خناقة حصلت لي وعايز رايكم ضروري !!

من كام يوم كدة كنت اتخقنتقشت في الشغل عندي مع المدير في الشركة المهم وانا راجع من الشغل مروح للبيت طبعا كنت مخنوق علي الاخر المه بعد ما وصلت البيت بدور علي ركنة للعربية مالتش خالص
فروحت قدام شوية جنب محل بقالة في مكان قريب منة قمت رايح اركن طبعا الراجل قالي في الاول ما ينفعش قولتة انا ساكن قريب من هنا قعدنا ناخد وندي في الكلام اتنرفزت زعقت وهو زعق وقالي يالا من هنا وزقني وانا مش واخد بالي ايد اتخبطت في بااب العربية عشان مسمار طالع جنب الباك بتاع المراي لانها بايظ فكنت خالعة فايدي اتعورت جامد ونزلت دم
انا اول ما شفت دم في ايدي اتجننت قعد اشتم الراجل بكل الالفاظ وابن عمي سااكن جمبي سمعني بتخناق نزل مسك في الراجل وخربوشة في صدرة جامد وطبعا الراجل قعد يزعق ويعلي صوتة وكانت خناقة كبيسرة جدا
طبعا انا قولت هاروح اعمل محضر في القسم وفعلا بعد ما ضمدت الجرح اللي في ايدي خد 2 غرز
ة
روحت عملت محضر في القسم بعد شوية وانا راجع البيت لاقيت الراجل جاء واعتذر لي وقالي انا اسف ومش عارف واية وانت اللي كنت عصبي والشارع شاهد ان ما عملت حاجة لك وباس علي راسي واعتذر ليا اكثر من مرة قدام الناس عشان اتنازل عن المحضر.

انا كنت حالف مش هاتنازل بس الناس في الشارع واما الحاح من ابويا قالي اتنازل عشان احنا جيران والكلام دة وخصوصا ان الراجل اعتذر اكثر من0 5 مرة لغاية ما زهقت من الحاحة فتنازلت
المهم انا لسة دمي محروق وحاسس اني مخدش حقي لكن شهادة لله كل يوم لما اروح من الشغل اركن جنبة ما بقولش كلمة

بس عايز اية رايكوا ها اتصرفت صح ولا خطا واية اللي المفروض كنت اعملة

العفو عند المقدرة من شيم الكبار ، ومتفهمش ان ميل الطرف التاني للصلح ضعف ، ربنا يقوينا جميعا علي شرور نفسنا!

باختصار ( العفو عند المقدره )

و بالمناسبة العصبيه دائما بتخسر مش بتكسب .

ياعم مانتا علمت على الراجل وكل يوم بتركن خلاص كبر دماغك وتنازل واضرب معاه صحوبيه وخالى يحجزلك مكان وميمنعش تجيب كمان حجتك من عندو يعنى ربع زتون كلامتا على ربع لنشون حلاونى باللحمه وظبط حالك ياعم
وكده تبقى ظبتو قدام الشارع والناس تخاف منك :)
وتبقى وفرت تمن جراج

الوضع العام مخلى الناس تحت ضغوط ومش طايقة نفسها ولا طايقة بعضها فالتمس العذر
زمان كان شعبنا احلى شعب واجدع ناس وكان جارك يخاف عليك اكتر من نفسه ويخدمك بعنيه لو احتاجت له
هرم ماسلو للاسف لم يتخطى القاعدة الان والاحتياجات الاساسية للحياة مفقودة فلا تتوقع اى ذوقيات او رقى فى التعامل
دى حاجات اصبحت optional الان للاسف

اقتباس:

---

المشاركة الأصلية كتبت بواسطة sayedmatrix

العفو عند المقدرة من شيم الكبار ، ومتفهمش ان ميل الطرف التاني للصلح ضعف ، ربنا يقوينا جميعا علي شرور نفسنا!

---

+1

الجار له حقوق زى ما قال والدك .. و استعيذ بالله من الوسواس الخناس

ربنا يجزيك خير انك اتنازلت ...

العفو عند المقدرة من شيم الكرام
عاوز اقولك حاجة
الزحمة تعمل اكتر من كده
هى الزحمة سبب المشكلة

مافيش رد بعد كلام الاخوه الافاضل دول
خليك مع كلامهم
وربنا يوفقك

لو كان كابر او ناوي على شر كنت قلت لك افرمه

بس الراجل اعتذر ......

هو مش من حقه "قانونا"يقولك متركنش هنا ..بس ده باه حق مكتسب يعنى الناس اتعودت على كده وفاهمه انه حقها بجد مش بلطجه يعنى
انا شايف انك خدت حقك والراجل اعتذرلك انت بتمدله يد السلام وانت قوى مش وانت ضعيف
وعلى فكره بعد كده هتبقوا أصحاب وهتفتكرنى :)

لو ماتنزلتش وحاسس إن ليك حق عنده بعد إعتذاره
كنت هقولك خد حقك بالقانون
لكن طالما تنازلت .. أساسًا ملكش حق تتكلم عن حرقة دم
والراجل معملش مشكلة تانية والأمور ماشية تمام
خلاص إيه الداعي من فتح الموضوع تاني
دي مشكلة بينك وبين نفسك حلها مع نفسك
لكن لا شرعًا ولا عرفًا ولا عقلًا ولا قانونًا ليك حاجة عنده
حقك تنازلت عنه ..

