بيجو504 مو 85- مكيفة

**topfield** · 27-05-2016 12:44 PM

ارجو الافادة
في شكل العداد
الخاص بالبيجو 504 مو 85 GSr
هل العداد نهايتة 160
عشان انا مقدم على شراء واحدة ولقيت عدادها 160 فهل ده طبيعي ولا ايه الحكاية
العربية على الموديل ده عاملة 113900 كيلو فهل دة طبيعي
مع العلم انى البايع بيقول انى العداد مش متصفر لان العربية كانت مرفوعة
وانا رافع الصور عشان الناس الحلوة تنصحني فى الشرا اقبل واشتري ولا لا
مع العلم العربية حالة ممتازة ومكيفة وبها ازاز كهرباء نازل مع العربية الفرش الاصلي حالتة تمام
انا رفعت الصور عشان اشوف رايكم لانه يهمني وكل اللى عنده خبرة ينصحني وشكرا لاحلى منتدي واجدع ناس

**topfield** · 27-05-2016 12:46 PM

Technical information
ده رابط للمواصفات الفنية وصيانة البيجو 504

**Colin Chapman** · 27-05-2016 03:30 PM

المشاركة الأصلية كتبت بواسطة topfield

Technical information
ده رابط للمواصفات الفنية وصيانة البيجو 504

شوف بيجو بتفكر تعيد انتاج 504 لكن بشكل حديث وأسلوب جديد

**Colin Chapman** · 27-05-2016 07:30 PM

المشاركة الأصلية كتبت بواسطة topfield

ارجو الافادة
في شكل العداد
الخاص بالبيجو 504 مو 85 GSr
هل العداد نهايتة 160
عشان انا مقدم على شراء واحدة ولقيت عدادها 160 فهل ده طبيعي ولا ايه الحكاية
العربية على الموديل ده عاملة 113900 كيلو فهل دة طبيعي
مع العلم انى البايع بيقول انى العداد مش متصفر لان العربية كانت مرفوعة
وانا رافع الصور عشان الناس الحلوة تنصحني فى الشرا اقبل واشتري ولا لا
مع العلم العربية حالة ممتازة ومكيفة وبها ازاز كهرباء نازل مع العربية الفرش الاصلي حالتة تمام
انا رفعت الصور عشان اشوف رايكم لانه يهمني وكل اللى عنده خبرة ينصحني وشكرا لاحلى منتدي واجدع ناس

الرابط بيقول انها 1800 سى سى وتقفيل وتجميع كينيا وكانت بدون ابلاتين ولا كوندنسر والبوبينة متغطية هى والموديول مشط اليكترونى البطارية بجوار البطارية زى ال 205 !!!العربية بنزين وليس ديزل فى صور الرابط
وكانت مكيفة وكان فيه كمان تقفيل نيجيريا
Post your 504 here! - Page 2

مفيش مؤشر حرارة هنا

Hi Peugeot lovers. This is my 1996 Kenyan assembled bone stock 1.8L XM engine 504. It has a solid rear axle & Bosch electronic ignition. Has AC too. Been my daily driver for 12years and have covered 200,000km with it.

رابط تانى

Post your 504 here! - Page 2

**Colin Chapman** · 27-05-2016 11:00 PM

ahmed_eng2001

**ahmed_eng2001** · 28-05-2016 03:39 PM

المشاركة الأصلية كتبت بواسطة colin chapman

شوف بيجو بتفكر تعيد انتاج 504 لكن بشكل حديث وأسلوب جديد

مش عارف ليه .... بس لا اعتقد ان العربية دى ممكن تنجح زى ال 504 القديمة .. يمكن علشان المنافسة القوية من العربيات الكورى و اليابانى !!!

**Colin Chapman** · 28-05-2016 04:23 PM

المشاركة الأصلية كتبت بواسطة ahmed_eng2001

مش عارف ليه .... بس لا اعتقد ان العربية دى ممكن تنجح زى ال 504 القديمة .. يمكن علشان المنافسة القوية من العربيات الكورى و اليابانى !!!

