض تتلمع بالصاروخ و انا مش عارف الصراحه فى الموضوع ده

و انا خدت بالى ان دهان العربيه خشن لما تمشى ايدك عليه مش زى العربيات الزيرو بيبقى ناعم كده و تحس ان فى طبقه ناعمه فوقيه
و هو كمان قالى كده و قالى انها عشان كده بتجير و بتلم تراب كتييير و انا حاسس ان فعلا لون العربيه بهتان ..

و دخلت دورت فى المنتدى ده ربنا يخلهولنا بقى :d

و لقيت تلميع بالبولش و تلميع بالشمع و انا مش فاهم ايه الفرق بينهم الصراحه و ده لزمته ايه و ده لزمته ايه !!

فا ممكن حد يقولى اعمل ايه بظبط

**tasaka** · 22-05-2016 09:24 PM

ما تلمعش بصاروخ و العربيه لسه زيرو ؟؟ بيعمل دواير فى البويه ( لما تبص عكس الضوء )

روح لواحد بوهيجى كويس و اطلب تلميع بالبولش العادى و القطنه يدوى ( بدون صاروخ ) .. لو عليها اى شيئ من استلام الزيرو حينضف

انا بالمع ب 150 جم تلميع يدوى بدون صاروخ .. و ممكن يعمل لك الموضوع ده باقل من كده بكتير 70 او 80 جم

**akmm** · 24-05-2016 11:23 AM

المشاركة الأصلية كتبت بواسطة tasaka

ما تلمعش بصاروخ و العربيه لسه زيرو ؟؟ بيعمل دواير فى البويه ( لما تبص عكس الضوء )

روح لواحد بوهيجى كويس و اطلب تلميع بالبولش العادى و القطنه يدوى ( بدون صاروخ ) .. لو عليها اى شيئ من استلام الزيرو حينضف

انا بالمع ب 150 جم تلميع يدوى بدون صاروخ .. و ممكن يعمل لك الموضوع ده باقل من كده بكتير 70 او 80 جم

الكلام ده صح جدا ................ واضيف عليه ان بعد كده لابد من وضع طبقه من الواكس عليها وهى طبقه شمعيه بتحمى السياره وبيتم فردها بالقطنه او فوطه فايبر .

**tasaka** · 24-05-2016 01:10 PM

المشاركة الأصلية كتبت بواسطة akmm

الكلام ده صح جدا ................ واضيف عليه ان بعد كده لابد من وضع طبقه من الواكس عليها وهى طبقه شمعيه بتحمى السياره وبيتم فردها بالقطنه او فوطه فايبر .

الكلام ده صح جدا .. وضع طبقه من الواكس .. ده بصفه عامه كل 6 شهور مثلا

بس علشان عربيته زيرو انا ما قلتش له كده .. البويه لسه جديده عنده و عليها طبقه الحمايه بتاعتها .. اعتقد البولش فقط خيكون أأمن فى حالته

**pepo_mp1** · 26-05-2016 05:31 PM

ما هو الصراحه انا شاكك انها معلهاش الطبقه دى من الاساس لانها خشنه و بتجير !! و انا على ما فهمت ان الطبقه دى بتخليها ناعمه !!

طيب هو انا ممكن اقولهم فى التوكيل و انا بعمل صيانه الالف ولا اى بتاع دوكو هيفهم هى محتاجه wax ولا البولش العادى ؟

**tasaka** · 26-05-2016 06:24 PM

انت رشيت اى حاجه فى العربيه دى ؟؟ اكسدامات مثلا ؟؟

لان لو رشيت الاكسدامات مثلا و هى موش متغطيه كويس جوه الفرن .. الطبقه الخشنه دى بتحصل .. و حلها هو تلميع بولش كويس

**akmm** · 29-05-2016 10:57 AM

البولش بكافه انواعه لتنعيم وتلميع طبقه البويه ............... والواكس بعد ذلك لتكوين طبقه براقه وللحمايه من الوؤثرات الخارجيه كالشمس والاتربه وخلافه ......