الموضوع: رؤوف غبور جاب من الاخر

انا قرأت المقال وبصراحه الكلام استفزني مش ممكن طبعا يقول ان العربيات ممكن ترخص
لأنه هوه البائع يعني في بياع يقلك متشتريش مني انهارده عشان انا هرخص كمان يومين لأ لازم يشكك ويديك انطباع ان ممكن السلعه دي مش العربيات بس هتغلى لازم يعمل كده

ده مش جزم مني ان العربيات هترخص انا زيي زي اي حد نفسه العربيات او اي سلعه اخرى ترخص عشان الفايده تعم على الكل

يا جماعة الموضوع خد جدل زيادة عن اللزوم في أكثر من موضوع هنا في المنتدى .. بس والله فيه ثوابت اقتصادية لازم تمشي على الكل رغم أنف أي حد في العالم حتى لو في مصر اللي هي حالة خاصة مختلفة عن بقية العالم .

هو بيقول في المقال الصحفي (بغض النظر على مين اللي عامله معاه واغراضه ايه) ان الناس متخيله ان اسعار التشغيل في صناعة السيارات "الحديد أو الألومنيوم أو البلاستيك أو البترول أو النقل ...إلخ" لو نزلت يبقى السعر بتاع العربيات حينزل .. بس "على حد قوله" أن فيه أزمة عالمية وأن اي شركة لو بتبيع 5 مليون عربية في السنة بيكون متحمل عليها حوال 12% مصاريف تشغيل ومصاريف إدارية .. فلما حصلت الأزمة العالمية الشركات دي بقت تبيع 3 مليون سيارة في مقابل 5 مليون قبل الأزمة .. وبالتالي الارباح حتنزل فحتتحمل مصاريف التشغيل والمصاريف الإدارية على العدد المباع بعد الأزمة يعنى 12% حيبقوا حوالي 17% .. والنسبة دي مش حتعادل بل حتفوق نسبة الانخفاض في اسعار التشغيل (البترول والحديد والألومنيوم .. إلخ) وبالتالي اسعار السارات حتزيد مش حتقل .

بالذمة ده كلام يخش العقل .. حتى لو ناس في حضانة .. الشركات بره مش هابلة للدرجة دي أنها تضحي بجزء من نصيبها في السوق في ظل الأزمة .. بل حتضحي في مصاريفها وتقلصها هي والحد الأدنى من العمالة بتاعتها .. مش كده ولا أنا غلطان .

وعن رأي د. رؤوف غبور في الخروج من الأزمة في مصر اقترح سيادته أن اسعار الفائدة في البنوك لازم تنزل .. وده صح مليون في المائة .. علشان الناس تبتدي تسحب فلوسها من البنوك اللي عليها فايدة قليلة وتشغلها في السوق .. ودي مش عبقرية ولا عن تجارب اقتصادية حديثة .. إنما دين الاسلام حث على ذلك بتحريمه الربا والفوائد .. ليه علشان الناس تضخ فلوسها في السوق تقوم عجلة الاقتصاد تمشي ومميبقاش فيه ركود ولا بطالة .. لأن أي حد في العالم عاوز أقصى ربح من الفلوس اللي معاه .. فلو مفيش أرباح في البنك خالص حشغل فلوسي في السوق فيحصل رواج اقتصادي (على فكرة أنا مبحرمش أو أحلل وضع الفلوس في البنك من عدمها علشان محدش دماغه تروح لبعيد)

أنا رأيي الشخصي انه على المدى البعيد (مش البعيد قوي) الأسعار في مصر حتنزل بالنسبة للسيارات سواء الوكيل شاء أم ابى .. علشان حيبقى فيه ضغوط من الشركة الأم في الخارج من أجل خططها في العالم مش في مصر بس .

وفي الأخر سياسة النفس الطويل هي اللي حتكسب .. ورأيي ده مش نصيحة لحد علشان مشيلش ذنب حد إنما رأيي شخصي مش اكتر ولا اقل .. وكل واحد ليه وجه نظر جديرة بالاحترام حتى لو مخالفة لوجه نظري .. بس يهمني أعرف أراء ناس تانية .. يمكن أكون غلطان أو فيه حاجة غافلها .