لما نشوف هيعملوها ولا لاء
Peugeot 504 with a Nissan SR20DET

**م أحمد** · 28-05-2016 09:22 PM

المشاركة الأصلية كتبت بواسطة Colin Chapman

شوف بيجو بتفكر تعيد انتاج 504 لكن بشكل حديث وأسلوب جديد

شكلها قالب على 505 مش 504

علشان تنجح لازم تبقى عالية عن الارض و تقدر تمشى فى اى طريق (الكورى نزل بأكسنت و إكسيل و لانوس و فيرنا و لما عفشتهم اتهربدت و سملت على المطبات نازل بال suv موضة اليومين دول ) ...و صعب يسيبو الارتفاع زى الموديل الاصلى علشان موضوع الثبات

لازم صيانتها سهلة يعنى تصميم كهروميكانيكى غير معقد (مش عارف هيلغو الحساسات و الكمبيوتر و لا هيعملو ايه) ....و صعب يعملو كدا و ما يستفيدوش بالنقلة التكنولوجية الموجودة حاليا

لازم تبقى قوية يا اما 1600 تربو او 2000 سى سى و شوف بأه الضريبة لو 2000 سى سى .....و صعب يعملوها 2000 علشان هتبقى عامل طرد مش جذب

لازم دفع خلفى علشان تبقى زى الاصلية و اللى متمسك بالدفع الخلفى مرسيدس و بى ام و بيجو قلبت لكبالن .....و صعب تعمل كورونا تانى علشان الدفع الخلفى مكلف !!!

لازم مواتير موتورها الجديد زهر علشان يعيش مع اى بنزين و يبقى عمره طويل مش الومونيوم و دى مقدور عليها شوية و ال 508 الجديدة مفيش شكوى مع مواتيرها بعكس مرسيدس اللى لازم بنزين 95

لازم السعر يكون تنافسى و لما نزلو عربية بسعر رخيص (301) ناس قالت دى وحشة !!!

متهيالى و الله أعلم لو نزلوها زى ما هى بس بخامات و شاسيه موديل 2016 هيبقى فيه كلام تانى و شوف اللى معاه واحدة فابريكة برة و جوة بيطلب كام فيها

**Colin Chapman** · 29-05-2016 12:10 AM

المشاركة الأصلية كتبت بواسطة م أحمد

شكلها قالب على 505 مش 504

علشان تنجح لازم تبقى عالية عن الارض و تقدر تمشى فى اى طريق (الكورى نزل بأكسنت و إكسيل و لانوس و فيرنا و لما عفشتهم اتهربدت و سملت على المطبات نازل بال suv موضة اليومين دول ) ...و صعب يسيبو الارتفاع زى الموديل الاصلى علشان موضوع الثبات
تمام يا صديقى
لازم صيانتها سهلة يعنى تصميم كهروميكانيكى غير معقد (مش عارف هيلغو الحساسات و الكمبيوتر و لا هيعملو ايه) ....و صعب يعملو كدا و ما يستفيدوش بالنقلة التكنولوجية الموجودة حاليا
مشكلة فعلا
لازم تبقى قوية يا اما 1600 تربو او 2000 سى سى و شوف بأه الضريبة لو 2000 سى سى .....و صعب يعملوها 2000 علشان هتبقى عامل طرد مش جذب
مضطرين لكده
لازم دفع خلفى علشان تبقى زى الاصلية و اللى متمسك بالدفع الخلفى مرسيدس و بى ام و بيجو قلبت لكبالن .....و صعب تعمل كورونا تانى علشان الدفع الخلفى مكلف !!!
بس مرسيدس و بى ام دبليو عندهم كبالن برضه
لازم مواتير موتورها الجديد زهر علشان يعيش مع اى بنزين و يبقى عمره طويل مش الومونيوم و دى مقدور عليها شوية و ال 508 الجديدة مفيش شكوى مع مواتيرها بعكس مرسيدس اللى لازم بنزين 95
موتور المونيوم كان 104 و305 و604 وكان الميكانيكيا المصريين بيعمروهم زى الجن بس الصنايعية ديه ماتت بدون وريث للصنعة
لازم السعر يكون تنافسى و لما نزلو عربية بسعر رخيص (301) ناس قالت دى وحشة !!!
طبعا 301 فيها اخطاء زى ما انت عارف !!
متهيالى و الله أعلم لو نزلوها زى ما هى بس بخامات و شاسيه موديل 2016 هيبقى فيه كلام تانى و شوف اللى معاه واحدة فابريكة برة و جوة بيطلب كام فيها

