العربية مركونة من ٩ شهور ايه الصيانة المطلوبة

**Mohamed hider** · 27-05-2016 08:55 AM

السلام عليكم

العربية مركونة من ٩ شهور من غير ما تدور ،، كنت مسافر و حاططها ف جراچ ، ايه الصيانة المفروض اعملها ما اجي اشغلها تاني ؟

*العربية تويوتا كورولا ٢٠١٠

**Sherif Mandoor** · 27-05-2016 09:31 AM

تغيير زيت الموتور وزيت الفرامل ومياه التبريد
تغيير السيور والبوحيهات والكشف علي تيل الفرامل
زيت الباور وزيت الجير

**mosaad mohsen** · 27-05-2016 04:00 PM

زي مقلك ا/ شريف بضبط
زيت متورك زيت الفتس زيت الفرامل مع تغيير السيور وتيل الفرامل والكوتش والبطريه اكيد باظت وتشك علي العفشه والبجهات تتغير
بس يريت الزيوت والفلاتر والسيور ودورة التبريد وهي وقفه مكنها اما بلنسبة للباقي ممكن تتحرك وتعمله في اي مركز صيانه ونصيحه ممكن تتصل بشل تيجي لحد عندك وتعمل كل ده
اسف علي الاطاله

**Mohamed Desoky** · 27-05-2016 04:23 PM

يعنى طول ال 9 شهور دول مفيش حد دورها خالص ؟ لازم ميكانيكى هو اللى يدور الموتور لان الموتور ثابت على وضع البساتم والشنابر قفشه عليه لازم الموتور يلف يدوى فى الاول لحد ماالبساتم والشنابر تخرج من وضع الثبات والتمركز اوعى تدور الموتور بلمارش لازم تلف الكرنك يدوى دى اول نصيحه وتعمل زى الاخوه الزملاء ما قاله السيور كلها تتغير لانها من الركنه انكمشت وشققت والزيوت بانواعها موتور وفلتر زيت جديد زيت فيتيس زيت فرامل فلتر بنزين زيت باور ؟ المهم لازم تلف الموتور يدوى وربنا يوفقك

**borio1704** · 27-05-2016 05:52 PM

لو ما كنتش غيرت خراطيم المية قبل كده توقع إنها ممكن تعمل معاك حركة نقص..

بشكل عام.. أي جزء كاوتش عمره حوالي 5 سنين... ويوم ما يطول مش هيزيد عن 7 سنين.

...

**hayway90** · 27-05-2016 06:58 PM

هات فنى كويس يكشف على العربيه و متغيرش اى حاجه من نفسك علشان متغرمش على الفاضى لانك لن تعوض الاجزاء الاصليه ان كانت سليمه.

**mizomizomizo** · 27-05-2016 07:03 PM

انا عندي عربية مرفوعة بالثلاث سنين وكل ماجي ادور اجيب مكانيكي يدورها العربية بيجو كربارتير وبدو بعد عدد محلات وبغيز زيت ماتور ومرة كان في قفل علي التكيف وي لمبة زيت وحساس زيت وتشيك بشكل عام وغسلة كويس و بتسافر بدون مشاكل

**S O P H O S** · 28-05-2016 05:43 PM

تغير الزيت والتاكد من مستوي الميه والكشف
علي دورة الميه ومستوي الزيوت الاخري فقط
لا داعي لتكبير الصيانة غير للحاجة الي محتاجة تتغير فقط فرأي

**memoo305** · 29-05-2016 11:15 AM

ولا أي حاجة
حضرتك تشيك على مستوى الزيوت والمياه واضغط الكاوتش وتتوكل على الله وتدورها.
بعديها تطلع على المحطة أو مركز صيانة (اي كان الي بتتعامل معاه) تغيير زيت وتظبط كاوتش
عربيتك مركونة لعدة شهور وليس 9 سنوات