و الله احييك و مش عارف اقولك ايه قلت الكلام اللى على لسانى + فعلا كلامك صح فى موضوع البنوك و الربا بحييك جدا.
بقا دا كلام واحد عاقل يصدقه؟؟
بالعقل كدا يا جماعة!!
طب بلاش , عايزيين غبور يطلع فى الجرايد يقول يا جماعة الاسعار هترخص و محدش يشترى دلوقتى و ارجوكم خسرونى فلوس على قد متقدروا؟
طيب لما الاسعار مش هتنزل ليه خفض اسعار موديلات 2008 و لحد النهاردة منزلش النترا 2009 و مش عارف يبيع الالنترا ال2008؟
كذا حاجة قالها مش محتاجة الواحد اساسا يعلق عليها !!!!
الكلام اللى قاله النهاردة ده يؤكد قرب انخفاض العربيات ان شاء الله بدليل الفزع اللى حصل لتاجر كبير زى غبور خلاه يتصالح مع اخبار اليوم اللى فى خلافات شديدة بينهم و كان قاطع عنهم الاعلانات علشان يطلع يقول اعلان زى اللى كلا قريناه النهاردة!!

لا من الاخر ولا من الاول ، توكيل هونداى توكيل ذكى ومحترم وواكل ثلث السوق وعنده اكبر مركز للخدمة فى الشرق الاوسط فى ابو رواش
كيا وهونداى بره فى كوريا شركة واحدة واحنا عندنا فى العربية الفيرنا قطع الغيار مدموغ عليها العلامتين ، يعنى بتركب على بعض لان كل موديل فيه مقابل له بالميلى ولكن التغيير فى العلامة والشكل الخارجى فقط ، لاتوجد منافسة بينهم لكن فى مصر التوزيع مختلف كل واحد فى توكيل مستقل
ممكن عربيات تنخفض وممكن عربيات تفضل زى ماهى وممكن عربيات تغلى كمان
نيجى للمستهلك انت عايز ايه
1- فى حدود سعر كذا
2- امكانيات كذا
3- قوة واداء وموتور كذا
4- صيانة وقطع غيار كذا
5- تكلفة تشغيل كذا
احنا بنتكلم عن السعر الاولى للعربية
لا السوق هاتتغير خريطته تماما ، واللى سعر صرف عملته هاترتفع هايطلع فوق وتقل مبيعاته ، واللى عملته هاترخص هاينزل تحت والطلب يشتد بجنون عليه
طيب المصانع ناوية تخفض من 20% الى 40% من سعر العربية مع تحمل نصف الخسارة والنصف على الموزع ، وهايزودوا الحصة التوزيعية لكل وكيل
الوكيل هايعمل ايه ، هايخلى العربية على سعرها ، التهديد القائم هو سحب التوكيلات من غير المتعاونين مع المصانع لمواجهة الازمة الحالية
احنا شيلناكم وكسبناكم احنا دلوقت بخسر وهانفلس ولو موقفتوش معانا يتم سحب التوكيل
يبقى الاسعار هاتتحرك ولكن الاتجاه نحو الانهيار ولك ان تعلم ان التخفيض فى دول الخليج ادفع عربية كاش وخد معاها واحدة مجانا !!!!!!!!!!!!
علشان يصرف المخزون والحصة الاضافية اللى هايشربها

طريقة كلام معروفه طبعا , اصل الاسعار حتغلى , اصلى حقلل الانتاج .... ياريت يوقف الانتاج خالص و مينزلش عربياته فى السوق لان ليها اكتر من بديل و من مركات محترمه و توكيلات محترمه .
الى عاوز يغلى اسعاره يغلى , و المستهلك يقرر اذا كانت العربيه تستاهل ولا لا

المقال دة هو اكبر دليل على استخفاف اصحاب التوكيلات بعقول المصريين
و الايام هتبين الوضع و السوق هيروح لفين