رجاله رمضان كريم
حد سمع عن الزيوت دي لي صديق جربها وبينصحني حد جرب يقدر يفيدنا وده موقع الشركه نفسها
لعربيه كارينز 2010 اوتوماتيك
https://mannolegypt.com/mannol-products
عرض للطباعة
رجاله رمضان كريم
حد سمع عن الزيوت دي لي صديق جربها وبينصحني حد جرب يقدر يفيدنا وده موقع الشركه نفسها
لعربيه كارينز 2010 اوتوماتيك
https://mannolegypt.com/mannol-products
هو حضرتك عايز زيت موتور ولا زيت فتيس؟؟؟
عموما... أي زيوت وسوائل في العربية بنشتريها باامواصفات.. مش بالماركة ولا ببلد المنشأ.
ودايما وأبدا... الزيت المناسب هو اللي مواصفاته مكتوبة في الكتالوج... ولا بالتجارب ولا بالرأي.
با ريت تقولنا كتالوج العربية عايز إيه واحنا نساعدك إن شاء الله
...
شكرا لاهتمامك جدا هو زيت فتيس فعلا بس هشوف الكتالوج طالب ايه وارد علي حضرتك بس لما سألت وضحولولي ان اي زيت sp3 فمش عارف الاسم يفرق في الزيوت ولا اي زيت متوفر فيه الخاصيه يكفي ؟ لان في تفاوت اسعار مابين 65 جنيه للتر الي 110 جنيه للتر رغم ان الاتنين بهم نفس الخواصاقتباس:
المشاركة الأصلية كتبت بواسطة borio1704
السلام عليكم ورحمة الله وبركاته ازيك ياباشمهندس كل عام وانتى بخير سؤالى هل الزيت ده او شركة منول دى كويسه على المستوى العالمى وليها انتشار لانى مش مطمئن لاى زيت غير الشركات الكبيره موبيل او شيل او توتال او كاسترول ؟وانا لقيت عندهم نفس الدرجه عندى 10w40 وسعره كويس 220 زى شيل الاوربى اللى مش لاقيه فى مصر هو بصراحه نفس مواصفات الكتالوج بس انا قلقان لانه جديد او مره اسمع عنه ؟انتى عارف انى بقتنع بكلامك فى الزيوت ياريت ياهندسه تطمنى والف شكر لحضرتك ؟ يعنى ايه متوسط 8 الاف كيلو ده مكتوب فى الاعلاناقتباس:
المشاركة الأصلية كتبت بواسطة borio1704
ايه يا باشمهندس انتى فين مستنى رد حضرتك على زيت منولاقتباس:
المشاركة الأصلية كتبت بواسطة borio1704
اقتباس:
المشاركة الأصلية كتبت بواسطة meero_boy2000
لو الفتيس بتاعك 4 سرعات يبقى فعلا مواصفة الزيت بتاعه هي ATF SP-3...
ويا ريت ما تاخدش بالسمع.. اتأكد بنفسك من كتالوج عربيتك.
بالنسبة للزيت المناسب.. فأي زيت عليه رقم المواصفة دي هيكون مناسب جدا..
ولو حضرتك عايز تشتري من مانول تحديدا.. فالزيت اللي في الصورة ده هو أنسب واحد:
https://mannolegypt.com/fb/p/site/as...1l.130x130.jpg
ولو إني شخصيا بأفضل شراء زيوت كيا/هيونداي أو ميتسوبيشي..
عموما.. الاختلاف في الأسعار هيكون جاي غالبا من ناحية إذا كان الزيت ده معدني ولا تخليقي...
وأحيانا بيكون الزيت غالي لإن مستواه عالي علشان بيبقى ماشي مع كذا مواصفة زيت ويمشي مع عدد كبير من ماركات العربيات.. والحالة دي ممكن ألجأ لها لو كان الزيت المخصوص بتاع العربية مش موجود.. إنما لو موجود بسهولة فأنا شخصيا ما أفضلش أروح على الزيوت اللي زي كده.
...
اقتباس:
المشاركة الأصلية كتبت بواسطة mohamed desoky
أنا زيك بردو.. بحب أتعامل مع شركات معروفة ... أو على الأقل.. شركة مضمونة ومنتجاتها موجودة باستمرار في المكان اللي أنا عايش فيه.
بالنسبالي.. مانول شركة مش معروفة زي موبل وشل وكاسترول.. وأكتر حاجة بتقلقني من الشركات دي وتخليني أفكر قبل ما أشتري منتجاتهم إني ألاقي عندهم إضافات زيوت كمنتج منفصل..
كل الشركات الكبيرة بتحط الإضافات على الزيت مباشرة.. مش محتاج أشتري منتج إضافي.
للأسف.. شركات زيوت ألمانية كتير بتعمل الموضوع ده.. وأولهم ليكوي مولي.
المهم... أنا اللي يهمني في كل الموضوع ده هو المواصفات... وهي الفيصل الأول في اختيار الزيت... وبعد كده أبقى أدور على الماركة.
وعلى فكرة... لو لقيت زيت رخيص.. فالسبب بيكون حاجة من اتنين:
1- مواصفاته ضعيفة
2- ماركته مجهولة أو مالهاش إسم في السوق وعايزة تبيع.
وممكن الاتنين مع بعض.
وأنا شايف أغلب زيوت مانول ينطبق عليها السببين دول.