يا باشا المسامح كريم......والراجل عمل اللى علية بالاعتذار.....والتعويرة اللى حضرتك اتعورتها مش مقصودة....يعنى هو مرفعش سلاح او حدف عليك حاجة......فالحمد للة على كدا و اللى انت عملتة صح

خلاص الموضوع انتهى وخلينا اخوة احسن. كفاية حرب وحرق دم.

ِأشكركم يا جماعة كلكم علي المشاركة
هو فعلا المووضوع يعتبر انتهي بس انا اللي فارق معي جزئية ان كل صاحب محل يحط ةقدامة 3 متر طوب وخوازيق ويمنع اي حد انة يركن تكلة يقولك دة اكل عيش
يعني طمع وجشع غريب
علي فكرة لما روحت القسم الشهادة لله الظابط اللي كان هناك كان محترم جدا


وكان عايز يعملة لراجل محضر اشغال طريق لما عرف ان الخناقة بسبب ركنة للعربية
وفعلا خلي الراجل يشيل الطوب اللي حاطة قدام المحل
بس طبعا بعد ما بيمشي البوليس بيرجعول تاني
هي الحياة في مصر بصراحة بقت صعبة جدا شوراع زحمة وناس اخلاقها انعدمت
لدرجة ان الواحد اتعقد من السواقة كلها
يالا ربنا يلطف بينا كلنا ويسترها علينا

الصلح خير
ليس من حق صاحب المحل منعك و الشجار معك بسبب الركن
زادت جدا - على مواقع التواصل الاجتماعي - نبرات شحن الناس و الدعوة المستمرة للانتقام و الفرم ...الخ و تزايد مثل هذه الاصوات هو ما اوغر صدرك و جعلك تشعر بالندم على الصلح رغم انك اوضحت بشدة تكرار اعتذاره و ان اصابتك لم تكن مقصودة...لكن طبعا كل ما تحكي لحد يقولك انا لو مكانك كنت خليت و سويت...الخ

اقتباس:

---

المشاركة الأصلية كتبت بواسطة samyyousef

الصلح خير
ليس من حق صاحب المحل منعك و الشجار معك بسبب الركن
زادت جدا - على مواقع التواصل الاجتماعي - نبرات شحن الناس و الدعوة المستمرة للانتقام و الفرم ...الخ و تزايد مثل هذه الاصوات هو ما اوغر صدرك و جعلك تشعر بالندم على الصلح رغم انك اوضحت بشدة تكرار اعتذاره و ان اصابتك لم تكن مقصودة...لكن طبعا كل ما تحكي لحد يقولك انا لو مكانك كنت خليت و سويت...الخ

---

بجد انا اشكرك بشدة علي المداخلة دي
لان فعلا تقريبا لما حكيت الحكاية لبعض الاصدقاء في الشغل
قالولي دة انا كنت عملت وسويت لدرجة ان في حجد منهم قالي لو عايز تجيب لة بلطجية
يضربوة وانت بعيد انا عندي اليل يخدمك فحسبت الموضوع هيكبر وي فقولتة لا مش لدرجة دي

انا اللي اثر فية موضوع الاصابة اليللا فر ايدي هو فعلا مكنش يقصد لكن هو اللي بدا معي الشكل
ولما عرف انا هاروح اعمل محضر معرفش اية اليل حصل لكنة اتقلب 180 درجة وبقي عمال يعتذؤر ويتاسف فدة اللي خلني اني اقفل الموضوع لان الواحد عندة مشاكل كتيرة تانية ومش ناقص مشاكل زيادة

اقتباس:

---

المشاركة الأصلية كتبت بواسطة samyyousef

الصلح خير
ليس من حق صاحب المحل منعك و الشجار معك بسبب الركن
زادت جدا - على مواقع التواصل الاجتماعي - نبرات شحن الناس و الدعوة المستمرة للانتقام و الفرم ...الخ و تزايد مثل هذه الاصوات هو ما اوغر صدرك و جعلك تشعر بالندم على الصلح رغم انك اوضحت بشدة تكرار اعتذاره و ان اصابتك لم تكن مقصودة...لكن طبعا كل ما تحكي لحد يقولك انا لو مكانك كنت خليت و سويت...الخ

---

معاك حق الناس فعلا بتتفنن فى تسخين بعضها ويحسسوك انك فرطت فى حقك وانت كدة غلطان و و و. مفيش معنى التسامح ده اتلغى خلاص عند اغلب الناس الا من رحم ربى

المسامح كريم ياباشا وربنا يجزيك خير

مشكلة كل الناس وبرده مش حلها الخناق