ماهو فعلا العائد الجديد كويس جدا هتعوض التضخم والى بيحصل خلال ثلاث سنين بيتعوض حوالى خمسين فى الميه من المبلغ
عرض للطباعة
الصراحه من المواضيع القليله الى فى المنتدى الاجتماعى الى انا ناس بتدى خبراتهم من غير تحيز او اراء سياسيه فعلا شكرا ارائكم اثرت الموضوع
استاذى الفاضل دون الدخول فى تفاصيل كتير لا تنخدع بسعر الفائدة العالي لانه عائد نقدى و ليس عائد حقيقي العائد الحقيقي هو العائد بعد خصم معدل التضخم و في مصر معظل التضخم حوالي ١.٤℅ شهريا في ادني تقدير او من ١٧ الي ١٨℅ سنويا يعني حضرتك بودائع مش محتاج عائدها بتخسر ٥℅ سنويا في المتوسط
انت رافض الاستثمار في العقار و انا ممكن ايدك علي المدي القصير بس علي المدي المتوسط و الطويل هو افضل استثمار في مصر لو انت مش ناوي تهاجر
ليه لان مواد البنا زى الحديد و الاسمنت في ادني مستوي سعري عالمي من اكتر من ١٠ سنين و مش متوقع انها تستمر كده فتره طويلة بالعكس هتعكس دورتها و وقتها اسعار مواد البنا هتتضاعف و تكلفة البناء كذلك و المتر الي بيتكلف بناه النهارده ١١٠٠ جنيه هيتكلف ٢٠٠٠ و ٣٠٠٠ و بالتالي توقع طفره في سعر العقار مش بس مرتبطة بانخفاض الجنيه لا مرتبطة بارتفاع اسعار مواد البنا عالميا
اخر حاجة بالنسبة للدولار احنا اخر عهد اوباما عهد الدولار القوى لرفع مستوي معيشة الا مريكي العادي و دي سياسة الديمقراطيين عامة لو جه ترامب هيشتغل لمصلحة الشركات و دي تتطلب تخفيض الدولار و خفض الضرائب و زيادة سعر البترول بس برضه بالنسبة للجنيه الوضع صعب مصر مبقاش عندها موارد دولارية و بيئة الاعمال طارده للمسستثمر الاجنبي بشكل عام و السياحة ربنا اعلم بيها بص هقولك جملة واحدة الدولار وصل ١١ في الوقت الي بنقترض فيه دولارات من كل حته و اتحطلنا ودائع من الخليج كله طيب هيوصل كام لما نبدئ نسدد القروض و نرد الودائع عامة انا مش بقول نصايح انا بفكر بصوت عالي و هسيب القرار ليك بعد ما تفكر في الي انا كاتبه
انت كمان مش عارف والبلد ممكن تولع وساعتها مش هتقدر ت
تنويع مصادرك افضل حل لان الموضوع بدا ياخد نواحى سياسيه لما يبقى معاك محلى و دولار و دهب ايا كان الوضع الاقتصادى حتى لو هتخرج برا البلد خالص هتبقى افضل من انك تحط فى مكان واحد و شايف ان فى مجموعه كويسه جدا من الاقتراحات فى الموضوع و محطاته لكل الاحول و ربنا يستر و متجيش مشاكل و باذن الله هتبقى افضل حتى لو تستقر فتره باذن الله