...
ياباشا كتر خيرك والف شكر ع الافاده الجميله دي انا لقيت الكتالوج مكتوب فيه diamond atf sp 3 العربيه 4 سرعات بصراحه فكرت فيه في حد جربه قالي مش وحش وانا فكرت فيه بصراحه لان سعر اللتر 65 جنيه مقارنه بسعر لتر الكيا نفسه 90 جنيه فرق 100 جنيه في ال 4 ليتر فكان حد قالي مش فارقه اسم او نوع الزيت المهم مواصفاته نفس مواصفات الكتالوج ولا ايه واللي فهمته لما كلمت الشركه دي انها ملهاش اماكن توزيع هي واخده وكيل في مصر بمكان اداره في مدينه نصر وبتروح تشتريه من هناك وانه الماني تقفيل اتحاد اوربي فبصراحه محتاج اشتري زيت الفتيس الاسبوع ده بس مش قادر احدد اشتري ايه علما بأن موبيل سمعته زفت دلوقتي وشل نفس الموضوع الموضوع بالنسبالي محير جدااقتباس:
المشاركة الأصلية كتبت بواسطة borio1704
وعلش سؤال تاني انا مش قادر احدد العربيه بعد مانزل الزيت اللي فيها واغير الفلتر هتحتاج كام لتر علما [ان الكتالوج مكتوب فيه 6.8 لتر بس مش عارف ده من اول فين لحد فين يعني التغيير بالفتر ياخد كام ليتر؟
ولو هتعب حضرتك مش قادر احدد العربيه هتحتاج كام لتر لو هغير فلتر كمان ومش عارف لازم انزل اللي في القربه ولا مش لازم لاني سمعت انه صعب ومش اي حد بيعملوا عشان ميعملش مشاكل فممكن اغير زيت وفلتر بدون تنزيل القربه ولا لاء وهحتاج كام لتر برضهاقتباس:
المشاركة الأصلية كتبت بواسطة borio1704
الف شكر لرد حضرتك الوافى والمفصل بس دلوقتى انا محتار بين مواصفات الكتالوج بتقول يتم تغير زيت وفلتر كل 5 الاف كيلو او 3 شهور فى البلاد الحاره بدرجة لزوجه 10w40 وافضل شئ لقيته فى السوق شيل وخلاص مش موجود ؟وموبيل وتوتال مفيش نفس الدرجه وكاسترول 340ج طبعا غالى جدا سؤالى هل ممكن اغيرزيت 5 الاف زى توتال 20w50 او موبيل 5 الاف كيلو دول اللى قدامى محتاج نصيحه لانى زهقت من البحث ولازم 5 الاف كيلو مش هينفع زيت 10 الاف لانه ممكن يعود سنه فى الموتور ؟مستنى راى حضرتك وشكرااقتباس:
المشاركة الأصلية كتبت بواسطة borio1704
اقتباس:
المشاركة الأصلية كتبت بواسطة meero_boy2000
الموضوع مش محير ولا حاجة...
موبيل وشل سمعتهم وحشة لإنهم مش موفرين زيوت تنفع مع كل الناس... إنما لو زيوتهم اتحطت في عربية وكانت مناسبة ليها .. فالزيوت دي هتبقى ممتازة للعربيات دي بالتحديد.
علشان كدة بنقول دايما إن المواصفات هي الأساس.. مش الماركة.
اقتباس:
المشاركة الأصلية كتبت بواسطة meero_boy2000
الفلتر بتاع الفتيس الأوتوماتيك بيبقى جوه الفتيس.. مش برة (مش زي زيت الموتور).. والكمية المكتوبة في الكتالوج بتبقى الكمية الإجمالية شاملة كل الأجزاء الداخلية..
المشكلة الأساسية في تغيير زيت الفتيس إن مش كل الزيت بينزل للأسف (حوالي نص الكمية بس هي اللي بتنزل) .. وده في حد ذاته مشكلة لإنك هتخلط الزيت القديم مع الجديد.. ويبقى عندك زيت عمره قصير .. وتضطر تنزله بدري عن معاده.. وإلا الفتيس نفسه ممكن يبوظ.
علشان كده يستحسن تروح لحد فاهم فعلا في الفتيس الأوتوماتيك (أو في التوكيل) علشان يقدر تنزل كل الزيت .. والموضوع له خطوات معينة.
اقتباس:
المشاركة الأصلية كتبت بواسطة meero_boy2000
الأفضل طبعا تغير كل الزيت.. اللي في القربة واللي في الفتيس... والكمية 6.8 لتر شامل كل الزيت زي ما ذكرنا.
...
اقتباس:
المشاركة الأصلية كتبت بواسطة Mohamed Desoky
أعتقد زيوت مانول عندها اللزوجة المناسبة (10W-40) وبسعر معقول.
شوف الموضوع ده.. كان فيه واحد من الزملاء بيسأل على الزيت ده (في الماركة رقم 6)
http://www.nilemotors.net/Nile/487668-96.html
...
ربنا يكرمك علي الشرح المفيد ده والله ويجازيك خير بس لو هتقل عليك هو الزيت اللي في القربه ده بينزل ازاي يعني خرطومه فين عشان ابقي عارف هو هينزله ازاي والكتالوج بيقول 6.8 وانا رايح للميكانيكي اخد كام ليتر معايا يكفيني ؟ والف شكر لحضرتك