مش ممكن تنزل شكل قديم تانى ويمكن مستحيل

موتور المونيوم كان 104 و305 و604 وكان الميكانيكيا المصريين بيعمروهم زى الجن بس الصنايعية ديه ماتت بدون وريث للصنعة مع الاءسف الشديد

**م أحمد** · 30-05-2016 05:51 PM

المشاركة الأصلية كتبت بواسطة Colin Chapman

مش ممكن تنزل شكل قديم تانى ويمكن مستحيل

موتور المونيوم كان 104 و305 و604 وكان الميكانيكيا المصريين بيعمروهم زى الجن بس الصنايعية ديه ماتت بدون وريث للصنعة مع الاءسف الشديد

طيب و هى و لا واحدة من دول نجحت زى ال 504 ...ال 305 نادرة " اللى كانت مع معاليك" و قليلة و ال 604 ممكن تلف مصر ما تشوفهاش....انا شفت واحدة كانت متكهنة جنب مرور عبود ....صحيح ايه ال 104 دى :)

ال 301 مين قال انها فشلت !!! دى دلوقتى فى القاهرة اكتر من ال 504

و الموضوع بتاع الفرامل الشهير دا كنت متابعه من قبل بداياته ....صاحب الموضوع جه على شهر 12 عمل حاجة زى اعلان كدا عن انه هيعمل موضوع على مشكلة فى الفرامل فى بيجو 301 !!!! طيب ليه ما دخلتش فى الموضوع على طول ؟؟؟

بعد كدا قبل معرض اوتوماك بشهرين و بعد اعلانه بشهر نزل بالموضوع بتاعه !!!! هل طبيعى لما عربيتك تتخبط تقف و تصور فيها ؟؟؟؟ الموضوع دخل فيه مواضيع التيل على الطنابير "الشكوى الحقيقية " على الفرامل !!!

كان بيقول انه مندوب التوكيل فى لجنة حماية المستهلك قاعد مبتسم و ولا همه ....و انا شخصيا ممكن اكون عارف كان بيبتسم ليه !!!

ما حبتش اكتب التعليقات دى بصراحة على احتمال انه ممكن يكون معاه حق و ساعتها تولع بيجو و كمان هيقول لك انت شغال فى التوكيل و مندوب مبيعات و تشرفنا

و الذى منه ....فى الآخر لما تقرير كلية الهندسة و حماية المستهلك رفضو الشكوى الادعاءات نزلت ان ايد التوكيل طايلة !!!! طيب ليه مش ممكن انك على غير حق

و قبل كدة قلتها فى بدايات ال 508 كان فيه مشكلة فى موديل ""ديزل"" من احتمال نشوب حريق و الخبر انتشر عالميا لقينا واحد هنا فى المنتدى قال ان عربيته ال 508 فى مصر - بنزين طبعا - ولعت على الدائرى !!!!!

بعدها فص ملح و داب

يعنى توكيل يدفع ربع مليون فى عربية و يولع فيها علشان يضرب توكيل تانى

دا هنا بس فى قسم بيجو بحكم اكتر قسم بنتابعه ...برضه تدخل قسم المقارنات و تلاقى الحيرة ماسكة ناس لما بيشوف العربية الفلانية اللى لسا نازلة مقابل ماركات تقيلة !!!