عرض للطباعة
السلام عليكم
سؤال لو سمحتم .. هل في جهاز تتبع للسيارة يعطي بيانات عن المطبات و الفرملة المفاجئة .
لأني أنوي تعيين سائق و للأسف كانت لي تجارب سيئة جدآ مع السائقين .. من حيث العفشة و الاهمال الفظيع .
كل الأجهزة تقريبآ تتحدث عن متابعه موقع السيارة و سرعتها لكن محدش أتكلم عن المطبات او الحوادث او الفرملة المفاجئة .
طبعآ وارد ان حد يفرمل فجأة لكن مش طول النهار يعني .
لو في جهاز كمان تسجيل بالفيديو لمقدمة السيارة عشان نتابع مدى حكمة السائق أو رعونته .. ذي سواقين المكروباص ..
شاكر لحضراتكم
فى على سوق دوت كوم كامرات مراقبه للسيارات سعرها بيبدا ب300 جنيه لحد 1700 جنيه
انا مجربتهاش الحقيقه لكن اكيد هى عمليه انك تقدر تسجل الطريق بكل تفاصيله وممكن يساعد حضرتك فطلبك دا
كان عندي في عربيتي هو مش بنفس المفهوم ده بس هو بيقلك علي سرعة السياره بالوقت بمعني
يعني مثلا العربيه طلعت من الثبات لحد السرعة الي هي عليه دلوقتي في اد ايه مثلا هي بتطلع دلوقتي ويبدء يقراء العداد بكده انت تعرف السائق بيفتري ولا رزين وتقليل السرعه مثلا هو ماشي علي 100 كم وفجاءةبقي علي ٤٠ كم يقولك العربيه نزلت من ١٠٠ الي ٤٠ في مثلا ٤ ثواني فا كده تعرف اني السائق ضرب فرامل بفتره وهاكذا
بس هو جميل في مره نقزني وكان الموقف مدحك كنت متاخر مره علي البنك ونازل وانا مستعجل من العربيه وكنت في الرحاب ومش لاقي مكان والبنك هيقفل المهم لقيت مكان ونزلت جري داخل البنك وهو بيقفل خلصت شغلي في حوالي ساعة او الا ربع طلعت ادور علي العربيه مش لقيها ومش فاكر والله انا ركنت فين وفضلت اضور اكتر من 10 دقائق والحمد لله ربنا زكرني اني مركب الجهاز ده طلعت الموبايل وقدرت احدد.مكنها ورحتلها كان هيكون موقف وحش اوي لو مكنش راكب والناس تسئلني انت بدور.علي ايه اقلهم ايه نسيت ركنت فين هههههه
انا كنت مركبه بحوالي 2450 جم وكنت اقدر اتحكم في العربيه علي فكره اني افصلها ودورها