بوما و لا ماتريكس

**khaledserag** · 22-05-2016 03:58 AM

من فضلكم انا بدور بقالى فترة على بوما حالة كويسة و كيلو قليل او سيراتو شكل قديم و مش لاقى
و النهاردة حد جابلى عربية ماتريكس 2011 و جربتها و كانت اول مرة اسوق ماتريكس و لقيتها مريحة جدا و عالية و قعدتها جميلة
انا اختلفت مع صاحب العربية على السعر بس مش عارف عايز رأى لو لقيت ماتريكس حالة كويسة اجيب و لا لا
و خصوصا ان انا و اولادى هنقعد فيها مرتاحين جدا
و هل فى مشاكل يتقلق منها فى الماتريكس الاوتو
اعذرونى لان الماتريكس بالنسبة لى كموديل و شكل هى مغامرة جديدة معرفش عنها حاجة

**memo823000** · 07-06-2016 06:41 PM

خلص فيها ومش هتندم ولو معجبتكش بتتباع هوا وهتكسب فيها كمان وميزة الماتركس ملهاش مشاكل وواسعه وحمالة قسية

**S O P H O S** · 11-06-2016 04:01 PM

المشكلة فالسعر يعني ؟

**bluemail** · 11-06-2016 09:12 PM

الماتريكس ما شاء الله عربيه كويسه وبياعه وقطع غيار موجوده في كل حته وكل الصنايعيه شغالين فيها
لو العربيه حالتها كويسه جدا ، اتفاهم مع صاحبها علي السعر ، حتي لو زياده 2000 في مقابل حالتها الحلوه

**juba8** · 12-06-2016 03:28 PM

لو حالتها حلوه خلص فيها

**samyomar** · 21-06-2016 04:01 AM

عن تجربه لفتره طويله .. الماتريكس افضل بكتير من حيث راحة الركاب - عائليه - قطع غيار متوفره جدا و اسعارها معقوله جدا - اعطالها قليله - قعدة الماتريكس صعب تلاقيها فى اى عربيه تانيه فى نفس رنج الاسعار - الاطفال بيحبوها جدا علشان ( تحس كده ان كلها شبابيك و ان كل شبابيكها ع الشارع ههههه ) - اعادة بيعها ممتازه و مطلوبه فى السوق بشرط الحاله تكون مميزه
عيوبها : شنطه صغيره نوعا ما - لو هتجيبها اوتو يبقى لازم كيلومتر قليل علشان ميبقاش فيه مشاكل فى الفتيس و تراعى تغيير زيت و فلتر الفتيس فى مواعيدهم بانتظام -
اللانسر بومه برضه عن تجربه عربيه مميزاتها ان اعتماديتها عاليه ( علشان يابانى طبعا ) - اعادة بيعها برضه سهله جدا - قطع غيارها متوفره و اسعارها مش غاليه اوى و مش رخيصه بس بتعيش - الفتيس الاوتو بتاعها رائع و اعطاله نادره حتى لو كيلومتر عالى
عيبها من وجهة نظرى ان قعدتها مش مريحه اطلاقاً .. تحس كده ان الكرسى بيقولك انزل
الخلاصه كل عربيه منهم ليها ميزه و عيب و القرار الاخير ليك تشوف اكتر حاجه ترتاح فيها
ربنا يوفقك ان شاء الله للافضل